كلمات ليس كالكلمات هى كلمات من القلب للقلب

كلمات من واقعنا ولكنها كلمات ليست كالكلمات. كلمات من القلب للقلب
عارفين يعني
إيه العمر يضيع وإنت بتسعد غيرك وغيرك ميستهلش .
عارفين وجع القلب لما يتكسر بعد ما كان كل نبضه فيه إهتمام وحب لقلوب متستهلش.
عارفين يعني إيه روح ملامحها تختفي عشان أرواح حواليها ملامحها تظهر بتقدير وجمال وبرده تكون أرواح متستهلش.

يعني يا خساره العمر اللي ضاع.
والحب اللي من غير تمن إتباع.
والروح اللي كل ذره فيها أوجاع.

يبقي مش مهم تكون إنسان كامل لأن الكمال لله وحده.
كفايه تكون إنسان متعرفش للنفاق طريق .
كفايه تكون إنسان صادق مش مجامل ولا كداب ولا خاين
ولا تعرف ناس لمصلحه ولا أناني وأسوء ما يكون إنك تكون مالكش عزيز ولا غالي.

الله الغني عنك مهما كنت مين إبن أو زوج أو أخ أو صديق أو أي حد، مهما كنت الله الغني عنك .
عاوزة أقلك إن اللي زيك خسارتك مكسب بكل المقاييس
إللي زيك ميتقلوش مع السلامه يتقاله يارب ما يجمعنا طريق.

الدنيا دواره والعمر بيجري والدين بيترد، بس ياتري ربنا هيقويك تستحمل الوجع وقتها، أحب اقلك لا لا لا هتكون أضعف ما يكون متهان ومالكش حبيب .

فضفضه من واقعنا الأليم.

أقلامنا تكتب كلماتنا .
كلمات ستضاف لأعمالنا.
فلنجعل كلماتنا نجوماً تنير الدروب المظلمه.
فلتكن حقاً يقهر الباطل وسيوفاً للنفوس الظالمه.

كلمات حب تزهر كالبساتين اليانعه.
كلمات تخلق الأمل للقلوب اليائسة.
كلمات ترياق للجروح الغائرة.
كلمات تخلق إبتسامة تسكن العيون الدامعه.
….
قلمي هو أملي

كلماتي …..
نجلاء محمد