كيفية عمل الفشار في المنزل بطريقة لذيذة
كيفية عمل الفشار

الفشار من التسالى اللي يحبها الكبار والصغار وليه طرق كتيره جدا سوف نتحدث عنها من خلال هذا المقال، كما نتمنى بان تقوموا بتجربتها وتعجبكوا، يبحث الكثير من الأمهات عن كيفية عمل الفشار بالبيت، وكما نعلم بان للفشار فوائد كبيرة جدا، للجسم حيث انه مكمل الفيتامينات التي تعطي لجسم الإنسان طاقة وغذاء لبعض الأجهزة الخاصة بالإنسان.

طريقة عمل الفشار في البيت

المكونات

– كوب ذره صفراء صغير

– زيت ذره

– ملح (حسب الرغبه)

خطوات الاعداد الفشار بالطريقة العادية

أولا في حله نضع الزيت على النار ونتركه يسخن قليلا ، ثم نضع الذرة ونقلبها حتى تغطى بالزيت كلها ، ونغطى الحلة وهنبدا نسمع صوت فرقعه ، نسيب الحلة خمس دقائق على نار عالية ، وبعد الخمس دقائق نهدى النار خمس دقائق تانى لحد ما صوت الفرقعة يخلص ، بعد كده نطفي النار وننتظر قليلا ثم نرفع غطاء الحلة ونضع الملح ونغطى الحلة ونهزها عشان الفشار يتملح .

طريقة عمل الفشار بالكراميل

المكونات

-كوب ذره.

– زيت ذره.

– سكر ( حسب الرغبه) أنا هاستخدم كوب.

– ميه حوالى معلقتين كبار .

طريقة التحضير بالكراميل

نجيب حله وفيها شوية زيت أول ما يسخن الزيت شويه نحط الذرة ونقلبها ونغطى الحلة ونسيب النار عاليه خمس دقائق وبعدين نهدى النار خمس دقائق تأني ونسيب الحلة متغطيه بعدها هنقوم بحضار حله نحط كوباية السكر على النار ونهدى النار خالص، من ثم ها تبدأ تدوب شويه شويه ولونها يتحول للون العسلي، أول ما توصل لدرجة اللون اللي انتي عايزاه تطفى البوتاجاز وتحطي عليها معلقتين أو تلاته كبار ميه عشان السكر يوقف كرمله، نرفع غطا الحلة اللي فيها الفشار ونرش الكراميل عليه ونغطى الحلة ونهزها عشان كل الفشار يتغطى بالكراميل.

طريقة عمل الفشار بالجبنة

المكونات

– تلات اكواب من الفشار المعد مسبقا

– تلات معالق زبده

– جبنه مبشوره يفضل شيدر

طريقة التحضير الفشار بالجبنة

نجيب الفشار اللي عاملينه ومجهزينه وفى حله نحط الزبدة وبعدين عليها الفشار،ونحط الجبنه المبشوره ونهدى النار، ونغطى الحلة لحد ما الجبنه تسيح في الفشار، نتمنى نكون قدمنا لكم طرق تنال إعجابكم، وبالهنا والشفا 😍😍😍 .