التخطي إلى المحتوى

كلمات اغنية الغربة لمطرب الراب زاب ثروت من البوم المدينة الجديد كلمات مؤثرة تحاكى واقع الشباب الذي يسافر من اجل بناء مستقبله، حيث اطلق الفنان زاب ثروت البوما جديدا وقد حصل الألبوم على مشاهدات عالية منذ اطلاقة على اليوتيوب وخاصة اغنية الصحاب لزاب ثروت حيث تحتوى الأغنية على كلمات مؤثرة اعجبت الكثر من الشباب والذى يتابع الفنان زاب ثروت بالاشتراك مع العديد من الفنانين، وفى هذه المقالة سوف نطرح لكم كلمات اغنية الغربة زاب ثروت مع سارى هانى بالأشتراك مع امير عيد فى اقوى اغانى البوم المدينة الجديد.

كلمات أغنية الغربة – زاب ثروت وساري هاني مع أمير عيد فى البوم المدينة

هذه هى كلمات اغنية الغربة زاب ثروت مع سارى هانى وامير عيد حيث وجدت الكلمات اعجابا كبيرا من قبل جمهور مغنى الراب زاب ثروت واليكم كلمات اغنية الغربة لزاب ثروت وسارى هانى والذى يختفى منها المطرب حمزة نمرة الذى كان مشتركا فى غناء اغنية الصحاب من البوم المدينة.

كلمات اغنية الغربة

بداية كلمات اغنية الغربة

شاب بسيط بيحلم انه يبقي حاجة

من منطقة  شعبية فيها ناس كتير محتاجه

زمان قبل ما نعرف التمييز والطبقية

زمان قبل تفريق الناس طبقات بعنصرية

مش هقارن ما بين زماننا والحال أيامه

دلوقتي قيمة الشخص بفلوسه مش باحترامه

سافر الولد برا البلد علشان يأمن مستقبله

واتقي ربنا في شغله ورزقه من اوله

عدت سنتين واتجوز احلى بنت شافتها عنيه

من اول مرة شافها دعي ربنا تبقي  ليه

وبدأوا بيت صغير طوبة طوبة واحدة واحدة

كانت هيا سنده في برد الغربة والوحدة

وقوام ربنا رزقهم بأحلى بنت في البنات

والرزق زاد بعدها بتلات اخوات ولاد

والبيت كبر ودفي والغريب نسي غربته

بقي في وطنه حضنهم وفي لقاهم فرحته

غلطته انه نسي ان الفرحة مش بدوم

المرض عرف طريقهم بقي بيزورهم كل يوم

الموت قرر يختار اكبر ولد من ولاده

مابيتأخرش عمره بيجي في وقته وفي معاده

ويادوب قدروا يفوقوا من الصدمة اللي كانوا فيها

والموت خطف الصغير في الزيارة اللي بعديها

والحرب قامت في الخليج سنة تسعين

راجعين بكفايانا نعيش متغربين

الغربة حال مابينتهيش

 بنتولد و فيها نعيش

مابين غريب جوه بلادي

وبلاد كتير ماتخصنيش

***********

الجزء الثانى من كلمات اغنية الغربة زاب ثروت

بداية جديدة في مدينة محدش فيها ساكن

سموها نصر صحرا واسعه وشوية مساكن

حاول وعافر دور بس الفرصة مش متاحة

ماليش مكان في بلدي قالها لنفسه وبصراحة

اتغرب تاني وساب حبيبته للأولاد

في كل سبت كانت مكالمة طويلة في المعاد

يطمنهم عليه ويحكي ازاي بيوحشوه

ويرد عليه ولاده يقولوا نفسهم يشوفوه

الغربة مش اختيار لما يكون مفيش حلول

عمر الفراق ما بيقصر دايما بيزيد يطول

وبنفتكر الهدايا راح تعوض الحبايب

مين قال الهدايا تحل محل الغايب

 مرة جواب في صورة مرة شريط في قصة

كل دة مش كفاية اصلك واحشهم لسه

والعمر بيجري طاير زي جري حبيبه ابنه

ورا تاكسي رايح عالمطار زي التاكسي اللي قبله

كان كل مرة يبكي لما ابوه يروح يسافر

وينام في حضنه لما يرجع ايوه انا لسه فاكر

انا فاكر كل كلمة كل تفصيلة وثانية

اصل دي حكاية ابويا مش اي حكاية تانية

تشبه في الحكاوي ياما ناس كتير متغربين

اللي سافروا من شهور واللي هاجروا من سنين

والقصة مش بتخلص أصل الغربة في دمنا

جيل بيسلم جيل واكيد حنسلم اللي بعدنا

**************

الجزء الثالث كلمات اغنية الغربة زاب ثروت

الغربة حال مابينتهيش

 بنتولد و فيها نعيش

مابين غريب جوه بلادي

 وبلاد كتير ماتخصنيش

قبلنا ومننا ياما حلموا ناس كتير

 حلم بأرض خضراء واسعة وخير في الكون ملوش مثيل

ولما صحيوا من منامهم لقيوا كل الأرض بور

 فتحوا عنيهم في الضلمة ضلمة العقول

اللي في الصخور يكسر واللي منهم قال يقصر

 اللي قصر قام مسافر واللي حاول بعده حصل

 في النهاية دي رسالة كلها تقدير لوالدي

 عاش حياته بيفني عمره علشان اقول عندي وعندي

*************

كلمات اغنية الغربة مع سارى هانى واميرعيد فيديو

كلمات اغنية الغربة زاب ثروت فيديو
كلمات اغنية الغربة زاب ثروت البوم المدينة

تعتبر كلمات اغنية الغربة من اقوى الكلمات التى تحرك المشاعر لدى المغتربين عن اهاليهم من اجل تحقيق ذاتهم الذى يردونه، وبعد معرفة كلمات اغنية الغربة سنعرض لكم فيديو كلمات اغنية الغربة لمطرب الراب زاب ثروت كما يمكنكم مشاهدة كلمات اغنية الصحاب لزاب ثروت مع حمزة نمرة مباشرة من هنا، واليكم الان الفيديو الخاص بأغنية الغربة لمطرب الراب زاب ثروت وسارى هانى مع امير عيد بالفيدو.



التعليقات

اترك تعليقاً

لن يتم نشر عنوان بريدك الإلكتروني.