تعرضت سالي عبدالسلام لمرض مناعي في شعرها منذ سنة، وأدي الي تساقط شعرها، وكشفت سالي عن هذا المرض وقالت أنه هو مرض “الثعلبه”، وأكدت انها قد شفاها الله من هذا المرض، لكن المرض عاد إليها مرة أخري.
سالي عبدالسلام
قامت سالي عبدالسلام بنشر عبر حسابها على انستجرام عن تعرضها للمرض للمرة الثالثة، وقالت سالي عبدالسلام عبر حسابها على انستجرام: “الحمد لله، اتأكدنا والتحاليل كمان، وتانى مالهاش سبب، كلها بسبب الضغط النفسي والزعل، جسمك ومناعتك تهاجم الشعر وبدأت تكتر لأنها نشطة الحمد لله، سبحانك محدش مبسوط ١٠٠٪ الحمد لله وراضيين وبتيجى حاجات تحزن أقرب ناس ليا تتفاجئ إنك شوفتها لما تعرفها منك وعمره ما بان عليا والناس تقولك وتزعل ليه، ميعرفوش شايفينك من برا بس جسمك بيبقى أذكى منك! والله حاولت والله مش زعلانة”.
وأضافت سالي عبدالسلام: “هنبدأ ثالث وجرعات ثالث وكورتيزون أقراص وحقن وحقن في الراس تانى، ال٧٠ شكة كل أسبوع عداهم في عضم راسى، عداهم، ربى يعلم بوجع وآلم الكورتيزون في الراس بالذات، بيحرق وتقيل زي الزيت عشان يدخل الراس وصداعه ربنا يعفو عنا منه، أمي يا حبيبتي راحت معايا مرة من منظرى مستحملتش تيجى تانى، بقيت أروح لوحدى سبحانك والله، غير أضراره الجانبية اللي كنت لسه مخفتش منها، من كام شهر وقفنا بنتعالج من أضراره الجانبية وقلنا الحمدلله خلاص خلصنا، بس ابتلاء حب بيختبرك…والله رضا يا الله”.
واضافت سالي أيضاً: “دعواتكم هونت كتير نزلت سكينة ورضا وصبر ومعيطتش المرة دي عشان دعيتولى والله، هو إيه الحب الحلو ده! ويهزروا ويقولولى عملتى العمل فين عشان الناس تحبك كدة، مغرورة بحبكم! والله الحاجة الوحيدة اللي بتباهى بها وأتغر واتبسط وأقف أشكر ربى وأقول اللهم ديمها نعمة من قلبى، اللهم حبب فينا خلقك، اللهم قوة اللهم بارك يا رب هون، اللهم أشف مرضانا يا رب لا تبتليني في صبري..اللهم اعفو عنا يا رب”
