العلاقه بين الرجل والمرأه علاقه شائكه منذ فجر التاريخ

علاقه تتنازعها الاهواء وتحركها المشاعر لاتستقر على حال

ولاتتخذ شكلا واحدا ابدا علاقه لها من المسميات الكثير

وان كانت في حقيقه الامر لاتستحمل اكثر من اسم واحد

الصداقه درجه من درجات الحب قدرها ان تبقى معلقه بين الحب العام

الذي يسكن الارض والحب الخاص لكن لو نظرنا

فالرجل لا يقبل لأختة او زوجتة الصداقة مع الجنس الأخر

بالرغم من انه يمكن ان يقيم علاقات منها الصداقة وغيرها

والاسباب كثيرة اهمها عدم ثقته بالآخر او لانه في مجتمع ذكورى

يعطيه الحق في اقامة علاقة صداقة وغيرها مع الجنس الآخر

وينكر هذا الحق على المرأه او لاسباب التربية وخاصة

في الطبقات المتوسطة والدنيا والتى تعتبر

ان الفتاة عورة وهم ثقيل يتمنون الخلاص منه بزواجها

اما في الطبقات العليا فكل شئ مباح

وايضاً للثقافه والوعى دور كبير في تقبل تلك العلاقة.

وفي هذا الموضوع اود ان المس ارائكم في هذه العلاقة

اود ان تشاركونى فى أخراج نصائح وما هى العوامل فى الصداقة

بين الجنسين وما هى عوامل تبادل الثقة فى الطرفين

وارجوا أن ينال الموضوع الأعجاب والمشاركة الفعالة أيضاً


تحياتى

الروسيـــ

ميرسى على موضوعك وعلى ردك واهتمامك وذوقك شكرااااااااااااا

بالنسبة للصداقة فى مجتمهنا الذكورى زى ماقولت
انا عايزة اسألك سؤال هو الراجل والمرأة مش عقابهم واحد عند ربنا ولا ايه
هو ده اللى انا عايزة اوصله فى مجتمعنا بتشل من الناس ليه فى الغلط يقولوا ده راجل وساعات يحللوه علشان راجل
ولما تكون ست ازاى دى ست يعنى ايه ست وراجل مش عقابنا متساوى عند ربنا ولا ايه


بس هو فى حاجة هنا بردو بتضايقنى إن الناس دايماً بيحطوا علاقة اى راجل بست فى قالب واحد
يعنى اى واحد بيكلم واحدة الناس لازم تقول اكيد فى مابينهم حاجة وهما مايكونش فى بينهم اى حاجة
ده لو واحد قال لواحدة صباح الخير يبقى فى نظر الناس بيحبها وهو مايكونش فى حاجة خالص بينهم
هو ده اللى بكرهه عندنا القالب الواحد

وساعات كتير بيحصل بسبب الصداقة اللى انتوا بتقولوا عليها مشاكل جامدة وخراب بيوت
يعنى واحد زميل ببايا اتجوز زميلته فى الشغل على مراته
وزميلته طبعاً كانت بتقعد تحكيله على مشاكلها وهى كانت مطلقة واتقلبت الصداقة لحب وخربت بيته

هى دى الصداقة
لما حضرتك ترد عليا ليا تعليق تانى بعد ردك
شكراااااااااااااااااااااااااااااااااااا

موضوع جميل شكرا لك

اتفق مع فى ان الصداقه وجودها او لا بيجى حسب ثقافه ونوع المجتمع من حيث تحرره او انغلاقه فالنسبه للشرق عاده مفيش حاجه اسمها صداقه بين الصداقة بين الجنسين ممكن تكون بتاخد شكل تانى زى الزماله او غيره لكن صداقه كامله اعتقد مفيش غير مثلا مجتمعات غربيه وحتى مش كلها برضو بيقبل دا عادى وفى صداقه كامله بمعناها بس برضو فى النهاية الانسان واحد فى كل مكان بيحس بالغيره على كل اللى بيحبه سواء رجل او امراة

انا من رايى ان العادات والتقاليد يجب ان تبقى دائما ولا يمكن ان ننساها وهى جزء من عقيدتنا الغراء وبما
ان ديننا الاسلامى الحنيف وضع لنا الاس السليمه لمحاذه اى شى سى وانا بدور ليشس قصدى الاعلاقه بين الرجال والنساء غلط بس لازم تكون فى اطار دينى واحترام وكما ان دور الرجل يختلف عن دور المراه تماما والمراه كذاللك ويجب على اى طرف حسب الشريعه الاسلاميه يعنى فى النهايه تبقى الرجل رجل فى دوره والمراه مراه فى دورها نمن غيرر زياده ولا نقصان !!!

شكرا روسى على الموضوع !

أوكى أنا معاكم كلكم بس قبل متكلم شوفوه القصة ديه

" واحد بيحب واحدة المهم مش عارف يوصلها أزاى

وكان يعرف بنت صحبتها والبنت ديه معجبه بيه أوكى

وهو كلمها وقالها أنه بيحب بنت هى صحبتها

الأعجاب ممكن يتحول من حاجة من الأتنين لو البنت ذات عقلية نضجة

ممكن تسعى فى مشروع الحب وتتمنالهم الخير او ممكن يتحول لحقد

على حسب طبيعة الشخص لو قولنا هى سعدتهم فى مشروع الحب ده

ديه صحبتها وبتتمنلها الخير ولاقت إنسان هى كانت معجبة بيه

وبيحب صحبتها هيكون نوع العلاقة بين التلاتة أيه ؟؟؟

قد يقدر يقولى ...

دي قصة من دماغى بس رسمت علاقتها فى دماغى وهسيبكوه تفكروه فيها

وياريت تقولولى وصلتوه فى مرحلة أيه فى التفكير

بين علاقة التلاتة

ده أول حاجة

تانى حاجة

أنا أولاً تقريباً ليا أصحاب بنات كتير واهلى عرفنهم وأنا أعرف

أهلهم وعرفنى معرفة شخصية

البنات ديه انا عمرى محسيت من نحية واحدة منهم

بأنها تكون حبيبتى بس بحس بأن فى راجل سورى بجد والله

وبيحترموه كلامهم معايا وليا شباب بردوه بس تقريباً

بلاحظ قلة التقدير فى إخلاص الصداقة بين أتنين

ولاحظت بردوه أن إخلاص الصداقة بيكون بين جنسين

أمن لكن فى حدود المعقول

انا لما حبيت أناقش الموضوع ده وبصراحة بسبب الأخت نادية

فكرتنى بـــ موقف لما ردت عليا فى توبيك تانى

وبيتلخص ان كان عندى سكشن فى الجامعة وغصب عنى محضرتهوش

لظروف قصوى وصدفة فى اليوم ده فى تيست مفأجئة

بالرغم ليا أصحاب شباب وناس معايا كتير

ديه طلعت ورقة كمان فاضية

وحلت الأمتحان ليها وليا

مع إختلاف إسلوب التعبير فى الحل

عشان ميطلعوناش غشاشين ههههههههههه

لما شوفت الموقف ده بصراحة هى كبرت فى نظرى

مع أن أصحابى تانين قادين ومفكروش فيا كده

مع العلم أن البنت ديه مخطوبة وأنا عارف خطبها

وأتعرفت عليه وخرجت معاه بردوه مكنش التعارف طيارى

لدرجة انا كسبت ثقة الولد ده قبل ثقتها هى

تقدروه تقولولى خطبها ليه مش زعلان من أنى انا صاحبها

أنا هقولكوه ليه أولاً ديه فى نظرى أخت ومستحيل أبصلها أى نظرة

تانية مستحيل عشان انا شوفتها صديقة بس

وكمان مفهاش صفات البنت اللى بتمنها

وهى أمورة والله

النقطة اللى عايز احكى فيها ليه بنت تعمل كده وتحليلى أمتحان

وولد من أعز أصحابى مفكرش يعملهالى

عشان كده انا لو بكلمكوه على الموضوع ده بثبتلكوه أن

الصداقة بين الجنسين ممكن تكون ناجحة بنسبة عاليا

وإخلاص اكتر

وأنسة نادية بالنسبة لصاحب باباكى

اللى اتجوز زملته فى الشغل فى اسباب كتير خليتوه تفكر فى كده

أولاً ممكن ميكونش فى ألفة بين المتزوجين بأختلاف التفكير وإختلاف

أسلوب الفهم والتعبير بنهم وفى أشياء كتير ممكن الواحد يحلل فيها

لصبح بس هو أكيد فكر فى كده لما شاف تقصير من زوجته

ولو مافيش تقصير من الزوجة يبقا بالفعل الشخص ده منغير مبدا

سورى أنا بتكلم عمتاً محدش يفهمنى غلط ده بيبقا فى جميع الحالات

ياجماعة بالنسبة لموضوع الزوجة فى حاجات كتير نجحت

يعنى على سبيل المثال

عنتر بن شداد كان فى بنات كتير أشمعنا أستقر على واحدة

وحارب الدنيا عشانها هل ممكن يبص لوحدة تانية

ليه نسبة إخلاصه أعلا لزوجته

بعيد عن جو الأفلام وشيبوب والكلام ده

اكيد أنا عن نفسى بستفاد من نظرة البنت فى بعد الحالات

اللى ممكن أنا مشفهاش صح بتبقا محتاجة مشورة

وبتبقا أحياناً وغالبا من البنت احسنها نصيحة بتقولها

وبجد انا بشكركم " نادية - ضوء القمر - هيرو " بجد مبسوط

بمناقشتكم

ويارب أشوف كلامكوه

اقولك ليه هى حليتلك الامتحان علشان دى طبيعة فى الانسان يحب يطلع شهم فى نظر الطرف الآخر
يعنى مثلاً لو كانت بنت هى اللى غابت فى امتحان السكشن كان ولد صاحبها هيعمل نفس الموقف اللى عملته معاك صاحبتك

بس انت بتدافع عن الصداقة مابين الطرفين اوى ونسيت إنك قولت انك ماترضاش يكون لمراتك صاحب
يعنى انت كيلت بمكياليين صح ولا

عارف انا والله مش عارفة بس انا عن نفسى ماليش اصحاب صبيان لانى مش محتجاهم بجد وحتى لو هينفعونى
مش عايزة المنفعة دى ده بالنسبالى

على العموم كل واحد وطريقته وكل واحد على حسب مااتعود
بس انا اللى عودت نفسى
لأن اهلى بيؤمنوا ان فى زمالة مابين الولد والبنت واخويا ليه زميلات وانا عرفاهم ومصحباهم كمان
واخويا بيحترمهم جداً

بس انا كدة مش بؤمن بإن فى صداقة مابين راجل وست
وعمرى ماهقتنع بيها

وميررررررررررررررررررررسى لموضوعك

وبالنسبة لردك فى
أولاً ممكن ميكونش فى ألفة بين المتزوجين بأختلاف التفكير وإختلاف

طيب ليه لما مايكونش فى الفة يقولها ويقعدوا مع بعض يشوفوا نقط الخلاف اللى مابينهم ويحاولوا يصلحوها
احسن مايروح يتجوز عليها على طول وان فشلوا فى التوافق ينفصلوا بكل احترام بدل مايروح يتجوز عليها ويجرحها

وفى حاجة كمان انا متأكدة منها انه طالما الراجل فضل محتفظ بمراته ومارضاش يطلقها يبقى بيحبها ومافيهاش كلام تانى يبقى ليه يجرحها هى الستات بس اللى مقصرة والرجالة اللى ملايكة

شكرااااااااااااااااااااااا على موضوعك

أنسة نادية كم من الجميل الأهتمام والكلام من حيث مبدأ كل شخص

لكن أنا هتكلم فى نقطتين أنتى قولتيهم .

عارف انا والله مش عارفة بس انا عن نفسى ماليش

اصحاب صبيان لانى مش محتجاهم بجد وحتى لو هينفعونى

مش عايزة المنفعة دى ده بالنسبالى

سوال : لو أنتى ليكى زمايل شباب وفى واحد أتكلم فى حقك بكلمة مش كويسة

ده على سبيل المثال وواحد عرضه وخلاه يبقا فى نص هدومه ودافع عنك

سواء بالكلام أو موقف انتى معرفتيش تتصرفى فيه ؟؟

طيب ليه لما مايكونش فى الفة يقولها ويقعدوا مع بعض يشوفوا

نقط الخلاف اللى مابينهم ويحاولوا يصلحوها

احسن مايروح يتجوز عليها على طول وان فشلوا فى التوافق

ينفصلوا بكل احترام بدل مايروح يتجوز عليها ويجرحها

طيب أحنا بنقول ده مبدأ الزوج العاقل اللى بيحترم شخصية زوجته

غير كده يبقا ده زوج مش محترم نفسى أصلاً سورى بس ديه الحقيقة

وعدم التفاهم بين أى زوجين بيبقا عامل هدم العلاقة بينهم

والعامل اللى يحافظ على العلاقة أن تكون شخصية الزوجة قوية

مش معنى تكون صاحبة الكلمة الأولى فى البيت

وإهتمام بزوجها وأولادها وبيتها على فكرة أثناء كلامى ده

فى مسلسل جيه فى بالى بس مش فاكر اسمه بتاع

ألهام شاهين وميرنا المهندس مش متذكر احداث المسلسل

بس قدرت أفهم منه أنه زوجته كانت مهتميا بيه فى الكبيرة والصغيرة

أظن أى حد غيرى ممكن يكون فاهم أحداث المسلسل

بس المسلسل بيلخص العلاقة بين الزوجين وفى القضية اللى

بنتكلم عنها

ولك جزيل الشكر وياريت تعلقى على الكلام اللى أقتباسته

تحياتى

ازيك ياروسى انت بتقول
سوال : لو أنتى ليكى زمايل شباب وفى واحد أتكلم فى حقك بكلمة مش كويسة

ده على سبيل المثال وواحد عرضه وخلاه يبقا فى نص هدومه ودافع عنك
عادى
لوحد غلط فى حقى من ورايا مش محتاجة صاحبى يدافع عنى

لان عندى ربنا مرصاد وهو اللى ياخدلى حقى وطبعاً انت عارف السور اللى فى القرآن اللى بتتكلم عن الموضوع
زى سورة الهمزة والنور

اما بالنسبة للى بيتجوز على مراته فأنت جبت الفايدة ومافيش كلام بعد كلامك وهو ده اللى بقصده

اما بالنسبة للمسلسل اسمه قصة الامس بتاع الهام وميرنا وليد ومصطفى فهمى
ومسلسل جميل اوى

ميررررررررررسى على ردك