أغبى الشباب



في البداية نأسف عن هذا العنوان ...!

ولكنها الحقيقة ..؟

أغبى الشباب و ليس الجميع
هو الذي يتحدث عن فتاة بطريقة سيئة أمام كل اصدقائه
ناسيا أن عنده اخوات



أغبى الشباب
هو الذي يحب ويفعل ماطاب له مع البنات
ويجن عندما يعرف بمجرد أن أخته اعجبت بشاب



أغبى الشباب
هو الذي يواعد بنت بخطبتها ويتلاعب بعواطفها ومشاعرها
ويعدها بالزواج
ومن ثم يريميها ويخلف كل الوعود التي قطعها لها
ويذهب إلى غيرها



أغبى الشباب
هو الذي يهتم لشكل المرأة وجمالها
ولايهتم لمضمونها



أغبى الشباب
هو الذي يقول دائما عن المرأة بأنها ناقصة عقل
وينقدها بكل احاديثه
وإذا تلقى نظرة أو ابتسامة من امرأة

تجده يكاد يغمى عليه من الفرح



أغبى الشباب
هو الذي يظهر بطولاته أمام اصدقائه
بأنه المسيطر والآمر الناهي بالبيت
وفي الحقيقة تجده تابع لأوامر زوجته

أغبى الشباب
هو الذي يحلل لنفسه كل الأخطاء والأفعال التي يرتكبها
ويحرمها على النساء ويدينها إن فعلت أي شيء
مبررا ذلك بجملة ( أنا رجل وأنت امرأة)

موضوع جميل جدا

طيب يا جماعه أما أسيره كتبت الكلام دا محددتش نسبه ولا قالت معظمهم عشان تعرفو إن في إحترام للجنس الأخر

مش زي ما كتب الكوتش في موضوعه وظلم كل البنات

هي دي الحقيقه اللي لازم الكل يشوفها ويفهمها

وانا بقول لكل شاب قبل ما يرد على الموضوع دا يفكر مليون مره إنو يرد ولا لأ

عشان الأغلبيه بيعمل الكلام اللي مكتوب دا

دا رأي بصراحه ومن غير مجامله
ودا مش معناه تعصب ولا حاجه إحنا بس بنتحاور وبنشوف أراء بعض

تحياتي للجميع

مشكورة على ردك الرائع ده يا ميسرة ومستنية باقى الردود وخصوصا ردود الشباب

يسعدنى ان اكون اول الشباب الى ارد طبعا فى الاول هو بعضهم مش كلهم بس تسمحى لى اكمل مسلسل الغباء الشبابى مع انى نفسى اعرف المسلسل ده بيعرض على قناه ايه هههههههههه يلا نكمل الحلقه الاخيره من البرنامج

اغبى الشباب
من يرى نفسه استايل وكل البنات هتموت عليه وانه مقطع السمكه وديلها

اغبى الشباب
من يرى ان فتره الشباب هى مرحله المرح والبهجه والتعب والاخلاق لغير ذلك من الاخر شايفها مرحله الصياعه الحره

وان قلت عن الغباء لم انتهى وبجد موضوع ممتاز يا اسيره الليل ويارب يسطر لا تكونى اسيره النهار كمان قريبا

موضوع جامد وجميل ميرسي كتير يا اسيره

وعلى فكره معظم الشباب اغبيه وكل الى كتبتيه موجود فيهم وعمره مهيتغير

لان دى عقيدتهم الاولى في الحياه

موضوع جميل اسبر الليل
تسلمى

انا مش معاكي في كل ده
لان الشباب بجد معزور
انا مش بحللوا
بس لكل سبب سبب تاني
اكيد مش بيعمل كده من فراغ اكيد حاجه بتحصل جعلته يعمل كده
لاني في بنات بتعمل كل الي انتي قلتي عليه ده واكتر
وفي شباب تاني مبيعملش حاجه خالص

وحياتك يا أسيره أنا متأكده أن معظمهم بيقرأ الموضوع ومبيردش عليه

عشان مفيش حد مبيعملش كدا
ودليل على كلامي قبل ما تدخلي شوفي نسبه المشاهده قد ايه



شكرا انتي يا قمر

موضوع جميل يا اسيره
تسلم ايدك

اكيد طبعا يشوفوا الكلام من بعيد ويرحوا موضوع تانى
بجد يا اجتماعىانت انسان هايل
دوموضوعك جميل جدا يااسيرة
شكرا

اعتقد يا ميسره انى انا اول واحد رديت على الموضوع وبكل ثقه احتمالك فشل هههههههههههه

بس بردو نسبه المشاهده اكتر

وانت رديت عشان يمكن متكنش منهم

لانك محترم

تحياتي

موضوع جميل وكلام زى الفل لكن اكيد مش الكل كده واكيد بردوا فى بنات زيهم

لا أنا مقولتش الكل أنا قولت معظم أو الأغلبية بيكدبوا وبيصدقوا نفسهم يعنى مثلا أنا واحد وبحكى لواحد البنت دى بقالى سنه ماشى معاها وعملت وسويت والواحد ده من دقيقتين كان بيحكى قصة زيها من تأليفه بس صدق نفسه وصدق صاحبه ده أغبى الشباب
ومشكورين كلكم على التفاعل ده بجد نورتوا الموضوع

شكرا يا اسيره بجد على موضوعك الهايل


الشباب كلهم شياطين يا جماعه والبنات ملايكه كلهم بلا استثناء




بصي يا اسيره نسبه الغباء بين الشباب والبنات متساويه وان كانت عند البنات زايده حبتين

مفيش اي جريمه او مشكله مش بسبب امراه

فتش عن المرأه زي ما بيقولوا

وده مش انحياز


ده كلام الرسول صلى الله عليه وسلم

ما تركت بعدي فتنة أضر على الرجال من النساء


صدق رسول الله صلى الله عليه وسلم



انا مش متحيز على فكره بس لما لقيت الكلام بيتجه لاتجاه خاطئ حبيت اوضح الفكره

وانا بحترم كل النساء على فكره لكن الشباب والبنات شركاء في عمليه الانحدار اللي وصلنا ليها


انا رديت اهه يا اسيره

أغبى الشباب
هو الذي يحلل لنفسه كل الأخطاء والأفعال التي يرتكبها
ويحرمها على النساء ويدينها إن فعلت أي شيء
مبررا ذلك بجملة ( أنا رجل وأنت امرأة)

علي فكرة الجمله ديه بالزات
بتقول ان كل الشباب كلهم اغبيه وليس معظمهم
اسف علي الاجماع
بس هو ده رأيي



بس يا اسيرة لازم يكون في حاجه اسمها الراجل راجل والست ست

وشكرا علي الموضوع

اشكرا جدا يا ميسره ويا جماعه الغباء فى العرب عامه انهم سايبين اوربا تتحكم فينا

لا يا روميو الشباب أكثر غباء من البنات
وأنا مع رأيى راغب فى أن غلط أن الولد يدى لنفسه جميع الصلاحيات والبنت لا وكمان لازم يبقى الراجل راجل والست ست مشكورين كلكم على التفاعل

موضوع جميل ورائع وانا فعلا احترمته

وكل الكلام الي فيه صح

تسلمي ايديك