طرح مغني الراب المصري الجوكر أغنية جديدة اسمها الوصايا عبر قناته الرسمية على اليوتيوب، حيث تصدرت أغنية الوصايا ترند الأكثر مشاهدة، نظرا لقوة كلمات الأغنية التي تقدم العديد من النصائح، ويعتبر مغني الراب المصري أحمد ناصر والشهير بالجوكر من مواليد 21 ديسمبر لعام 1992م، حيث تم اكتشاف موهبة الغناء لدى أحمد ناصر بطريقة الراب كما يسمونها بالصدفة، أثناء جلوسه مع أصدقائه، حيث وجد في البداية صعوبة في أداء الأغاني باللغة العربية الفصحى، ولكن حينما كان مميزا في أغاني الراب، فكر الجوكر بنشر موهبته على طريقة غناء الراب، فأغاني الراب في مصر قليلة ولهذا لن يجد منافسين أقوياء يصعب التصدر عليهم، وبدأ بالفعل في إطلاق موهبته والتي وجدت نجاحا كبيرا، واخر النجاح هى أغنية الوصايا الجديدة، حيث تصدرت الأغنية في قوائم الأكثر مشاهدة، واليكم من خلال هذه المقالة المميزة كلمات أغنية الوصايا مكتوبة من غناء أحمد ناصر “الجوكر”والتي نطرحها إليكم بالفيديو كاملة.
كلمات أغنية الوصايا – الجوكر
كلمات الأغنية
البشر غرقوا في شر نفوسهم وانت مش رسول
طول ما محدش عايز يسمع يبقى إياك تقول
الكلمة مبتغيرش إلا اللي بيسعى للتغيير
متقولش “هخسر ايه؟” عشان اعداء الكلمة كتير
****************
لازم تفهم أن الناس بتكيل بمكيالين
والفرد بحد أدنى يمتلك وشين
مش هيبصوا اللي انت فيه دفعت إيه مقابله
كل يبكي على ليلاه وشيطانه بيطبطبله
*****************
اللي ادى استنى ياخد، واللي خد خلع من بدري
القلم بص على الخشب اللي راح مبصش انه مبري
مستكترين عليك قيراط ما هما رضيوا ب شبر
اشمعنى آدم يتسجدله أنا أحسن منه كبر
*******************
لو لمحوا الهمة هيحبطوك بكلمة لأجل ما تهمد
عايزين يشوفوك بتموت بشفرة تلمة عايزك تجمد
ولا بيجروا في طريق ولا انت عقبة لازمها إطاحة
بل سولت لهم أنفسهم إن موتك راحة
*******************
الغل كل قلوبهم واللي اتبقى منهم غيرة
أسهل تبرير لشر النفس إن الحياة شريرة
العين بتكره كل اللي أحسن منها طول الخط
لو مش أد العيشة بين أحياء أموات إتعض
********************
هييجي من أقصى المدينة شخص عكس الباقي
أوعى تشوف بعين القاعدة ما هو إستثنائي
نحن نشك حتى نُدفَع أن نثق
الدنيا مره مش لازم تشربها سِك
********************
لو لو رجع الزمن سنة مش هتمشي في طُرق تانية
اعرف أن مرت سنة من غير ما تكبر ثانية
لو غلطت راجع نفسك وهتدفع لو تمن بصه
واجه.. أوعى تدفن راسك في التراب وتندب حظك
**********************
في ناس بتحس بكبر على تجارب ناس سبقتها
كل اللي كانت دماغه ناشفة الدنيا دغدغتها
في ناس بتعرف تستفيد من كل شخص جرب
وناس لازم ايديها تتحرق عشان تحرم
**********************
بين طبقات الناس وتسلق جبل شبه بحت
كل بصة فوق لازم توزنها ب بصة تحت
لو فضلت باصص فاضل أد ايه ومين فوقيك
مش هتحس طلعت أد ايه ولا عمر شيءيرضيك
***********************
هتضحك عل انك بتقول دلوقتي جبت آخري
دايما اللي جاي أصعب، إنشف لسه بدري
عايز جلدك تخين، ولو يا تتكسر يا تميل
إتكسر تلحم عضم أنشف م العضم القديم
***********************
لو بصيت للسما بعين الغِل تلات تربعها
اعرف إنك ماشي في طُرُق بقى لازم ترجعها
أنت عدو نفسك ديننا بيمنعك تتمادى
آلهنا مش فوق الاولمب بيتنفس عبادة
*********************
في أصول الأعتقاد كل الفرق أصابت
الكُفر كبر.. مش اجتهاد في فهم غامض
لا تنغلق وتشخصن الأمور ف تبتذل
نحن أشاعرة في بعض الأمور نُرجئ أو نعتزل
*********************
هتحس الاختبار تقيل عليك.. ومين محسش
إبراهيم قال: أرني كيف؟.. وإبراهيم متهزش
فيه قبيح بديله أقبح، وقريب بعيده
أوضح وصاحب جنتين اتمنى لو إنه كان الأصلح
هتبان الدنيا ظالمه متصدقش اللي انت حاسه
يوسف لو مترماش في البير مكانش هيرمي نفسه
ساعات شرور نفوس الناس تكون خطوة
في طريقنا مش عارفين رايحين لفين ؛ ف متقوليش بعدنا
************************
الغل كل قلوبهم واللي اتبقى منهم غيرة
أسهل تبرير لشر النفس إن الحياة شريرة
العين بتكره كل اللي أحسن منها طول الخط
لو مش أد العيشة بين أحياء أموات إتعض
*******************
هتضحك عل انك بتقول دلوقتي جبت آخري
دايما اللي جاي أصعب، إنشف لسه بدري
عايز جلدك تخين، ولو يا تتكسر يا تميل
إتكسر تلحم عضم أنشف م العضم القديم
كلمات أغنية الوصايا – الجوكر بالفيديو
كما نطرح لكم أغنية الجوكر بالفيديو مع كلمات الأغنية بالفيديو كليب والتي يقول الجوكر في مطلعها البشر غرقوا في شر انفسهم.
قد يهمك أيضا:
- كلمات أغنية شامخ.
- كلمات أغنية أغلى من الياقوت أحمد مكي.
- مؤلف كلمات أغنية الوصايا: الجوكر.
- أداء أغنية الوصايا: الجوكر.
- الموسيقى: مصطفي ابراهيم.
- تاريخ إطلاق الأغنية: 2018
