تصدر المحتويات الرائجة على اليوتيوب :
” زهرة ” – أغنية جديدة للفنان المصري الشاب حمزة نمرة ضمن ألبومه الجديد من تانى هطير والذي قام بطرحه بالامس عبر يوتيوب وتطبيق أنغامي وآي تونز فقط وقد احتلت الاغنية زهرة للفنان حمزة نمرة المركز الثالث على قائمة المحتويات الرائجة بحسب إحصائيات موقع اليوتيوب قبل مرور 24 ساعة فقط من صدورها بعدد مشاهدات تخطت ال440 ألف مشاهدة وقت كتابة هذه التدوينة، لتكون الأغنية الثانية التي تتصدر المحتويات الرائجة لنفس المعنى في هذا العام بعد أغنية داري يا قلبي والتي يمكنك قراءة كلماتها ومشاهدتها بالفيديو من هنا
زهرة لتنبيه الفتيات :
وتناقش زهرة قضية الشباب المخادع والذي يخدع الفتيات بالكلام المعسول والحب، ومن الواضح من كلمات الاغنية التي سنعرضها بعد قليل أنها تهدف لتحذير الفتيات من الانجراف في تيار الكلام المعسول حتى لا تتجرع بعد ذلك مرارة الألم والعذاب النفسي.
كلمات أغنية زهرة – حمزة نمرة :
كانت صبية بقلب أخضر
زهرة في وسط الشوك بتكبر
شايفة الحياة صافية وبريئة
وما تعرفشي ايه المقدّر
من صغرها كانت بتحلم
زي كل البنات بترسم
عروسة لابسة فستان وطرحة
بس اللي حلم غير اللي فسّر
قابلت ولد حبت كلامه
شدها أوي باهتمامه
صدقت ما كانتش عارفه مخبي ايه
فيه ناس كتير الشر فيها
والمظاهر بتداريها
وزهرة مش شايفة الوش الحقيقي ليه
الطيبة دي ما تغرّكيش
مهما يقول ما تصدّقيش
ده مافيش أسهل من الكلام
إنتي أصلاً مش فارقة عنده
أناني وبيفكر في نفسه
يومين وهيقول لك سلام
وف يوم ولا كان يخطر في بالها
قال لها كلام وجعها
وببساطة الندل باعها
سابها غرقانة ف دموعها
لما من غير ذنب سابها
ابتدا يزيد اكتئابها
حسّت إنه خلاص ما فيش خير في البشر
صدمة صعبة جت في ثانية
حوّلتها لواحدة تانية
أصل أول جرح سهل يسيب أثر
إوعي تبكي مهما شوفتي
في الحياة مكتوب يا بنتي
ننجرح علشان نشوف
عيشي أحلامك زي مانتي
قومي ثاني لو وقعتي
مهما كانت الظروف
مشاهدة أغنية زهرة بالفيديو :
والآن حان الوقت لمشاهدة الاغنية بالفيديو من الحساب الرسمي للفنان حمزة نمرة على اليوتيوب :
الاغنية.رائعة.فيها.كل.إليبيحصل.فيالزمن.ده