ايه رايكم نعمل مع بعض مسابقه نشجع فيها بعض وهى لمده 111 يوم يعنى لحد يوم 29/5/2009 ونريح يومين ونشوف وصلنا لفين وبعدين نكمل تانى من يوم 1/6/2009 ان شاء الله
وبالنسبه للانظمه المتبعه فدى خليها عليا انظمه سهله ونتايجها مضمونه جداااااا وصحيه وغير مكلفه بالمره وانا مجربها شخصيا وخسيت عليها جداااااااا والله العظيم
اما بالنسبه لتكفير الذنوب فده هيكون بأننا نحط نوايا واحنا بنخس وبكده هيبقى جوعنا وحرمانا بحسنات
وده عن طريق تحويل الريجيم لعباده اذا صححنا نيتنا وجعلنها خالصه لله
وان شاء الله كل اللى عايز يخس ياخد هذه النوايا وانا معاكم طبعا
1- انقاص الاكل بنيه عدم الاسراف فان الله لايحب المسرفين
2- بنيه الحفاظ على الصحه والعافيه لانهم امانه من الله وسنسأل عنهم
3- بنيه سلامه البدن فان المؤمن القوى خيرا عند الله من المؤمن الضعيف
4- بنيه ان كثره الاكل تؤدى الى قسوه القلب والتكاسل فى العباده
5- انقاص الوزن يؤدى الى الصحه الجيده والصحه الجيده تؤدى الى اتقان العباده
6- بالنسبه للبنات والستات حتى يعفوا ازواجهم عن النظر الى الخارج والبنت حتى تتزوج وتعف نفسها وتكمل نصف دينها ويكونوا مثال وقدوه لكل بنت مسلمه
7- بالنسبه للرجل كذلك حتى يكون راجل مثالى فى نظر زوجته وكذلك حتى يتيسر زواجه من البنت التى يريدها ويكون مظهر حسن وقدوه للرجل المسلم
اكيد هناك كثير من النوايا ولكن هذا ما اتذكره
وانا مستنيه مشاركتكم علشان اشوف من هيبدأ معايا الحمله علشان نتخلص من الشبح ده ونكون راضيين عن نفسنا وناجحين فى حياتنا ومنكونش تريقه الناس واضحوكه القعده
اسأل الله عز وجل ان يوفقنا الى كل ما يحبه ويرضاه