كلمات أغنية حمزة نمرة مع الفيديو – داري يا قلبي 2018 تشعل الحنين بداخلك
Hamza Namira - Dari Ya Alby | حمزة نمرة - داري يا قلبي

أصدر بالأمس الفنان حمزة نمرة أغنيته الجديدة بعنوان داري يا قلبي وسجلت رقم قياسي على اليوتوب حيث تصدرت قائمة المحتويات الرائجة فى مصر وقد جاءت هذه الاغنيه الهادئة ضمن ألبومه الاخير من تانى هطير  ، ومن الجدير بالذكر ان كلمات أغنية حمزة نمرة الجديدة داري يا قلبي من كلمات محمود فاروق والحان حمزة نمرة  وعازفو الجيتار هما : سلمان الحسينى وشريف فهمي وعازف العود هو هشام عصام  والتسجيل تم باستديوهين هما ستوديو اكسجين فى مصر واستوديو عمان فى لندن  من انتاج عبد الرحمن الجروانى واخراج أنس طلبة.

 شاهد أيضا :  الاغنية الجديدة زهرة – حمزة نمرة  2018  مع الكلمات كاملة 

وتناقش الاغنية الجديدة لحمزة نمرة داري يا قلبي مشاعر الحنين الى الوطن والاهل  فى الغربة وملاعب الصبا ومشاعر الحزن على فراق الاحباب والاوطان  وكعادة حمزة نمرة فى بعض أغانيه يلف هذه الاغنية بعض الغموض.

ومن المعروف عن حمزة نمرة أن أغانيه اما انها تتحدث عن الوطن أو الاهل والاصحاب او عن تحدي الصعاب ونشر الطاقة الايجابية واحيانا السخرية من الاحوال التى نعيشها جميعا كسخريته من تردى احوال التعليم فى أغنية يا هناه ، وسخريته من تصرفات بعض العرب فى أغنية  يا لا لا وهى من كلمات محمود فاروق ايضا .

 

وإليك فى السطور القليلة القادمة كلمات الاغنية يليها رابط الاغنية على يوتيوب :

مالك

مش باين ليه ؟

قلبك تايه من مدة كبيرة

خايف تتكلم ليه ؟

في عيونك حيرة و حكاوي كتيرة

متغير ياما عن زمان

قافل علي قلبك البيبان

حبيت و فارقت كام مكان

عايش جواك

إحساسك كل يوم يقل

و تخطي و خطوتك تذل

من كتر ما أحبطوك تمل

فين تلقى دواك ؟

بتودع حلم كل يوم

تستفرد بيك الهموم

و كله كوم والغربة كوم

و الجرح كبير

مبتديش حاجة اهتمام

اهلًا اهلًا ، سلام سلام

بقا طبعك قلة الكلام

و مفيش تفسير

داري .. داري

يا قلبي مهما تداري

قصاد الناس حزننا مكشوف

و أهو عادي

عادي

محدش في الدنيا دي ، يتعلق بشىء

إلا و فراقه يشوف

كل الي معاك في الصورة غاب

وطنك و الأهل و الصحاب

كام واحد ودع و ساب

من غير أسباب

شايف في عنيك نظرة حنين

بتحن لمين ولا مين ؟

طول عمرها ماشية السنين

و الناس ركاب

مع دقة عقرب الساعات

بتموت جوانا ذكريات

عشمنا قلوبنا باللي فات

و نسينا نعيش

كان مكتوب نمشي الطريق

و نفارق كل مادا شىء

اتسرق العمر بالبطيء

و رسي علي ما فيش

داري … داري

يا قلبي مهما تداري

قصاد الناس حزننا مكشوف

و أهو عادي ..

محدش في الدنيا دي يتعلق بشىء ..

إلا و فراقه يشوف

داري … داري

يا قلبي مهما تداري

قصاد الناس حزننا مكشوف

و أهو عادي .. عادي

محدش في الدنيا دي يتعلق بشىء ..

إلا و فراقه يشوف

هذا اكثر مقطع أعجبنى :

متغير ياما عن زمان

قافل علي قلبك البيبان

حبيت و فارقت كام مكان

عايش جواك

وانت ما أكثر مقطع حاز على اعجابك ؟؟