وقارى الفاتحة على حلمى
ودقات الساعات
لسة على وتر الزمن
بتدق
ومع كل نبض فى القلب يدق
بسأل سؤال مش لاقيلة جواب
لية الوشوش بترحل
وبتعشق الغياب
لية الكلام ع الشفايف بيهرب
وقت الاشتياق للاحباب
ولية بصارع العمر
ولية
دقات الساعات فجأة بتعلى
تنزف تعلى تنزف وتعلى
والحلم يرفض الاقتراب من الرجوع
والقلب يسأل عن معنى الخشوع
فى حرم الخوف
ويلعن ظروف وظروف
خلت الوقت يبارزنى
بسيف تلم
ويرمينى بعيد اوى محدوف
عن حلم عاش سنينى
ولما ادفن قصاد عينى
رفضت دموع عينى
تبكينى
ورفض القدر يحينى
وفضلت متعلق
ما بين جنة الامل
ونار اللى اتعمل
وسألت أمتة بس
ألاقى صراط
مستقيم
ولا حتى وادى أليم
أصارع فية الوقت
وياقتلة يايقتلنى
أصلى الزمن علمنى
ما أمنش با أى حلم
وأنا خايف ليضيع فى يوم منى
وأهة ضاع منى
ونسيت فى لحظة توهانة
حروف الفاتحة
وحل الكابوس مكان الحلم
يبقة اية العمل وانا
لسة متعلق
ياترى هفضل متشعلق
والا هرسالى على بر
وهستريح مرة واحدة
مرة واحدة بس فى العمر
.................................................
دة اول موضوع ليا فى المنتدى واتمنى يعجبكم واتمنى تنتقدونى وتقولوا رايكم بصراحة