لية بتعممه القاعدة مش كل البنات وحشين وخونة ومش كلهم حلوين

زي ما فيه بنت مبتضحيش وكل همها المادة والمستوي في كتير بيضحوا وبيقفوا مع الشخص اللي ارتبطوا بيه

وزي ما فيه رجالة مخلصة فيه كمان خونة

يا جماعة دي مش قاعدة مش لازم نقول كل البنات وحشين ومش لازم نقول كل الرجالة خاينين

المهم كل واحد يختار صح من البداية

انا ممكن اقول ردى يا جماعه مع كل الكلام الى اتقال مينفعش تحكم على كل البنات انهم شياطين ولا كل الولاد انهم شياطين بس المشكله يا جماعه الى مش واخدين بالكم منها ان الى ظاهر قدامنها الوقتى او الاغلبيه همه البنات دول وبلاش نقول شياطين نقول عليهم عديمى القلب لأنهم بيبصوا للماديات فى زمن الفلوس لكن فيه بنات لما بتحب بتحب بكل حاجه زى مثلا " مجروحه " ماهى كانت مستعديه تستناه للسن 50 ..أظن مش من العدل انك تحكم على البنات كلهم كدا... وهقلك اكبر دليل انا انفصلت عن حبيبتى تقريبا من شهر بعد حب 8 سنين تخيلوا 8 سنين وبسبب حاجه مستحيل انا كراجل اقبلها على نفسى انها بعد الجواز تفضل بشعرها ولبسها واصحابها الشباب .. كنت بضحى براحتى ونفسى عشان تكون هيه مرتاحه بس بعمرى مرضى انها تكون كدا بعد الجواز... بس دا مش معناه ان كل البنات كدا بالعكس فيه بنات تتمنى التراب الى بيمشى عليه حبيبها... دا رأيى

[email protected]

كلامك مظبوط يا ميرو ودة كمان كان رايي بس انت وضحت اكتر

ياااااااااااا سلام ناقصات عقل ودين انت عارف اصلا المعنى عشان تقول كده
انت فاكر ان ناقصات عقل يبقوا معندهمش عقل يعنى اعرف المعنى الاول واتكلم
وصوابع البنى ادم مش زى بعضها ومش كل بنت زى التانيه
زى ما فى الكويس زى ما فى الوحش
هيا الحياه كده بس الجدع الى يبقى عندو عقل ويفهم
يا ريت كلامى مش يضايقك بس

كلمه مختصره المرأه تعرف عن الحب ما لم يعرفه العلماء حتى ولو كانت جهله

حب البنت اكثر من حب الوالد بى اضعاف

بص أنا مقدره كلامك لانك مجروح وكمان أنا من اللى مقتنعين ان الولد لما بيحب بيحب بجد وعمرى ما بستخف بحاجة زى دى 0
أنا عايزه أعرف انت اختارتها على أساس ايه ياريت تجاوب بصدق 0 البنت دى كانت بتحب المظاهر صح؟ وكانت بتطلب منك طلبات كتير صح ؟ وكان شكلها أهم حاجة عندها صح؟ ياريت ترد بسرعة0


أما الاستاذ هارى حاول تنقى واحده تنفع تنحب وأحسن الاختيار بدل ماانت واخد الفكرة دى عننا أنا مش بنكر أن فيه بنات عايزه تنقتل فى مدان عام بسبب كده صدقنى لو كنت حبيت واحدة فعلا تنحب لقيمها ومبا دئها مكنتش هتقول كده متمشيش ورا المظهر

اولا انا ولد بس احب اقول لك ان مش كل البنات كده لان كل بنى ادم خطاء فلازم كل واحد يغلط بس المهم نتعلم ومتحكمش على الجميع من تجربه واحده وبلاش كلمه شيطان لانه مش كلمه سهله بل انها شديده التشبيه باللعين
فارجو ان لا تحكم من تجربه واحده ولا تعم البنات كلهم
وتقبل مرورى

انت ازاى بكلمة بنت تحكم على كل البنات

انت اكيد ليك ام واخت واقرايب بنات كتير مثلا بنات عمك بنات خلتك وكده يعنى لو رايك فيهم كده فعلا يبقى انا معاك فى رايك يا حضرت

مش هاقول اكتر من كده

ربنا انعم علينا بنعمة النسيان انسانه زى دى ماتستاهلش انك تعزب نفسك علشانها
على العموم انا ما اعرفش البنت بمكن عندها ظروف خلتها تعمل كده
واحب اكد مش كل البنات كده *صوابعك مش زي بعضها*
على العموم ربنا يكرمك وتنساها وتعيش حياتك من جديد

البنات زي البلوتوث طول ما الراجل قريب بتكون مرتبطه بيه
.
.
.
.
.
.
.
اول ما يبعد شويه تبدأ البحث عن اجهزة اخري

أنا هقولك ردى ...أنا حسيت ان فيه انسان بيحبنى من نظراته و مكنتش تهيؤات و اصحابى لاحظوا معايا نفس الموضوع و أنا بنت عموما معروفة بأخلاقها و طيبة و مش بكلم ولاد نهائى بأختصار بنت خام ..المهم اتقدملى عريس شافنى فى فرح المهم هو كويس و مش يعيبه حاجة خالص ابدا من كل النواحى بس انا قولت فى بالى ان فيه واحد بيحبنى من 3 سنين و خايف يكلم فرحت كلمته على الفيس بوك من اكونت بأسم مستعار و حاولت افهمه الموضوع بأختصار بس مقولتلوش انى متقدملى عريس عشان بس اعرف هو بيحبنى بجد و لا كان بيمثل عليا و مقولتش ليه اسمى بس كان كل كلامى معاه لما كلمته فى المرتين ألى دخلت فيهم على الشات بيوضح أنا مين و هو طبعا كان رد فعله غير متوقع و حسسنى انى ارتكبت جرم و فيما معناه هزقنى و فيما معناه قال انى بلقح جتتى عليه و فيما معناه قالى انا مبكلمش ناس زبالة !!! و كان ساعتها أيام امتحانات و قالى بصى انا مش فاضى لوجع الدماغ ده و كانت النتيجة انى انهرت و شلت مواد بسببه و لو كان رفض بذوق كان الموضوع هيبقى افضل مليون مرة و مكنتش هضايق بس هو للأسف طلع انسان حسبى الله و نعم الوكيل فيه و دخل كتب على جروب الدراسة بتاعنا انه فيما معناه البنات بتجرى وراه و انه متضايق من ده !!! و ان كل ميعامل بنت على انها اخته تتطلع بتحبه و انا اصلا عمرى ما بصيت ليه حتى لأنى واحدة بنت ناس و محترمة !!! و قال انه يوم ميفكر يجوز هيجوز على سن التلاتين و يكون عنده عربية و شقة و غنى و انا ساعتها كان نفسى ارد عليه و اقوله و هتجوز واحدة صغيرة عمرها 15 سنة كمان عشان تبقى كملت ...على فكرا هو مهندس يعنى هيتخرج هيتعين علطول و حسبى الله و نعم الوكيل تانى مرة