نكت 2016 / كما اعتدنا في موقعنا ” نجوم مصرية ” على تقديم كل ما هو جديد نقدم لكم اليوم مجموعة من اجمد النكت المصرية لعام 2106، فمن المعروف عن المصري انه ” ابن نكتة “، فالشعب المصري يضحك عندما يكون فرحان، ويضحك في الهموم والاحزان، فلا شيءيقهر الشعب المصري أو يمنعه من الضحك، فالنكت تعتبر روشتة علاج للشعب المصري وقت الاكتئاب أو الحزن.
اجمد نكت 2016
اجمد النكت المصرية 2016
1- واحد معاه عربية مرسيدس ماشي في الطريق، فشاف واحد معاه عربية فيات عطلانة، نزل قاله اي خدمة؟، قاله ممكن تسحب عربيتي لحد الرست؟ قاله ماشي بس لو انا سرعت عليك ارعشلي بالنور الامامي، وهما ماشيين لقو عربية بي ام دبليو عدت جنبهم بسرعة، فبتاع المرسيدس قرر يجيبه ويسبقه، واخونا بتاع الفيات يرعش بالنور وهو ولا هنا، المهم المرسيدس والبي ام بيجرو بسرعة صورهم الرادار وشافهم الضابط فكلم الكمين قالو في عربيتين مرسيدس وبي ام بيجرو بسرعة سيبوهم وهاتولي الكلب بتاع الفيات اللي بيجري وراهم وعاوز يسبقهم.
2- واحد بيقول لمراته لما ازمرلك انزليلي، قالتله انت جبت عربية؟، قالها لا.. جبت زمارة.
3- واحد فافي نازل من البيت فمامته قالتله انت رايح فين؟ قالها انا مش هقولك انا حر، نزل شاور لتاكسي، السواق قاله على فين ياباشا؟، قاله بفي انا ماقلتش لمامي هقولك انت؟
4- واحد كسلان قوي اتحكم عليه بالاعدام ردما في حفرة، فسألوه تحب ايه قبل مانردم؟، قالهم نفسي اشرب، قالولو اطلع اشرب، قالهم انا لسه هطلع اردمو اردمو.
5- واحد تنح قابل واحد رزل، الرزل قال للتنح علمني التناحة، قاله ماشي، اطلب اي رقم وقولهم الحاج حسن موجود؟ قاله تمام، التنح قاله اتصل ثاني وقولهم الحاج حسن موجود؟ قاله تمام علمني بقي الرزالة، قاله ماشي، اطلب نفس الرقم، وخد منه التليفون وقال انا الحاج حسن حد سأل علية؟.
6- دبانة غرقت في كأس خمرة، طلعت من الكأس تقول وسع وسع للنسر.
7- حرامي دخل يسرق شقة، لفي جوه واحدة مفترية وتخينة قوي، مسكته وقعدت عليه، وقالت لابنها انده لابوك من القهوة، الحرامي قاله بسرعة والنبي يابني.
8- واحد مربي كتكوت مفتري، كل لما يدخله العشة ياكل اللي فيها، زهق منه وراح راميه في الصحرا، بعد فترة حس بالذنب وراح يشوف الكتكوت، لقاه واقف في النصف والنسور واقفة حواليه، راح هش النسور من على الكتكوت، الكتكوت قاله الله يخرب بيتك بوظت الكمين.
9- واحد جزار راح يخطب، أبو العروسة قابله وقاله المهر 50 الف جنيه، قاله ليه ياحج! هو الكيلو بكام؟.
10- واحد بيقول لابوه عاوز 2 جنيه، علشان رايح مشوار مع محمدين، قاله طيب ماتخد جنيه وروح مع محمد.
11- طفل مامته حامل، وهو في المدرسة الاستاذ بيقوله انت عندك اخوات؟، قاله كان عندي اخ وماما أكلته.
12- واحدة بتسأل شيخ وتقوله هل ممكن التفي مع زوجي في الجنة؟، قالها حرام عليكي هو انتي ناوية تنكدي عليه دنيا وأخره.
13- طالب غبي في حصة العلوم، رفع ايده وقال ربنا يسعده اللي اخترع الانترنت، مش زي واحد رخم نزلت عليه تفاحة فنكد علينا حياتنا.
14- واحد سباك راح يكشف عند دكتور وخد معاه مراته، الدكتور كشف عليه وقالها يامدام الحوض مكسور، قالتله مش مهم، مش الحنفية شغالة؟
15- واحد فتح عيادة وكتب عليها من برة، الكشف 100 جنيه وان لم يتعافي المريض ندفعله 200 جنيه، واحد نصاب راحله وقاله انا مش بحس بطعم الاكل يادكتور، الدكتور قال للممرضة هاتي العلبة 22، فخد ملعقة واداها للمريض النصاب راح خد الملعقة وتفها وقال للدكتور جايبلي شطة يادكتور؟، الدكتور قاله مبروك انت خفيت، قرر يروحله ثاني علشان ينصب عليه قاله يادكتور انا فاقد للذاكرة، الدكتور قال للممرضة علبة 22، النصاب قاله لا شطة بلاش، الدكتور قاله مبروك الذاكرة رجعتلك.
كتب تعليقك هنا…