لدي استفسار كيف انشئ موقع ويب أو بمعنى آخر
لدي موقع مجاني و أريد أن أسأل ما الفرق بين الموقع المجاني و موقع الويب؟
وكيف نفرق بين الصفحة و الموقع ؟ بمعنى الصفحة تطلق على موقعي الذي تستضيفه بعض المواقع
واذا قمت بإنشاء موقع على البلوجر blogspot وأضفت عدد من الصفحات الفرعية وكل صفحة تتطلب بالطبع إضافة موقع ويب فكيف لي ذلك للأهمية
ولن أنسى الدعاء لمن يجيبني بإذن الله
ولكم جزيل الشكر

الموقع المجانى هو موقع ويب
الموقع المجانى يكون دومينة www.example.blogspot.com
أما الموقع المدفوع فيكون كذلك www.example.com
هناك بعض المميزات متاحة للمدفوع و لا متاحة للمجانى مثل عمل خريطة للموقع التى تساعد فى تحسين موقعك بمحركات البحث و التحكم فى القالب كما تشاء و غيرها .
اذا كنت مبتدئ فأنصحك باستخدام الموقع المجانى حتى تتكسب الخبرة الكافية ثم انتقل الى الموقع المدفوع
الموقع سواء مجانى أو مدفوع يحتوى على صفحات فكل موضوع تكتبة يكون فى صفحة جديدة و هكذا
لم أفهم ماذا تقصد بهذة الجزئية

وأضفت عدد من الصفحات الفرعية وكل صفحة تتطلب بالطبع إضافة موقع ويب فكيف لي ذلك للأهمية

أرجوا توضيحها
و تحياتى لك

أقصد أنني تعلمت وعملت موقع ويب مجاني على دومين blogspot
وتعلمت عمل صفحات فرعية من خلال هذا الموقع الجميل ( نجوم اف ام )
ولكن كل صفحة لدي معلومات للنشر أو رسائل جديدة والسؤال
كيف أضيف ما أريد من محتوى لعدد هذه الصفحات الفرعية

حضرتك فاهم موضوع المدونات وبلوج سبوت خطأ

المدونات ما هى الا سكربت او برنامج بمعنى ابسط انت بتحط فيه مواضيعك وكل موضوع بياخد شكل صفحة ويب يعنى انت مش بتضيع وقت فى تصميم كل صفحة يدوب بتكتب محتوى كل موضوع وهو يجعله فى صفحة لوحده وكمان انت تقدر تظبط الشكل العام بكل سهوله للبلوج

اما موضوع تصميم المواقع هو شئ جميل ولكن تحتاج الا شركه استضافه ايا كانت مجانيه او مدفوعه كما اشار اخونا الكريم لرفع موقعك بكل صفحاته عليها

ارجو اكون قد افدتك

ربنا يزيدك من المعلومات المفيدة ولكن أنت مش فاهم القصة وهي ك لي مدونة وبها عدد من الصفحات الفرعية التي أضفتها بعد تعلمها من هذا الموقع ( نجوم اف ام )
وقمت باضافة عنوان لكل صفحة والطريقة كما نقلها الزملاء ك :
لوحة التحكم أختر التخطيط ثم على إضافة أدة
واختر أداة نص ثم أكتب بعد ذلك اسماء الصفحات الفرعية كلها في المساحة الخالية
مثال : الرئيسية عن الموقع لأتصال بنا وهكذا
أو اكتب اللي انت عاوزه ثم على الرئيسية مثلا وأضف رابط الرسالة الجديدة التي يجب أن تضيفها وضعه على الكلمة ( الرئيسية ) وهنا أجدني في حلقة مفقودة أحط الرابط منين
بعدما تحدد كلمة الرئيسية يجب على زر أخضر لإنشاء رابط طيب بتظهر لي رسالة أكتب رابط طاب بيجي منين هذا الرابط
أنا قمت باضافة رسالة وأنشأت رابط لها من خلال كلمة بعد نشر الرسالة في الموقع تقول لي روابط الرسالة
إذا قمت بالضغط على روابط الرسالة هيظهر انشاء رابط إذا ضغطت على انشاء رابط هيفتح نافذة مكتوب فيها زي رابط بعمله copy وألصقه في المكان اللي قلتلك رسالة تقول أكتب رابط و كمان كما ذكرت أنا مش عارف أجيب الرابط ده منين

ربنا يزيدك من المعلومات المفيدة ولكن أنت مش فاهم القصة وهي ك لي مدونة وبها عدد من الصفحات الفرعية التي أضفتها بعد تعلمها من هذا الموقع ( نجوم اف ام )
وقمت باضافة عنوان لكل صفحة والطريقة كما نقلها الزملاء ك :
لوحة التحكم أختر التخطيط ثم على إضافة أدة
واختر أداة نص ثم أكتب بعد ذلك اسماء الصفحات الفرعية كلها في المساحة الخالية
مثال : الرئيسية عن الموقع لأتصال بنا وهكذا
أو اكتب اللي انت عاوزه ثم على الرئيسية مثلا وأضف رابط الرسالة الجديدة التي يجب أن تضيفها وضعه على الكلمة ( الرئيسية ) وهنا أجدني في حلقة مفقودة أحط الرابط منين
بعدما تحدد كلمة الرئيسية يجب على زر أخضر لإنشاء رابط طيب بتظهر لي رسالة أكتب رابط طاب بيجي منين هذا الرابط
أنا قمت باضافة رسالة وأنشأت رابط لها من خلال كلمة بعد نشر الرسالة في الموقع تقول لي روابط الرسالة
إذا قمت بالضغط على روابط الرسالة هيظهر انشاء رابط إذا ضغطت على انشاء رابط هيفتح نافذة مكتوب فيها زي رابط بعمله copy وألصقه في المكان اللي قلتلك رسالة تقول أكتب رابط و كمان كما ذكرت أنا مش عارف أجيب الرابط ده منين

اها انتة شكلك اصلا مش عارف يعنى اية الرابط طيب الرابط اللى هوا فى اعلى الصفحة فوق

http://100fm6.com/vb/newreply.php?do=newreply&p=452831

زى دة يعنى

طبعا مع الاختلاف لمدونتك انت

بالله عليك أنت أفدتني
يعني لما أضيف صفحة
أنسخ رابط مدونتي ( هل أنا فاهم كده صح أم لا )
طيب إذا كان زي ما بتقول أبدأ أضيف محتوى جديد أو كلام لهذه الصفحة
الي اسمها الرئيسية مثلا إزاي ؟
أو بمعنى أخر كيف أضيف محتوى ( رسالة جديدة ) للصفحة الفرعية ؟
أفيدني بالله عليك للأهميه
وجعل الله ذلك في ميزان حسناتك

أنا عايزك تفهمنى انت
أولا تقصد اية بصفحة فرعية
و بردة رسالة جديدة
و ياريت تحطلنا رابط مدونتك و توضح عليها

جميل جدا أنا فرحان بك يا دكتور أحمد
وانا أكبر منك سنا ولكن بسم الله ما شاء الله حضرتك
عامل أحلى مدونة ودخلت عليها وانت عامل صفحات أيضا مثل
الرئيسية عني راسلني الأرشيف تبادل اعلاني
أنا مش عاوز غير صفحات فرعية زي كده مع اختلاف الأسماء
وبعدين إزاي أضيف محتوى للصفحة أو تدوينات جديدة بمعنى رسالة معلومة خبر
زي ما أنت عامل صفحة ( عني )
وبالطبع كتبت فيها
العمر
الوظيفة
الجنس
من أنا
أنا أحمد الزناري عربي مصري ولدت في مطلع ....الخ
أنا عاوز أعمل صفحة ثم أضيف لها بيانات أو معلومات
أو تدوينات جديدة بس

بداية شكرا على المجاملات التى فى البداية و التى أخجل أن أرد عليها
ثانيا أنا معاك خطوة خطوة
بالنسبة لعمل ملف تعريف
عند لوحة التحكم الرئيسية لمدونتك على تحرير ملف التعريف و اكتب ما يحلو لك عن نفسك و ارفع صورة ان شئت ثم على حفظ ملف التعريف
بالنسبة للصفحات
ففى بعض القوالب نجد أن هذة الصفحات الفرعية موجودة بالفعل و ما علينا الا أن نعدلها افرض لو القالب بتاعى مفهوش الصفحات دى اعمل اية اليك الطريقة مصورة





حضرتك لما تنسخ الرابط دة من خلال كوبى يبقى نسخت رابط الصفحة تمام
نيجى بأة للمهم
روح للتخطيط و اضافة أداة كما فى






بعد كدة اضافة نص كما فى






بعد كدة اكتب الصفحات الفرعية اللى على مزاجك و خلى بينها فراغ زى







من أول هنا بأة ركز معايا
ظلل الرئيسية و على اضافة ارتباط كما فى







طب هتقولى أجيب الرابط منين أقولك زى ما وريتك فى أول صورة الصفحة اللى عايز تحطها تنسخ الرابط بتاعها اللى فوق و بعدين تحطة زى دى







و كرر نفس الموضوع مع باقى الصفحات و فى الاخر موافق ثم حفظ

هقولك تانى
عشان تعمل الصفحات بعد ما تكتب الكلام تدوس اضافة ارتباط طب أجيب الرابط منين ؟؟؟ تنسخة من أعلى الصفحة يعنى عايز تعمل صفحة فرعية تسميها منتدى نجوم اف ام انسخ رابط المنتدى زى ما وريت فى الأول و كتبة عند اضافة ارتباط



أتمنى أن أكون أفدتك

كلامك جميل ومفيد بالنسبة لي وأضفت لي جديد
بس معناه
أني محتاج أعمل صفحة جديدة
علشان أضبفها كصفحة فرعية في المدونة
طاب و الصفحة دي تتعمل ازاي علشان بعد كده ابقى
انسخ رابطها عارف انك هتقول علي اني فاهم غلط
ولكني أمام حلقة مفرغة يا جماعة موضوع الصفحات الفرعيه
أنا فاهم منه ما يلي :
من لوحة التحكم أختار اضافة أداة ثم نص
ثم أكتب ما يحلو لي
واختر اضافة رابط من أداة خضراء اللون
بعدين يسألني عن الرابط
ماشي فهمنا الرابط هو رابط الصفحة وزي ما شرحت بالصور
خاصة الاولى طاب أصمم صفحة على النت علشان بعد كده
ابقى انسخ الرابط هناك شئ ما مفقود أبحث عنه يا هل ترى من أحد يساعدني
شكرا لكل من حاول مساعدتي وشكرا لمن سيجيبني عن جزء مفقود لا أعلمه

بص يابا باشا
من لوحة تحكم مدونتك
على رسالة جديدة
اكتب ما تريدة أن يظهر فى الصفحة
اكتب نشر الرسالة
على عرض المشاركة
و بهذا تكون صممت صفحة على الانترنت انسخ رابطها و اجعلها فى الصفحات الفرعية

انا أخيرا كده فهمت انت حضرتك جبت التايهة بلغتنا الدارجة
وكده تحل اللغز بالنسبة لي والحلقة المفقودة وجدتها بك
ولكن بعد ما نفذت ما قلت وجدت الكلمة اللي ظللتها بقيت رابط
وهو المطلوب ولكن عند عليه تظهر لي تلك نافذة مكتوب
عليها Oops this link appeears to be broken
google toolbar



Oops! This link appears to be broken.Did you mean: www.blogger.com/rearrange
يعني لا يدخلني لموضوعي بل يقول الصفحة غير موجودة

واحدة واحدة
انت لما تكتب الرسالة و تدوس نشر الرسالة هيطلعلك صفحة مكتوب عليها عرض المشاركة دوس هتلاقى صفحتك و بعدين انسخ الرابط من فوق و حطة فى اضافة ارتباط بالنص اعمل الموضوع دة تانى واحدة واحدة و هتشتغل ان شاء الله

[b]شكرا يا ريس ربنا ينولك اللي فبالك
ولكن لي سؤال وأجبني بعد ما تخد وقتك ربما يكون
وقتك مش ملكك
انا اخيرا اشتغلت معاي هذه الخاصية ولكن أريد التنسيق بمعنى تنسيق التدوينة وتنسيق شكل الصفحة الفرعيه فأرى في بعض المدونات شكل جميل للصفحة الفرعية حولها مستطيل والصفحة المختارة بيكون حدها السفلي ملغي و أشياء من هذا القبيل والبنط بتاع الرئيسية مثلا عريض
وهكذا وزي ما حضرتك عامل في مدونتك مفتاح الصفحات الفرعية كبير وحوله مستطيل
ولوحة التحكم ولما بتختار منها التخطيط بتكتب عناوين صفحاتك الفرعية ومنها ممكن تضيف أداة وتنسق صفحتك وتخلي شكلها جميل ازاي ؟
عملت ايه علشان تلاقي اسماء الصفحات الفرعية في التخطيط أو وضع تنسيق (اضافة عناصر الصفحة وترتيبها )[/b]

الحل بقى انك تغير قالب مدونتك
اكتب فى جوجل قوالب بلوجر معربة
أول نتيجة هتظهرلك ادخل فيها
و اختار القالب اللى يعجبك و دوس تحميل
و بعدين ظلل الكود اللى موجود عندك
و فى مدونتك اختار التخطيط ثم تحرير html
ثم امسح الأكواد الموجودة و بست على الكود اللى نسختة
ثم احفظ القالب

شكرا جزيلا انت جبت المفيد
ودلتني على طريقة جديدة وجميلة جدا
أرهقتك معي ولكن لي سؤال جديد
استحمل ( أنت اللي جبته لنفسك )
في القالب الجديد مكتوب تسميات للصفحات الفرعية
كيف يتم تغييرها بأسماء جديدة ؟
واختفت من عندي أداة المتابعون كيف أرجعها؟

مفيش أى مشكلة دى حاجة بسيطة بس عايزة شوية تركيز
روح الى التخطيط ثم تحرير html
دوس صح على توسيع عناصر واجهة الاستخدام
دوس على زر ctrl مع f فى نفس الوقت هتلاقى ظهرلك مربع بحث تحت
اكتب التسمية اللى عايز تغيرها عشان تبحث عنها و هتلاقيها اتحددت بلون مميز امسح الكلمة و اكتب اللى انت عايزة استنى ما تفرحش الوقتى بعد ما تعدل الكلمة هتلاقى جنبها كود فية a herf و بعدة علطول
و هتلاقى بين قوسين رابط بيبتدى ب http://www حضرتك بقة عليك تغير الرابط دة للرابط اللى عايز الصفحة بتاعتك تتفتح علية زى ما قلتلك فى الأول تنسخ الرابط و تحطة بين القوسين .

اضافة المتابعين أو ارجاعها سهل جدا من التخطيط اضافة اداة اضافة المتابعون انتهى

و مفيش مشاكل أنا معاك الى الاخر و زى ما فى ناس ساعدونى فى الأول عشان أتعلم لازم أساعدك عشان تتعلم و بعدين تعلم اخرين و هكذا تستمر الحياة .
تحياتى لك