طريقة عمل الملوخية بالفراخ خطوة بخطوة (طريقة جديدة)

الملوخية لها طرق مختلفة حسب كل بلد .. بالفراخ او اللحمة .. او الجمبري .. وممكن تكون الملوخية مفرومة او بورقها صحيح بدون فرم .. او ناشفة.

تعالو نجرب طريقة مختلفة للملوخية.

طريقة عمل الملوخية بالفراخ خطوة بخطوة

المقادير

1_فرخة متقسمة 4 أرباع

2_توابل : ملح وفلفل وليمون وخل وورق لاورا وحبهان,مستكة

3_ 4 معالق زيت

4_بصلة كبيرة

5_ملوخية طازة او مجمدة

6_4 فصوص توم

7_معلقة صلصلة

مقدار الملوخية لكل لتر شوربة كيلو ملوخية تقريباً

طريقة التحضير

1_هنجيب الفرخة المتقطعة أرباع نتبلها بالملح والفلفل والخل.

2_ نحط الطاسة على النار ونحط فيها معلقتين زيت ونشوح فيها الفراخ والبصلة بعد تقطيعها شرائح لحد ما الفراخ تاخد لون تحمير.

3_نزود مية مغلية على الفراخ لحد ما تغطيها ونضيف عليها التوابل الملح والفلفل وورق لاورا والحبهان والمستكة ونكمل تسوية الفراخ.

4_نشيل الفراخ من الشوربة بعد نتائكد انها استوت ونشيل بقية البهارات ورق اللاورا .

5_نحط الملوخية على الشوربة سواء كانت طازة ومتخرطة او مجمدة.
6_نقلب الملوخية على نار هادية ومعاها معلقة الصلصلة ويفضل انها تكون طماطم واول ما تبتدى تغلى نحط 4 فصوص التوم ويكونو مدقوقين ومتحمرين قبلها مع نص لمونة ونسيبهم دقيقة ونقفل عليهم النار.
تتقدم مع الرز والفراخ متقطعة او ارباع ومعاها سلطة خضار مكونة من طماطم وبصل مع ملح ولمون وزيت زتون وسماق.