اولا البيع بالعموله
بص ياعم اول حاجه انت تعملها انك تسوق لمنتج , هتقولي اسوق لمنتج ازاي ان معرفش يعني ايه تسويق اصلا , انا بؤكد لك ان الامر اسهل مما تتصور في كتير من الشركات الي بتقدم الخدمات دي .
لو انت لسه جديد في الموضوع ده انا هاقولك افضل اختيار لك هي شركه clickbank انت بعد ما تشترك في الموقع تختار الشئ الي انت تعرف تسوقله علي الانترنت , كلا حسب رغبته , انت ممكن تاخد عموله علي المنتج الي انت بتسوقله ممكن توصل 90% و الله الامر سهل جدا , هتقولي انا معنديش موقع اعمل ايه , ايسي يامان , انت ممكن تعملك مدونه ودي مجانيه علي blogger و تعملها شويه سيو و تجيب لها شويه زوار محترمين من محركات البحث و من المنتديات و الشبكات الاجتماعيه زي facebook و كمان تعملك فيديو علي youtube , في حاجه كمان معلش انا متقل عليكم ياريت المدونه او الموقع بتاعك يكون بالانجليزي علشان تكون هناك قابليه للشراء من المنتجات الي انت بتسوقلها , هتقولي انا مبعرفش انجليزي هاقولك متستعجلش علي رزقك ممكن تكتب الكلام الي انت عاوز تكتيه بالعربي في ترجمه جوجل و بعدين تترجمه و الله انا سعات بعمل كده لما بكون مش عارف شويه مصطلحات انجليزي , انا مش موس فيه اوي
.و بعدين ياعم الحج اعمل ايه انت ممكن تروح للموقع ده google keyword tool و ابحث عن اسم المنتج و شوف حجم الزيارات لو كبير ابعد عنه ولو قصير استعمله علي طول .
الخطوة 2
اعاده البحث للكلمات المفتاحيه
و علي فكره ياجماعه الحته دي اهم ما في الموضوع كله , فلو انت معرفتش تتعامل مع الخطوه دي , الاستراتيجيه و الخطه الي انت كنت بانيها كلها هتكون مصيرها الفشل , انا هاوريك ازاي بالظبط تختار الكلمات الصح
- اول حاجه لازم تدخل علي الموقع ده google keyword tool و تشوف لو الكلمه الي انت كتبتها دي حجم البحث عليها كان 1000 فكده تمام انت كده تستعملها
- اذا كان بيتنافس عليها اقل من 30.000 فكده كويس اما لو زياده فمتستعملش الكلمه دي
- بعدين ياحبيبي نعمل ايه , اصبر هقولك اه , هههه , انت هتفتح صفحه جوجل عادي و بعدين ياباشا هتبحث عن الكلمه الي انت اختارتها بدون اقواس لو لقيت معدل البحث عليها كبير متخترهاش ماشي
الخطوة 3
بناء المحتوى
اول حاجه علشان تكتب مقال متميز لازم تدخل الكلمه المفتاحيه الي انت استهدفتها في الموضوع و في العنوان , و لازم كمان يكون عدد الكلمات في الموضوع 200:500 , و كمان متنساش تدخل عنوان المنتج الي انت هتعمله تسويق في موضوعك و كده تمام اوي و اتفرج علي النتيجه انا مش هاقولك في نفس اليوم بس اتفرج عليها كمان اسبوع و ان شاء الله هتلاقي نسبه الزوار كتير و القابليه للشراء اكثر .
الخطوة 4
زياده Backlinks
تعرف انك لما تزود الباك لينك ده بيكون له تاثير كبير علي زياده ترتيب موقعك في محركات البحث , علي فكره بعد كل الي احنا قولناه فوق ان شاء الله هتزيد ترتيبك , بس الخطوه دي زياده يعني , يعني زياده الخير خيرين
. ودي الحاجات الي انا بعملها علشان ازود ترتيب موقعي بدون صعوبات ( اكتب في المنتديات التي تملك ترتيب عالي في محركات البحث , كل الي انت هاتعمله ياريس انك تحت عنوان الصفحه بتاعك في توقيعك في المنتديات الي انا قولت عليها انها ليها ترتيب عالي و علي فكره في منتديات من المنتديات دي مبتخلكش تحت اي موقع ليك الا بعد 10 او 15 مشاركه ودي سهل جدا و الله انا مجربه في منتديات كتير )
و حاجه كمان ياعم الحج انت ممكن تكتب تعليقات ليك في المدونات ذات البيج رانك عالي و بكده هتكون تمام اوي , وكل المطلوب منك تعمل الاتي , انك تخش علي جوجل و تبحث عن "do follow blogs" و هتجيلك كتير من المدونات ادخل و اكتب تعليقات , جوجل بتموت في كده , و بعد متحط التعليق دخل موقعك بالمره و بكده تضمن البيج رانك عالي لمدونتك او موقعك
ممكن كمان تحاول طرح اسئله و تجاوب علي استفسارات الناس في العديد من المواقع و لكن الاشهر :
* Yahoo Answers
* Yedda.com
* Unasked.com
* Answerbag.com
متخلكش سبام , والله لو انت شاركت و جاوبت بشكل فعال الموضوع هيكون مناسب ليك , متحولش تكون سبام و الله المواقع دي هتخليك في السما
حط مقالاتك هنا في الموقعين ده , الموقعين اشهر من اي حاجه , , وليهم مميزات انهم في اوائل محركات البحث و هيفيدوك articlebase , Ezine Articles
و الله لو انت عملت كل الي انا بقولهولك ده في المقال اوعدك انك مش هاتدفع اي مليم
ارجو من الاداره التثبيت للاهميه
من فضلك لا تنسخ هذا الموضوع , و اذا اردت ان تضعه في موقعك او مدونتك من فضلك اذكر المصدر
هذا الموضوع من تاليفي الخالص و الله الواحد تعب علي مكتبه انا بقالي 3 ساعات بحاول اخرجهلكم بالشكل ده
محمد الغريب