نجوم مصرية
منتديات نجوم مصرية المنتدى العام المنتدى الإسلامي والنقاشات الدينية



تابع نجوم مصرية على أخبار جوجل




رمضان السنادى هيغير كل عاداتى !

 

]بسم الله الرحمن الرحيم
السلام عليكم ورحمه الله وبركاته...تحيه طيبه وبعد
طبعا ده اول مشاركه ليا فى المنتدى الجميل ده
وبما اننا كلنا شباب فى بعض بيتراوح عمرنا من 17 ل 25 سنه يعنى كلنا سن واحد وفاهمين بعض كويس
طبعا كلها اسبوع وهنكون دخلنا فى احلى شهر فى السنه كلها وهو طبعا شهر رمضان الكريم وكل سنه وانتو طيبين.....مش هطول عليكو فى المقدمه لكن هدخل فى الموضوع على طول احنا هنتكلم عن مشاكل الشباب فى رمضان انا شاب زيكو اكيد فى مشاكل بتواجهنى اثناء شهر رمضان هنحاول مع بعض نلم معظمها ونتكلم عنها ونحاول نعالجها عشان نخرج من رمضان كما ولدتنا امهاتنا.
اولا هنتكلم عن مشكله السجاير ودى العاده اللى معظم الشباب مش قادر يبطلها او يخف منها انا بقولو ادى ياعم رمضان جالك اهو يعنى فرصه مش هقولك عشان تبطلها لا هقولك عشان تخف منها عالاقل يعنى ربنا مسهلهالك عالاخر كفايه انك هتشرب سجاير بالليل بس وطول النهار مش هتشرب يعنى لو بتدخن علبه فى اليوم بكده هتدخن نص علبه شايف الفرق واحد يقولى طب يبقى عملنا ايه المهم الضرر موجود اقولو ياسيدى نص العمى ولا العمى كلو ولا ايه ؟؟؟؟ وبعدين متسمعش كلام حد اللى يقولك الدخان مابيبطلش الصيام ! اذا كان اصلا التدخين بيبطل الوضوء يعنى لو متوضى وشربت سيجاره يبقى وضوءك باطل لان السجاير اساسا محرمه يبقى ازاى متبطلش الصيام بقى بالذمه ده اسمو كلام !! طب والله يا جماعه اعرف ناس كان المدفع يضرب واحنا قاعدين يقوم كل واحد فينا يروح على بيته اللى هيشرب تمر يكسر بيه صيامه ولا حاجه واحد منهم كان اول مالمدفع يضرب يقوم يطلع سيجاره ويشربها ويقول بس كده انا مش محتاج لا اكل ولا شرب تانى دنا كنت هتجنن واولع واحده طب يبقى كان صايم ازاى ده ؟؟؟دنا خايف لايكون قبل مايولعها يكون قال اللهم لك صمت وعلى رزقك افطرت ههههههه.......
تانى حاجه هنتكلم عليها واللى معظمنا بيعملهاوهى النوم اثناء نهار رمضان.....ناس كتير تيجى تقولوهم انت بتعمل ايه فى رمضان يقولك مفيش انا بتسحر وانام بعد الفجر كده واصحى والادان بيأدن اقوم افطر وبعد الفطار افوق بقى للمسلسلات....طب انا هسيبكو تردو عليه.....انا اقولو الحاجه الوحيده اللى عملتها صح فى يومك انك اتسحرت وفطرت دا اذا كنت صمت اصلا.....وبعدين ازاى انام طول النهار واقول انا كنت صايم طب تيجى ازاى يعنى بالعقل كده اجر صيامك ده مش هيكون زى اللى استحمل الصيام والجوع والعطش والحر طبعا....يقولى وانت يعنى عايزنى اعملك ايه مدام مش هنام اقولو ياسيدى اعمل اى حاجه اقعد اقرا قران شويه.......... اتلمو انت واصحابك واذكرو ربنا......امسك السبحه واتسلى شويه....اتوضى وصلى ركعتين وادعى ربنا يتقبل صيامك ويحسن ختامك...استغفر....اتصرف شوف اتحرك اعمل اى حاجه المهم ماتنامش وتضيع عليك اليوم....
تابع نجوم مصرية على أخبار جوجل


فى ايه كمانفى ايه تانى كمان اه افتكرت الصلاه يا جماعه عشان خاطر ربنا ....كتير اوى مننا مش بيصلى او مش منتظم فى الصلاه او بيصلى اسبوع والتانى لا .....ياريت الصلاه مهمه اوى يعنى تخيل كده صلاه وصوم وقران بيعملو شغل جامد اوى فى ميزان حسناتك لا بقى وكلو كوم وليله القدر لوحدها دى كوم تانى دنتا كده تبقى طالع من رمضان وتقول يا ارض اتهدى ما عليكى ادى دنا صليت كل فروض ال30 يوم وخلصت القران كلو وكنت بقرا كل يوم جزء وكنت بصوم صيام سليم على اد ما بقدر وعلى قدر مابيدينى ربنا من قوه وعزم وعمرى ماعصيت ربنا فى الشهر ده وعمرى مازعلت حد منى ولو زعلت حد مش بديلو فرصه انو يزعل اوام بروح اصالحو واطيب خاطره ووكل ده والعداد شغال ورصيدك بيزيدفى الجنه ان شاء الله اللى بيقول الكلام ده بقى اللى هو اللى كان مقطع السمكه وديلها فعلا فى رمضان......
حاجه تانيه كنت عايز اتكلم عنها وهى القران....ايه رأيك لو لميت اصحابك والشله كلها وروحتو الجامع وكل واحد فيكو مسك مصحف وقعدتو كل واحد يقرا شويه والله بجد مش هتصدقو هتبقى فرحانين من نفسكو اد ايه ...طب ايه رأيك لو اخدتى صحبتك ولا بنت عمك وروحتى تعزمى خالك ولا خالتك ولا اى حد من قرايبك عالفطار واد ايه هتبقو فرحانين باللمه وادى صله الرحم .....
يا جماعه بالله عليكو لازم نخرج من رمضان ربنا مبسوط مننا وفعلا لازم نعمل حاجه ونتحدى نفسنا واتحدى اصحابك وشوف مين هيسابق التانى فى انه ينهى القران كام مره خلال رمضان....وانتى كمان ماتنسيش فرض ربنا وتنشغلى بالمسلسلات والتليفزيون......
على فكره انا متأكد ان فى حاجات كتير اوى نسيتها وانا بتكلم ومستنى ردودكم تقولولى انا نسيت اتكلم عن ايه.....






المقال "رمضان السنادى هيغير كل عاداتى !" نشر بواسطة: بتاريخ:
no 4 love
....كتير اوى مننا مش بيصلى او مش منتظم فى الصلاه او بيصلى اسبوع والتانى لا .....ياريت الصلاه مهمه اوى يعنى تخيل كده صلاه وصوم وقران بيعملو شغل جامد اوى فى ميزان حسناتك لا بقى





توبيك جميل جدااااااااااااااااااا
جزاك الله خيرا
ميرسي ليك
the king of arab music
ميرسى ليك اوى يا معلم على مرورك و ربنا يخليك
عصفور المطر
ايه الروعه دى ...ربنا يكرمك ويهديك ويهدى بك... ومتنساش برضه منسمعش اغانى ونسمع مكانها قران كريم...حتى نعرف التلاوه الصحيحه للقران...وشكرا ليك
nonosh
لا بجد جزاك الله كل خير

انت فكرتنا بحاجات كتير بنقع فيها

واحنا كمان بننسي ان المسلسلات بتضيع الصيام

وعلى فكره الشيخ محمد حسان هوا الى قال كده

ياريت يا جماعه نقلل شويه من الفرجه عليها

وسلمى قالت طريقه حلوه عشان نختم القران كذا مره

معلش طولت عليكم في الكلام

ميرسي الموضوع الرائع
خير الدين
ان شاء الله يكون رمضان فرصة للعودة الى الله
جزاكم الله كل خير



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
فديو هيغير مجرى حياتك بجد اتحداك انك هتعيدو اكتر من مره وعنيك هتدمع وانت بتشوفه فيديو مؤثر جدااا بجد
اهم استنتاجات شهر رمضان السنادى......
شاهد ابراهيم حسن بعد المباراة : ( التخين فى مصر يجى يورينا هيغير مين فى الماتش )
شهر رمضان : أنواع الناس في رمضان ، وصايا النبي صلى الله عليه وسلم لشهر رمضان ، فضائل رمضان
ارجو المساعدة - علوم عين شمس اولي لونجحت السنادي وحولت

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية