بصراحه كده كلنا بنسمع نكت وكده على الصعايده

بس الحقيقه ان الصعايده ازكيه جدا
وناجحين جدا
عايزين كلنا نتكلم من القلب للقلب وبكل صراحه
عن الصعايده وعن تفكيرهم وعن اللى بيعملوه وازاى هما
بسرعه بيوصلوا للى هما عايزونه .............؟


مستنى الردود يا صعاييييييييييييييييده
ياجمااااااااااااااااااعه

انا مش صعديه بس انا عندنا جرتنا صعديه ب س بجد زكيه جدا

انا جارتنا هنا من اسيوط بيتهيالى كده تبقى صعيدية
بس الى انا ملاحظاه فى الست دى ان مهما حصل مبتعيطش
هههههههههه
مهما حصل
ابنها مات وكده ومفيش وقبل كده حماتها بردو مفيش
عادى جدا
بصراحة دى اكتر حاجة لحظتها فى طنط دى

سيدى لقد فتحت باب للنقاش ف موضوع مغفول عنه كثيرا
بما أننى ابن من ابناء الصعيد وتحديدا مدينة الاقصر
ابدا من معنى كلمة صعيد
الصعيد من الصعود ( الأرض المرتفعة ( لأن صعيد مصر مرتفع عن الدلتا فلذلك سمى صعيد
ولذلك نهر النيل يجري من الجنوب للشمال
فلابد للمياه بأن تأتي من الأرض المرتفعة إلى الأرض المنخفضة
وتعنى ايضاً :1حدود منطقة

2 تراب (( تيمموا صعيدا طيبا))

3 مجرى النهر

4 الجزء الصاعد
سيدى ان الاساءه بالصعايده بدات من الافلام ( حيث جسد ادوار الصعايده اغبياء وعبط ..اشكال غريبه وخصوصا الاخ اللى عمل فيلم عبد الرحيم كبير الرحميه / النكت مافيش غير الصعايده ) ( النقطه الاثانيه كانت تظهر دائما فى رمضان وهى اتبرع لطفل الصعيد اكفل طفل صعيدى واحميه من برد الشتاء ) اسف ان هاجمت تلك الجمعيات وانهاكها لكرامة الصعيدى فسيدى ليس بالصعيد كوبرى الملك الصالح لكى نستنشق الكولا ولا نجيد فنون انتهاك الاعراض اسف مره ثانيه لو اننى كنت اتكلم بمراره لكن لكى هذه النظره تتوقف . لان الصعيد ستجده من اطيب الناس واحزمها شخص قلبه مفتوح ولايثور الا اذا احس المساس بكرامته واهله فهناك عادات وتقاليد يقدسها الصعيد بعد كلام الله ورسوله صلوات الله عليه
فارجو ان يغير الاعلام نظرته للصعيد فهو ( الجيش الذى قهر الهكسوس / قرية ابنود بمحافظة قنا التى استطاعت هزيمة اسطول كامل من اساطيل نابليون بونابرت )

ومن بعض اعلام الصعيد
رشدى فكار عالم بدرجة سفير فوق العادة
اللواء الوزير عمر سليمان
رئيس جهاز المخابرات العامة المصرية الحالي،
رفاعة رافع الطهطاوى
الشاعر محمد توفيق عبدالرحمن أحمد
الشاعر محمد الدشناوي الأزهري
الشيخ عبد الحليم محمود..
الوزير أحمد فراج طايع أول وزير للخارجية فى مصر بعد الثورة
الدكتور فتحى سرور رئيس مجلس
أمل دنقل شاعر عبده جبير قاص
عبد الرحمن الأبنودى شاعر
عبد الرحيم منصور شاعر
محمد صفاء عامر المؤلف الكبير وعبده جبير القاص المعروف
الشيخ عبد الباسط عبد الصمد وهوواحد من أرق وأحن الأصوات التى جودت القرآن
الشيخ أحمد الرزيقى الذى ناضل من أجل إنشاء نقابة القراء وكان أميناً عاماً لها
الشيخ حسن عوض
الدكتور على الفيومى الذى اختير ضمن 500 قيادة ذات تأثير فى مجتمعاتها وذلك على مستوى العالم .

أحمد فراج طايع، أول وزير خارجية لمصر بعد ثورة 23 يوليو 52

يسن باشا حامد، وزير الأوقاف بحكومة الوفد سابقا

أنور أبو سحلي، وزير العدل سابقا

مكرم عبيد، وزير المالية بحكومة الوفد سابقا

ماهر محمد مهران، وزير السكان وتنظيم الاسرة سابقا

نادية مكرم عبيد، وزيرة شئون البيئة سابقا
عباس العقاد
والفنان محمد منير
كثير من الشخصيات التى لاتعد ولا تحصى
هناك عادات لاننكر انها الاسوء فى الصعيد ومن اهمها ( الثأر )
وبيوصلوا للهم عايزينه لانهم تعودوا على التحمل مهما كانت الظروف يمكن للقبليه اللى موجوده هناك وان تولدت منها بعض العيوب لكن لها العديد من المميزات حيث لاتجد بين فتايات العائلات واخص العائلات بالتبرج والمجون فى اللبس خوفا من المعايره بها من احدى العائلات الاخرى

وكفانا فخراً واعتذاذاً بقولك لنا اجدع ناس فكل مصرى شهم وجدع وكريم

الصعيد
امممممممممممممم
مش انا من المنيا بس هقول ايه يعنى
بس بدايق لما بينكتوا ع الصعايدة
شكرا ع الموضوع

اي حد بيتريق على اي حد بسبب جنسه او لونه او دينه
يبقى مريض لانه هتلاقيه مليان عيوب وبيحاول يداري على نفسه
بالتريقه على الناس .
بالنسبة للصعايدة انا صاحبة ماما صعيدية ومحترمة جدا وذكيةومثقفة فالنكت بتاعت الصعايدة دي ناس بيستهبلوا ألفوها

بص بقي ان مش هتكلم علي اساس ا انا من الصعيد ولا حاجة
هتكلم معاك بجد بقي
الصعايدة دول لو زي ما ذكروا في كل النكت
اول حاجة تعرف ان اي حد بيكتب وبيتريق عليهم بياخد ذنوب
لانه بيتريق علي ناس كتير بعدد الناس دي سيئات
ولو هما كدة فعلا
مكانش بقي منهم رئيس للجمهورية اللي هو الرئيس جمال عبد الناصر
وباقي العلماء والشعراء زي حافظ إبراهيم
انا مش هتكلم كتير لاني لقيت واحد رد وقال كلام كتير كنت ممكن اقوله
شكرا علي طرحك للموضوع المهم دا
وجزاك الله كل خير

السلام عليكم

يكفي رد العضو المحترم حدوته مصري

وكمان رد احمد سيكربيون

المشكلة دائما في الاعلام

نفس ما نعانية نحن العرب مما يصوره الاعلام الغربي للعرب

وهكذا ايضا الاعلام المصري والميديا صورت الصعايدة بطريقة مستفزة بعيدة تماما عن الواقع

تقبلوا تحياتي

اشكر كل عضو رد فى هذا الموضوع

وملاحظ ان فى اعضاء ادايقوا من هذا الموضوع وبجد انا مانزلوا بهزار وهو مافهوش كلام يدايق على مااظن

وشكرا لمروركم

لا ياراغب انا مازعلتش بجد احييك على انك فتحت باب للنقاش
بس انا كنت برد بعصبيه مش اكتر
وتقبل تحياتى

اوك مافيش حاجة حصلت حصل خير

انا عن نفسى صعيدى

وده يشرفنى

انا من سوهاج

اجدع ناس ومشكوووووور لمرورك