نجوم مصرية
منتديات نجوم مصرية منتدى الجاليات العربية خارج الوطن منتدى المصريين المقيمين خارج مصر



من الاخر انت ليه سبت بلدك

 

السلام عليكم ورحمه الله وبركاته

ان موضوع اليوم هو بخصوص انت يا مغترب لماذا تركت بلدك وبلدك هى التى نشات فيها وعرفت فيها كيف الحياه وكل احبابك واصدقائك هنا وفجاه تترك كل هذا وتذهب للرغبه ما هو السبب القوى الذى يدفعك الى هذا اهل وجود البطاله وهل انت تحلم ان ذهابك للخارج عندما تنزل من ارض المطار ترى عروض الوظائف تنهال عليك امال نحن نرى ليه ناس تعمل بالنظافه هناك مع انى شهادته عاليه وانا لا اقلل من عمال النظافه ولكن اعمل بشهادتك وايضا البعض يترك البلد ليريد حياه مترفهه فى دوله اوربيه متقدمه ولكن احب اقول لك لن تجد افضل من بلدك وهتشوف لما تجرب الغربه والبعض وهو النوع الاخطر مستعر من بلده لا يحب بلده وهذا يوجد وهذا سوف يرى كل التعب فى الخارج ولكن لا انكر ان بعض الافراد شاذين السفر هام لهم امثال الدكتور مجدى يعقوب او العالم احمد زويل وغيرهم من رجال الاعمال واخيرا اريد من احبائى قول لماذا تركت بلدك








المقال "من الاخر انت ليه سبت بلدك" نشر بواسطة: بتاريخ:
Almaistrow
السلام عليكم ورحمة الله وبركاتة
اولا اشكرك على مناقشة الفكرة ليتكلم كل مغترب عن سبب سفرة
هناك طبعا الكثير من الاسباب ولكن غالبها هى البحث عن وضع افضل وانت تعلم الوضع الحالى
طبعا ساتكلم عن نفسى
واترك كل انسان يتكلم عن نفسة
هناك السفر اما الى بلد عربية او اجنبية وكل وجهة لها ظروفها واستعدادها للانتقال الى حياة اخرى تماما عن ماسبقت
انا عن نفسى سافرت رغما عنى ولا كنت يوما ما افكر وانا طالب بالكلية ان اترك مصر ولكنها الحياة والاوضاع
فقط بعض ماافادنى فى غربتى فانا سافرت لدولة عربية واختصرت المسائل من ناحية اللغة والعادات والتقاليد .....الخ
اولا الحمد لله فى انى تعاقدت من مصر على وظيفة حكومية بدولة الكويت وكان مرتبها والحمد لله يفوق مرتبى لو كنت بمصر30مرة تقريبا ومااوفرة بعد المصاريف والهدايا والسفر والسكن...الخ حوالى 10 مرات لغلو السكن هنا بالكويت
وما رايتة هنا صراحة من نظام ومعاملة ونظافة وحاجات كتير تمنيت ان اجدها بمصر بلدى
مجرد مثال فقط
لو حبيت تشترى عربية ففى 10 دقائق تشتريها وتذهب للمرور فى 10 دقائق تصبح سيارتك دة مثلا
مافيش حفر نهائى نهائى
مافيش اى معانة من نواحى كثر بالنسبة للاكل والعيش وشراء كل ميلزمك فالبلد كلها جمعيات ورقابة ومولات وكل مايلزمك بكل هدوء ونظام وتسوق من اروع مايمكن دون اى مشاكل ولو اشتريت مثلا بنطلون او تى شيرت ممكن ترجعة بعد اسبوع مثلا لو لقيتة لايناسبك او لونة لم يعجبك او او دون اى اعتراض او زعل من المحل
صدقنى حاجات كتير ومن اهمها انى باعرف انام وقت الظهر دون اى ازعاج من ناموس او ذباب او صوت بائع الانابيب او بائع متجول مثلا
الاحترام المتبادل...الخدمات على اعلى مستوى...نظام البنوك والسحب للجميع دون اى طابور او زحام...انتشار فروع كثيرة جدا من البنوك لخدمة العميل.....صراحة رغم اننا جينا هنا نعلم الناس فى جميع تخصصاتنا كالطب والتدريس وغيرة ولكن هم تفوقوا علينا ..مافيش اى تعقيدات..مافيش اى روتين... مافيش عسكرى او ظابط يهينك او يشتبة فيك وف لحظة تلاقى نفسك فى الحجز على مايبان لك صحاب...
صدقنى ياصاحبى امنية حياتى اغمض عينى وافتحها الاقى نفسى فى مصر تانية بناسها الطيبين المخلصين العشريين اللى شوية فول بالزيت الحار والطحينة وكباية شاى جميلة ونحمد الله على ماانعمنا بة نفسى ارجع واشوفها ام الدنيا زى الاول واجمل وكل وزير عينة على الشعب مش على ماسيجمعة خلال فترة وظيفتة
نفسى الاقى وزير فنان يخلى البلد اجمل من باريس
وزير ابن ناس يمنع طوابير العيش
وزير ابن ناس يرفض الواسطة والرشاوى ويلاقى كل شاب هايتجوز شقة صغيرة 60 متر يتجوز فيها
وزير ابن ناس يساعد الشباب على ان يمتلكوا الصحراء بس يحط لهم المرافق والخدمات من عائدات قناة السويس والبترول والسياحة
هاقول اية والا اية
خلينا نحلم وندعى ونقوووووووول
ياااااااااااااارب
مصر هى امى
outa
نفس الكلام اللى قالو اللى قبلى هو بظبط الرد على سؤالك
اه فى شويه تعب بس فى الاخر هتلاقى نتيجه تعبك
بس لما تتعب فى مصر هتلاقى نتيجه تعبك؟
وانت بتقول عمال النظافه عمال النظافه هنا فى امريكا
مفيش فرق بين عامل نظافه ولا وزير ولا اى وظيفه
مش المشكله انك تشتغل بشهادتك المهم انك تلاقكى الوظيفه اللى ترضى طموحك
وتقدر تطور من نفسك فيها حتى لو بتلم زباله فى الشارع بس بيتهيالى عمرك ما هتلاقى كل ده فى مصر
د/ابو العربى
واضح ان سعادتك ياما مش عايش فى مصر او عمرك ما سافرت برة
الدول العربية اللى البعض بيتريق علىها سبقتنا فى اهم حاجة انها بتعامل الناس على انهم بشر بنى ادمين
etch evil
السلام عليكم ورحمه الله وبركاته

ان موضوع اليوم هو بخصوص انت يا مغترب لماذا تركت بلدك وبلدك هى التى نشات فيها وعرفت فيها كيف الحياه وكل احبابك واصدقائك هنا وفجاه تترك كل هذا وتذهب للرغبه ما هو السبب القوى الذى يدفعك الى هذا اهل وجود البطاله وهل انت تحلم ان ذهابك للخارج عندما تنزل من ارض المطار ترى عروض الوظائف تنهال عليك امال نحن نرى ليه ناس تعمل بالنظافه هناك مع انى شهادته عاليه وانا لا اقلل من عمال النظافه ولكن اعمل بشهادتك وايضا البعض يترك البلد ليريد حياه مترفهه فى دوله اوربيه متقدمه ولكن احب اقول لك لن تجد افضل من بلدك وهتشوف لما تجرب الغربه والبعض وهو النوع الاخطر مستعر من بلده لا يحب بلده وهذا يوجد وهذا سوف يرى كل التعب فى الخارج ولكن لا انكر ان بعض الافراد شاذين السفر هام لهم امثال الدكتور مجدى يعقوب او العالم احمد زويل وغيرهم من رجال الاعمال واخيرا اريد من احبائى قول لماذا تركت بلدك

سيبت مصر علشان مش لاقي اللي انا فيه اللوقتي في مصر

عايزك تتخيل معايا واحد عنده 21 سنه وشغال بره وبرستيج وعربيه ونظافه وامكانيات انا مش بعرض والله ولا بتفاخر بس انا لو لسه في مصر مكنش زمان حتى معايا موتوسيكل من الموتوسيكلات الصيني دي حتى


والله يا جميل الغربه وحشه اووي بس هعمل ايه يا اقعد في مصر جنب ست الحبايب يا اما اسافر واشتغل
لكن علشان اشتغل في مصر زي مكان قدامي ب500 جنيه

يبقى مفيش اي حاجه هتتحقق

طبعا ده غير ان نصيبي ومكتوب ليا اني اسافر وربنا كاتب كل شئ بس انا اخترت اتغرب واريح اهلي
احسن مقعد جنبهم واتعبهم معايا

ادعيلي انت بس ويارب ارجع

والله العظيم انا نفسي ارجع مصر ولو نص ساعه حتى

بس هعمل ايه لازم استحمل لميعاد الاجازه

معلش طولت عليكم تقبل مروري ونايس توبيك يا جميل


" والله لسه بحبك يا اسراء .... سامحيني .... Marry me "

احمدالعطار
السلام عليكم ورحمة الله وبركاتة
شكرا على مجهودك الرائع اخى العزيز
نفس اللى قالوة الاخوة الاعزاء
احنا جربنا بلدنا مفيش فايدة وادينا بنجرب الغربة
بس على فكرة الناس مفكرة الغربة سهلة
لا والله صعبة جدا جدا كفاية ان انت سايب اهلك واصحابك
والناس اللى انت بتحبهم وبيحبوك بس نتعب شوية واحنا شباب وبعد كدة نستريح احسن ما نتعب واحنا شباب واحنا
كبار ولو لقينا راحة فى بلدنا والله ما سافرت انا بتكلم على نفسى
وفى الاخر هنرجع ان شاء الله بلدنا العزيزة علينا كلنا ومحدش يقدر ينكر دة
مثل القمر لي جانب مظلم
انا عن نفسي فانا مغتربه غصب عني لاني مع اهلي ولو بايدي مااسيبش بلدي ابدا وان كان علىالظروف الماديه فاكيد شويةشويه هاتتعدل بجد انا نفسي اشوف مصر واتنفس هواها وشكرا على مو ضوعك واسفه على الاطاله
عشق الروح
الله يكون فى عونكوا
أحمد الزنارى
أنات الحمد للة لسة فى بلدى
بس أغلب الللى بيسبوةها بيكون عشان حاجة اسمها
الفلوووووووووووووووووووووووووووووووووووووووووووووو ووووووووووووووووووس
أة منك يا فلوس و مما تفعلين بنا
مع خالص الاحترام ولك و لموضوعك
zerbelou
***************
forex-blog
ربنا يكون فى عونكو فعلا قرايبى اللى بيسافروا

بيقولو فعلا نص ساعه هنا تساوى 4 سنين هناك

ربنا يقدركم وترجعوا بالسلام
اسلام مصر
انا بقى مشيت من مصر لسبب صغير جدا
هو ان للاسف الكبير بياكل الصغير
انا شاب جامعى تعليم عالى وكليه قمه بدأت حياتى فى مصر
اشتغلت وكافحت وكونت نفسى
حبيت اعمل حاجه للمستقبل خسرت كل حاجه
جمعت مبلغ كويس من شغلى وبدات اعمل مشروع صغير يامن مستقبلى
لكن للاسف الصغير لازم يفضل صغير لان الكبير مش هيسمحله يكبر
يمكن ده عدم توفيق بس انا عملت كل اللى اقدر عليه
لكن فى بلدنا غير مسموح الا بطرق مكلفه جدا
طبعا كلكم عارفينها
المهم خسرت كل حاجه
مفيش قدامى غير السفر سافرت
الغريبه ان انا مصمم برده وان شاء الله هرجع ولازم اعمل حاجه
بس ادعولى ربنا يوفقنى المره اللى جايه
لكن صدقونى اصعب شئ هو الغربه
واسف على الاطاله
اجتماعى اخر حاجه
الله عليكم يا جماعه والله يكون فى عونكم فى الغربه وبصراحه القصص بتعتكم موثره جدا
bnota msrya
السلام عليكم و رحمة الله و بركاته
انا بنوتة مصرية ..عمري 14..عايشة في ابو ظبي
حلمي الوحيد اني آجي مصر ..
تخيلو! انا عمري 14 سنة و عمري ما نزلت مصر غير مرة واحدة فحياتي كان اجمل يوم فحياتي.يوم 29/7/2009
الله...يا ربي انا انبسطت لما نزلت مصر قد ايه!!
والله كنت حاسة باحساس غريييب يا ربي!!
ويوم السبوع بتاعي جيت الامارات
قد كده مصر حلوة مش مصدقة .!!.!!.!!
والناس الطيبين هناك كل الناس طيبين ..!!..!!
بس بجد مصر جامدة آخر حاجة
واحلى حاجة عندكو كلكو مع بعض مهما كانت الظروف..!!..!!
والله العظيم انتو اجدع ناس..احلى ناس اطيب ناس ..اجمد ناس




مع تحياتي:
بنوتة مصرية
bnota msrya
3mlen e7
???
ya rab tkono b5eer

عاملين ايه يا رب تكونو بخيير

بنوتة مصرية
اجتماعى اخر حاجه
والله يا بنوته كلامك ده يشجع الواحد يحب مصر اكثر وبجد نتمنى ترجعى مصر وكمان نستقبلك فى المطار
bnota msrya

ربنا يسمع منك
ياااا رب
ya raaaaaaaaaaab
mizoooo
بصو يا جماعه ارجوا انى مطولش عليكوا عشان انا حكايتى طويله شويه بختصار يوم مسبت مصر وسافرت مش عشان قرف المرتبات والمعيشه الصعبه و الى بنشوفوا فيها لا انا ممكن اتحمل اى حاجه واعيش فمصر بس ظروفى جت كده انا اتخرجت من كليه التجاره بتقدير مقبول و بعدين خدت تاجيل وطبعا عشان الاقى شغل كمحاسب بتقدير مقبول يكاد يكون مستحيل لازم اخد كرسات غاليه والازى منه وانا والدى بعد متخرجت قالى ولا اعرفك روح اشتغل واعرف احنا بنجيب القرش ازاى اشتغلت فى فندق شويه وده لمده كام شهر بعد التخرج وبعدين واحد صاحبى قالى على اعلانات عن عمال للعمل بمصنع فى روسيا قولت وماله اهى خربانه خربانه انا اروح اجرب ومش مهم خصوصا ان المرتب كان قريب من الف دولار ومش طالبين اى شروط روحت مسافر رغم اعتراض من البيت ولقيت هناك عمال من روسيا ومن دول الاتحاد السوفيتى السابق وكان هناك عمال مسلمين كتير وده الى هون الامر بس بقى مفيش معمله زى اوروبا ولا معدات زى اوروبا واعدت بتاع سنه ورحت سايب المصنع واشتغلت فمسكو بربع المرتب الى كنت بخده والمصريف عليا عكس مكنت فالمصنع السكن والاكل والشرب عليهم وموسكو دى اجارك الله من الاسعار هناك نار ومع ذلك تقريبا متوسط الاجور هناك مايعادل الف وخمسوميت جنيه مصرى رحت راجع كنت حوشت مبلغ كده حوالى تمن تلاف دولار اعدت شويه فمصر اخد كرسات وخدت على الاعده ومكنتش عايز اسافر تانى خالص واشتغلت شويه فشركه كده صغيره بوسطه والى يسمع وسطه ميفتكرش انى كنت باخد ياما هنا ياماهناك انا كنت باخد خمسميت جنيه وبيزلونى بيهم لحد مسبت الشغل واضريت اصرف مالفلوس الى معايا فكرت اعمل مشروع لكن خايف مالروتين والخنقه وبعدين يخسر والبس قضايا مع الضرايب وعشان كده قررت انى اسافر تانى وهوه ده مالاخر الى خلانى اسافر واسف انى طولت عليكو
EGYPT1
والله عايز ابكي
انسان(احمد)
الحمد لله ، النخب الحاكمه فى مصر نجحت نجاح باهر فى انها تخلى الشعب كله نفسه يهج ، لو سالت حد و قلتله نفسك تسافر و قالك لا اعتقد انك مش صادق معاك و لو كان صادق معاك يبقى بيكدب على نفسه , سمعت حوار واحد بيقول للتاتى ايه هى الشفافيه اللى الحكومه بتقول عليها ؟ فقاله ان الشعب بقى شفاااااااااف و من كتر ما هو شفاف الحكومه بقت مش شايفاه .
matches
شكرااااااااااااااااا
ahmed_ramadan
مشكووووووووووووووووووووور
مغترب
انا من صغري و بحلم بالطيران و السفر، لما كبرت و عرفت ان دراسة الطيران المدني غاليه، بدأت ادور على بدائل تخللينى اسافر، بس فى مصر محدش بيسافر الا الاغنياء... بعد كده، ظهر الانترنت، و عرفت ان ممكن اسافر بفلوس قليله، مش لازم ابقى غنى، لكن كنت لازم اشتغل كتير عشان احوش مجرد ثمن تزكرة الطياره. بعد كده عانيت من الاجراءات و الانتظار عشان اطلع ڤيزا السفر، و الحمدلله، سافرت اول مره فى 2008 و انا عندي 21 سنه. بالرغم من انهم كانو 10 ايام بس، لكن كنت فى سعاده كبيره. بعدها بسنه سافرت تانى لمدة شهر و بعدها بسنه سافرت الى الان و بقالى 3 سنين بعيد عن مصر... انا اختصرت كلام كتير، بس اللى اتعلمته انى كنت عايش فى غابه، دوشه، زحمه، خناقات فى الشارع، فساد فى الحكومه و بيروقراطيه.. لكن كنت عايش فى وسط اهلى، و مفيش حاجه تعوض عن الاهل و الوطن. اتمنى من اليوم اللى ارجع فيه مصر و اشتغل بجهد و اتعب، بس تعبى مايروحش هدر، اعامل كإنسان و تكون لي حقوقى بجد، مش بتكلم عن فلوس، لانى اتربيت و نشأت بالقليل، بس بتكلم عن زرع وحصاد. ربنا يرجعنا لاهنا و بلدنا سالمين وبكل خير يارب.



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
كيف يكون لك دور في نهضة بلدك
ممكن تتكسف من اسم بلدك
الزواج من بلد غير بلدك


Powered by vBulletin Version 3.8.8
Copyright ©2000 - 2018, Jelsoft Enterprises Ltd
جميع الحقوق محفوظة © nmisr.com نجوم مصرية