نجوم مصرية
منتديات نجوم مصرية منتدى المدونين واصحاب المواقع منتدى الربح من موقعك



تابع نجوم مصرية على أخبار جوجل




موضوع شامل لتفهم معنئ الربح من موقعك

 

--------------------------------------------------------------------------------
تابع نجوم مصرية على أخبار جوجل




بسم الله الرحيم الرحيم*

فكرت إنى أكتب موضوع زى ده ..ووعدتكم بكده...علشان المشكلة والموضوع مش فى عمل حساب فى جوجل أو فى أى شركة ...الموضوع أكبر من كده ...بس ممتع وسهل

جميل أوى إن يبقى لك موقع... الأجمل لما يزيد الزوار فى موقعك يوم بعد يوم...الأكتر جمالا لما يجيى الزائر مرة تانية..والأجمل بالنسبة للزائر إنه يلاقى اللى هو عايزة فى موقعك....واللى الأحسن من كده إن انت تلاقى فى الأخر مكاسب من موقعك وده اللى يخليك تستمر ...

كلام ممكن يكون عادى أو إنت عارفة أو مش جديد...بس المشكلة مش فى كده....المشكلة إن فيه حاجات وكلام بيعدى علينا كل يوم نشوفه ونسمعه بس للأسف مبنركزش فيه......
يعنى المشكلة مش فى الكلام ...المشكلة فينا....

طاب إزاى نركز....هقولك إزاى تركز فى أول 3 سطور فى الموضوع ده.....

(جميل أوى إن يبقى لك موقع)
أول جملة وهى الأساس...ماهو مش معقول إن إنت هيجيى لك زوار وهتكسب من موقعك وإنت معندكش موقع...(منطقية أوى الجملة دى)....بس مش ده اللى أنا أقصده بالجملة دى..
بالنسبة للمواقع ..مواقع بفلوس ومواقع مجانية ....مواقع أغانى ومواقع برامج ..ومواقع أخبار إلخ........طاب مدونة ولا موقع......طاب موقع مجانى على موقع ايه....طاب مساحتة قد إيه؟ طاب هعمل الموقع ليه ..طاب هكتب فيه ايه؟ .... هصمم الموقع إزاى؟... طاب الموقع هيبقى إسمه إيه...طاب هعمله إزاى وهعمله فى وقت قد إيه؟؟...

تساؤلات كتير لها إجابات طبعا بس حبيت أوضح معنى الجملة الأولى اللى إنت كنت ممكن تعديها ومتفكرش فيها...جملة بسيطة بس مش بسيطة....

قبل ماأجاوب على الأسئلة دى أحب أسألك عن شوية أسئلة لو إفترضنا إن موقعك مش موقعك!!!!...

لو دخلت موقعك....هتستفاد حاجة؟؟
لو دخلت موقعك..هترجع له تانى؟؟
لو دخلت موقعك هتخليك فى الموفع قد ايه؟؟

كل الكلام والأسئلة دى فى جملة واحده من 3 كلمات (جميل أوى إن يبقى لك موقع) وأكتر من كده بس هقولك بقى إجابات جميع الأسئلة اللى أنا كنت بقولها.....بس إسمح لى إنى أقولها فى نقاط.....

--اعمل موقع عن أى حاجة بتميييل لها...يعنى حاجة بتحبها....يعنى متعملش موقع عن الفوركس وإنت متعرفش يعنى إيه الفوركس ...(على فكرة أنا بيجيى لى حساسية من الفوركس)
--سواء على موقع بفلوس أو مجانى مش مشكلة...لو كنت مبتدأ ليه لأ لما تعمل موقع على موقع مجانى أو مدونة..أهو بتستفاد خبرة برضه وأهى تجربة...
--تصميم وشكل الموقع ده بيفرق كتيير...أنا عن نفسى لو دخلت ولقيت الموقع الخلفية بتاعته صفراء ...أبسط حاجة إنى هقفل الموقع...بلاش وجع عين....((((جوجل))))
هل شركة جوجل مش لاقيه حد يصمم لها موقع ويعمل فيه فلاش وصور وإعلانات نازلة وإعلانات طالعة...وأصوات...الإجابة (بالطبع لا)....كل المواقع الكبيرة معلش يعنى فى الكلمة تحس إنها موقع محترمة.....
--لازم تبقى عارف شوية عن ال html ماهو مش معقول هيبقى عندك موقع ومش عارف إزاى تعمل لينك..أو مش عارف تعمل لون لى اللنك....

الخبرة والله مش بتيجى بين يوم وليلة...كلنا بنبقى مش عارفين ...بنشوف فى الموقع ده ...بندور فى المواقع...أنا عن نفسى خبرتى متواضعة فى مجال التصميم بالذات بس مش عيب لما أتعلم ...مش عيب لما أسأل....
على العموم خد الموقع ده هتلاقى فيه كل حاجة عن الhtml وهيا لغة الصفحات...

http://www.w3schools.com

وده موقع بلوجر بتاع المدونات...واللى مش عارف المدونات يعنى ايه ..المدونة هيا موقع مجانى زى صفحة مجانية..وده تابع لشركة جوجل

http://www.blogger.com

وده كمان موقع من جوجل لأصحاب المواقع....

http://www.google.com/كلمة ممنوعةكلمة ممنوعةكلمة ممنوعةmasters/sitemaps

دى زى إسكريبتات وخدمات لموقعك......(ماتجبش منها بقى وتيجى تبيع لنا)....

http://www.google.com/ig/directory

طبعا أنا مش هقدر هجيب لك كل المواقع بس أنا بفتح لك الطريق بس

(الأجمل لما يزيد الزوار فى موقعك يوم بعد يوم) ودى الجملة التانية من السطر الأول فى الموضوع بتاعى ...
إتفقنا ياشباب إن انت عملت الموقع اللى إنت بتكتب فيه حاجة عارفها وشئ مفيد علشان الناس تيجى تانى...أوك....
والنبى سؤال؟؟؟؟طاب هو الناس هتيجى منين؟؟؟؟
3 أماكن الناس ممكن تيجى منها لموقعك....
1...من محركات البحث
2...من مواقع تانية
3...لو عامل إعلان فى وسط ميدان التحرير فى مصر وكاتب فيه موقعك..هههه
طبعا ومفيش شك إن أفضلهم على الإطلاق محركات البحث زى جوجل وياهو والأم اسن ان...والتافيستا.....

طاب واحد يقول لى ازاى أحط موقعى فى جوجل أو فى أى محرك بحث....
خد عندك....

لو عايز تحط موقعك مئلا فى جوجل ....
http://www.google.com/addurl
ممكن تبحث بقى عن المحركات اللى إنت عايز تحط موقعك فيها.....
بس نصيحة....سيبك من واحد يقول لك خد اللينك ده وموقعك يبقى مش عارف فى كام مليون محرك بحث والكلام الفارغ ده.....حط موقعك فى محركات البحث المشهورة من المواقع الرسمية..... يعنى من موقع البحث نفسة....

ومواقع البحث المشهورة هيا ask,google,yahoo,msn وفيه غيرها بس دى أهمها....

هل إنت كده عملت حاجة؟؟؟.....أحب أقول لك للأسف معملتش حاجة ..بس أوعى تدعى عليا ...أنا هقول لك تعمل ايه....
مش معنى إن انت عملت موقع وحطيتة فى محركات البحث يبقى موقعك بقا مشهور...لا...
فى حاجة اسمها....
الميتا
seo
keywords

فرضنا مثلا لو انت كتبت كلمة برامج فى جوجل ؟ هيطلع لك موقع برامج نت...الجياش...المشاغب..ومواقع عن البرامج...
موقعك عن البرامج؟...طاب ليه مطلعش معاهم...
أهم أهم أهم أهم أهم أهم سؤال من وجهة نظرى فى منتديات المال والأعمال...معلش ده مش غرور بس دى الحقيقة....هو السؤال ده...(هو ليه موقعى مش معاهم فى الصفحة الأولى مثلا مع ان موقعى عن البرامج برضه؟؟؟)...أخطر سؤال أى حد ممكن يسأله لنفسه

بص...هات موقع برامج نت وأعمل view source هتلاقى ايه فى السطر السادس؟؟؟
كلمة ممنوعةكلمة ممنوعةكلمة ممنوعةكلمة ممنوعةكلمة ممنوعةكلمة ممنوعة name="keywords" كلمة ممنوعةكلمة ممنوعةكلمة ممنوعةكلمة ممنوعةكلمة ممنوعةكلمة ممنوعةكلمة ممنوعة="برامج, البرامج, برنامج, البرنامج, جديدة, ماسنجر, فوتوشوب, دروس, ترجمة, سوفت, اقلاع, كراك, كراكات, فايروس, حماية" />
ده اللى هتلاقيه...ده بقى اسمه الميتا ...والكلمات المفتاحية اللى محركات البحث بتشوفها...
وهيا عبارة عن الكلمات بتكتبها على حسب موقعك بيتكلم عن ايه....


علشان موقعك يلاقى رعاية من مواقع البحث يبقى لينك موقعك فى مواقع كتير....دى نقطة مهمه....
فى مواقع مخصصة لكده بفلوس ومجانا بتحط لك اللينك بتاع موقعك فى مواقع كتيرة....وممكن انت تعمل تبادل مع مواقع تانية برضه....

ابحث بس عن الكلمات دى بالأنجليزى فى جوجل

seo
keywords
كلمة ممنوعةكلمة ممنوعةكلمة ممنوعةكلمة ممنوعة tags

واستهدى بالله كده وإقرأ اكلام عن التلت مواضيع دول...دول أساسا علم لوحدهم وليهم كتب...يعنى مش هقدر أديهم لك فى كبسوله...دولت لازم تقرا وتقرا فيهم لغاية ماتعرف وتتعلم....

برضه فيه مواقع إعلانات ممكن تعلن بيها بالإيجولد.....
الأيجولد أو e-gold هو بنك على الإنترنت...شركة كبيرة....بتعمل فيها حساب ببلاش وبتحط فلوسك فيها وعن طريق الفلوس دى ممكن تحولها لبلدك وتأخدها وممكن تعلن بيها وتشترى من على النت...اللى يخصنا فى القسم ده ان احنا نعلن فى مواقع عن طريق الفلوس دى....

يعنى مثلا انت تدخل موقع فى شركات الأعلانات دى ..تدفع مثلا 5 دولار وهما يوزعوا موقعك على 5الاف مشترك.....وده على عكس الأسبام....
طاب الأعضاء اللى بيزوروا موقعك دول هيستفادوا ايه لما يضغطوا على اللينك بتاع موقعك...
كل مايضغط أكتر أو كل أما يشترك فى موقع مثلا بياخد فلوس والفلوس دى بعد كده بتتحول للبنك اللى أنا كلمتك عليه...
طاب إزاى تأخد رصيد من الشركات دى؟...انك تبقى عضو ...تضغط على الأعلانات...تشترك فى مواقع ....هيدوك وصلة كل أما توزعها تأخد نسبة من الأرباح.....وفيه مئات الشركات من دى....فى بعضها النصاب وبعضها الصادق ومن خلال خبرتى هديك أفضل هذه الشركات اللى أنا تعاملت معاها ..


no-minimum.com

donkeymails.com

youromail.com

getpaidmail.com


وفيه مواقع كتير
.ملحوظة اللى مش عايز يشترك عن طريقى يحذف الريفيرال بتاعى....بس أحب أوضح له إن كده كده هتبقى مشترك تحت حد لو دخل....علشان المواقع دى اساسا بتبيع الريفيرال....

أوك كده انتهينا من شرح تانى نقطة من أول سطر من أول قطعة فى الموضوع...


ندخل فى اللى بعده.....

..(.الأكتر جمالا لما يجيى الزائر مرة تانية..والأجمل بالنسبة للزائر إنه يلاقى اللى هو عايزة فى موقعك) دى شرحها بسيط وهو موقعك يبقى فيه حاجة مفيده ممكن يسجله فى المفضله وممكن يبحث عنه...يعنى لازم موقعك يبقى مميز.....علشان يجيى تانى ولما يجى تانى موقعك هيتقدم فى محرك البحث وهيزيد عدد زوارك...

ببساطة موقع بيخلى كل أما تكتب حاجة جديدة فى موقعك تتبعت على طول للزائرين المشتركين عندك...
مثلا برامج نت عامل فى أول صافجة ...ضع ايميلك ....أهو نفس الحوار ده...لما الزائ يحط ايميله فى الموقع عندك يوصل له كل جديد

http://www.feedburner.com

نصيحة.....زور مواقع أجنبية وعربية كتير...أسأل إتعلم...الموضوع بيجى واحده واحده....


بالنسبة بقى الأحسن من كده إن انت تلاقى فى الأخر مكاسب من موقعك وده اللى يخليك تستمر

بخصوص الجملة دى .....الحاجة الغريبة انها مش محتاجة شرح!!!! مفاجأة صح...

ماهو دى أسهل ما فى الموضوع.....

بالنسبة لجوجل أدسينس ودى خدمة من جوجل لأصحاب المواقع...هتشترك وتعمل حساب فيها وبعدين هيديلك كود تحطه فى موقعك....وبعدين هتتحاسب على عدد الضغطات اللى الزوار بيضغطوها على الإعلانات دى.....وكل يوم ممكن تراقب فلوسك وهيا بتزيد وبيتبعت لك شيك بالمبلغ .....عايز تعرف كل حاجة عن جوجل ....طاب إتفضل

http://www.google.com/adsense/support

أنا عارف ان كتير منكم أساسا مشافوش الصفحة دى قبل كده.....

فى شركات تانية زى أدبيرت..وأوكسادا....بس جوجل أفضلهم.......






المقال "موضوع شامل لتفهم معنئ الربح من موقعك" نشر بواسطة: بتاريخ:



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
شرح الربح من موقعك مع حسوب للناشرين!
برجاء الموافقة على موضوع فى قسم الربح من أدسنس
أكبر موضوع عن الربح من موقعك

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية