ازيكو يا جماعه وحشتونى كتير معلش مشاركاتى قليله عشان الدراسه وكدا بس بجد بحبكم كلكم وحاسه ان المنتدى دا زى بيتنا او اهلى
عشان مش اطول عليكم انا قريت القصه دى فى كتاب للدكتور ابراهيم الفقى وقلت انقلها لكم وعايزه اشوف اراءكم
القصه دى بدات من كام الف سنه كدا الصينين حبو يعملو تمثال فخم وكبير يبقى ذكرى لكل الاجيال اللى وراهم وفعلا عملو تمثال فظيع من الذهب الخالص كان وزنه اكتر من 50 طن وقيمته غير محدوده
لكن للاسف فى قبائل كانت هتهجم عليهم وخافو على التمثال فى راهب اشار بفكره انهم
يغطو التمثال دا بالطين وفعلا جابو اطنان الطين وغطو التمثال وجات القبائل ومشت من غير مات اخد بالها بعدين بقى من 150 سنه اكتشف الصنين التمثال دا وفعلا بداو ينقلوه لمتحف عندهم واثناء النقل وقع منهم واترعبو جدا لان دا قيمه تاريخيه امرهم المدير انهم يسيبوه شويه لغايه ما يترمم بعدين جاه المدير بالليل يشوف التمثال ومعه كشاف نور وجد ان فى انعكاس ضوئى واستغرب جدا لان الطين عمره ما يعمل انعكاس راح جاه مكان الشق اللى اتكسر وبدا يوسع الفتحه وامر العمال بكدا وبعد مرور ساعات كلهم وقفو فى ذهول تام
امام تمثال من الذهب الخاص لا يقدر بثمن
وفعلا اتنقل للمتحف واتكتبت قصته وكتبت تحته حكمه
الطين بداخله ذهب
يعنى المفروض الواحد يدور جواه عن الذهب الحقيقى لان كل انسان ربنا اداله حاجه كبيره بتميزه عن غيره
يارب كلنا كدا نلاقى الدهب اللى جوانا وننفع بيه اسلامنا
منتظره اراءكم
