* ليه كل تفكيرك فى الجواز وعمرك ما بتكتفى بالصداقة ( حتى لو كانت ناجحة) ؟

* ليه لما تحبى مش بتستخدمى عقلك ابدا وبتستمرى فى علاقات محكوم عليها بالفشل ؟

* ليه دايما بتتظاهرى بالغباء وانتى بطبيعتك مش كده ؟

* ليه تركيزك فى الشغل محدود جدا وغلطاتك كتير ؟

* ليه اوقات كتير بيكون مظهرك الخارجى شىء وجوهرك وطبيعتك شىء اخر تماما ؟

* ليه اهتمامتك وكلامك اغلبه عن اللبس والمكياج والشعر والكريمات والشامبوهات .. هل انتى بالسطحية دى ؟

* ليه عنيدة حتى ولو كان فى الغلط ؟


اذا عرفتى الاجابات فارسليها الى ص ب منتدى نجوم اف ام

15 بنت عدوا على التوبك ولا حد قال احم دستور السلام عليكم هاى اى حاجة خالص

مش قادر افهم الفكرة الاسئلة ساذجة مثلا ... معترف بيها من الوكالة الدولية للطاقة الذرية وامر مفروغ منه فمفيش داعى للنقاش ... مفيش اجابات ... مفيش نفس ... مفيش وقت .... مفيش ايه بالظبط


فينك يا بنت حوا

اكيد اللى دخل مش لاقى حاجه يقولها

لان كل ده مش صح

اسئله دى ولا جر شكل؟

ولو كان فى بنات كده يبقي مش كل البنات كده




* ليه كل تفكيرك فى الجواز وعمرك ما بتكتفى بالصداقة ( حتى لو كانت ناجحة) ؟

بالعكس انا مش بفكر فى الارتباط الوقتى خالص الا لما اخلص دراسه وب بهتم جدااا بالصداقه


* ليه لما تحبى مش بتستخدمى عقلك ابدا وبتستمرى فى علاقات محكوم عليها بالفشل ؟

فعلا فى بنات كتير مش بتفكر وماشيه ورا قلبها

بس صعب ان انت تقدر تقيم علاقه بالقلب والعقل

لازم حاجه بس لان الاتنين فى الغالب ضد بعض



* ليه دايما بتتظاهرى بالغباء وانتى بطبيعتك مش كده ؟

انا عمرى ماكنت كده

وبعدين ايه اللي يخلي حد يتظاهر بالغباء ايه النظريه؟

انا اعرف اللى بيتظاهر يتظاهر بحاجه كويسه

بس طبعا احسن حاجه ان كل انسان يكون بطبيعته


* ليه تركيزك فى الشغل محدود جدا وغلطاتك كتير ؟

اى حد لو بيحب شغله هيكون ناجح جداا فيه سواء بنت او ولد

وواضح ان فى بنات كتير اثبتت نجاحها فى شغلها ولا ايه؟؟


* ليه اوقات كتير بيكون مظهرك الخارجى شىء وجوهرك وطبيعتك شىء اخر تماما ؟

اعتقد دى صفه مش عامه فى البنات


* ليه اهتمامتك وكلامك اغلبه عن اللبس والمكياج والشعر والكريمات والشامبوهات .. هل انتى بالسطحية دى ؟

ممكن يكون كلامنا ف الحجات دى بس بردو مش دايما يعنى فى اوقات بنبقي جد اوى

انا شخصيا عمرى ماكنت سطحيه


* ليه عنيدة حتى ولو كان فى الغلط ؟

بردو دى مش صفه عامه


من الواضح ان انت شايف البنات من منظور تانى خاااااااالص

يعنى حتى لو كنت قابلت بنات كده بردو التعميم مش صح ابدااااااااااااااااا

ميرسي علي التوبيك

* ليه كل تفكيرك فى الجواز وعمرك ما بتكتفى بالصداقة ( حتى لو كانت ناجحة) ؟
اولا مبعترفش بالصداقة بين الولد والبنت والجواز ده اى واحدة تتمناه يعنى
* ليه لما تحبى مش بتستخدمى عقلك ابدا وبتستمرى فى علاقات محكوم عليها بالفشل ؟
علشان اى بنت بطبيعتها بيبقى قلبها هو اول حاجة عندها مبتفكرش بعقلها فى مسالة الحب خالص كله بقلبها علشان البنوتة ديمن حساسة ومرهفة المشاعر عن اى ولد
* ليه دايما بتتظاهرى بالغباء وانتى بطبيعتك مش كده ؟
بالغباء ههههههه ازاى يعنى انا عن نفسى بحب ديمن اظهر ذكائى قدام اى حد وخاصة لو كان ولد
* ليه تركيزك فى الشغل محدود جدا وغلطاتك كتير ؟
فى الشغل من ناحية ايه البيت وكده شغل البيت يعنى ولا العادى بس عامة يعنى سواء فى ده او ده علشان انا مبفكرش غير ازاى البس ونوع البرفان الى احطه والشوز بتاعى يبقى بكعب عالى وحوارات الدلع دى يعنى وع فكرة اى بنوتة كده
* ليه اوقات كتير بيكون مظهرك الخارجى شىء وجوهرك وطبيعتك شىء اخر تماما ؟
انا مش فاهمة السؤال ده
* ليه اهتمامتك وكلامك اغلبه عن اللبس والمكياج والشعر والكريمات والشامبوهات .. هل انتى بالسطحية دى ؟
اه انا كده كل كلامى انتى برفانك اسمه ايه ماركة ايه والشامبو الفلانى عجبنى الكريم الفلانى يجنن انا بصراحة كده لانى شكلىومظهرى جوة وبرة البيت ده قضية قومية بالنسبالى
* ليه عنيدة حتى ولو كان فى الغلط ؟
ايوة انا كده فعلا عنيييييييييييييدة جدا ودماغى ناشفة ومش بعترف بغلطى بسرعة
ههههههه بس اسالتك تجنن وصعبة شويتين
اذا عرفتى الاجابات فارسليها الى ص ب منتدى نجوم اف ام

نااااااااااااااااااايس يا اشرف

بطبيعة الحال مفيش شىء مطلق وكل حاجة بتكون نسبية ومكنش قصدى التعميم بالتأكيد بس ده لاحظتوا فى كتير من تعاملاتى

انتى بتدافعى عن البنات من خلال تقييمك لنفسك ولشخصيتك لازم تبصى للصورة كلها يعنى صحباتك زميلاتك البنات اللى فى محيط معرفتك ..

اكيد مش بجر شكل حد او بهاجم وخلاص بس دى خبرات كونتها من تعاملاتى وبقيت اشوفها كتير اوى فى الفترة الاخيرة

1- انتى فعلا ممكن متكونيش كده بس فيه بنات كتير بيبقى ده التارجت نمرة واحد فى حياتها واساسا مش بيفكروا فى الشغل او فى تحقيق ذاتهم وانا ليا صداقات كنت بعتز بيها جدا باظت بالسبب ده ...

2 - انتى موافقة عليها الحمد لله

3- اوقات البنت بتتظاهر بده يمكن بتعتبره تكملة لانوثتها وضعفها وانها تزود اعتمادها على الراجل اكتر وتحسسه انها متعرفش تعمل حاجة من غيره ... او حتى لانها مكسلة تشغل مخها ومش حاسة ان مطلوب منها تفكر وكفايه بس انها جميلة ولطيفة وخلاص لكن لسه هتتعب نفسها وتركز وتفكر

وطبعا 3 هتروح بينا ل 4 علطول ....

5 - انتى اكيد بتشوفى كتير بيرتدوا زى معين المفترض انه وقور او محترم جدا بس كل تصرفاتهم عكس ده تماما وعلى فكرة ده بردو موجود فى الرجالة التناقض الشديد ,,و مش عارف اوضح اكتر من كده اتمنى تكونى فهمتى اقصد ايه

6- نسبة كبيرة من كلامكوا فعلا فى ده وكأن مشكلة الشرق الاوسط بقت ان\ فلانة تجيب الكريم ده ولا التانى هيبقى احسن وطبعا هما الاتنين فى الاخر ملهمش اى لزمة

7- ممكن النقطة دى اعترف انها شخصية الى حدا ما ومش قاعدة لانى وانا بكتبها فكرت فى شىء معين ..

طبعا نورتى التوبك ده اللى كان عامل زى الطفل اليتيم ومحدش كان راضى يعبره

كلامك كله خطا فى xxxxxxxxxxxxxxxxxxxxxxxxxxxxx
ومفيش بنت كده خالص ومتقوليش متعمميش
والبنت بحد كبير بتحاول تظهر ذكائها وبذات امام الولاد
وكلامك ده معناه انك متعرفش البنت كويس
والبنت اما بتيجى تلبس مبتحاولش تلبس لبس يظهر شىء اخر
عن مكنونها
ويريت تعيد نظرتك فى البنت مرة اخرى
و كلامك عن البنات ده وراه ايه!

كلامك كله خطا فى xxxxxxxxxxxxxxxxxxxxxxxxxxxxx
ومفيش بنت كده خالص ومتقوليش متعمميش
والبنت بحد كبير بتحاول تظهر ذكائها وبذات امام الولاد
وكلامك ده معناه انك متعرفش البنت كويس
والبنت اما بتيجى تلبس مبتحاولش تلبس لبس يظهر شىء اخر
عن مكنونها
ويريت تعيد نظرتك فى البنت مرة اخرى
و كلامك عن البنات ده وراه ايه!

عارفة دفاع المحامين واللى هو فى اوقات كتيرة بيفتقد للموضوعية لمجرد بس انهم يوصلوا لهدفهم

يا جماعة لو حد قالى مثلا الشباب عينيهم زايغة او بعضهم مش بيتحمل مسئولية او من هواياته السيطرة والتحكم او .. او انا هوافق جدا مش شرط اكون انا كده بس هيبقى نظرتى شوية موضوعيه وانا عارف ان فيه شباب كتير كده لكن مش هدافع وخلاص ... عاوز اقولك كمان انا عامل باب كامل للمعاكسة الزايدة اليومين دول فى قسم الحوار العام اسمه موز موز موزززززز وبنتقد فيه الشباب وماسكهم غاسلهم يعنى .. ارجو ان تكون وضحت وده لنك الباب http://100fm6.com/vb/showthread.php?t=87065