نجوم مصرية
منتديات نجوم مصرية منتدى التسلية والترفيه منتدى الحب والرومانسية قلوب حائرة



تابع نجوم مصرية على أخبار جوجل




الموضوع ده هيجنني حسوا بيا وساعدوني ارجوكم

 

السلام عليكم
انا داخل المنتدي ده وعاوز اتكلم في موضوع بلنسبالي حياه او موت .... بجد مش عارف اعمل ايه ارجوكم ساعدوني ... وبجد انا مخنوق اوي وكاره الدنيا كلها بس انا داخل هنا عشان افضفض وازيح عن نفسي شويه مع اني عارف عمري ماهستريح
انا بقي شاب عندي 17 سنه في اولي كليه لسه بس وقعت وقعه مش عارف اعمل فيها ايه .. انا منضم لشله معايا في الكليه اولاد وبنات المهم ان كان في 3 بنات اصحابي عرفوني عليهم ... بس انا حبيت واحده منهم وبقيت مش قادر اعيش من غير ماافكر فيها بحلم بيها وانا صاحي ووانا نايم وحبتها اوي اوي اوي وحاسس اني مش هحب غيرها ولا هقدر افكر في غيرها وكان كل هدفي كل منايا اني اكلمها واخد منها رقم تليفونها او ايلمها بس كنت خايف جدا لا ترفض ده ..... بس دايما كنت موضح لها اني معجب بيها وانا فعلا حسيت ان هي كمان معجبه بيا ..... لدرجه ان هي اللي طلبت ايميلي ورقمي عشان حاجه صغيره جدا ... بس خدت رقمي وايميلي وكلمتني اخيرا وكنت اسعد انسان في الدنيا دي كنت حاسس بفرحه كبيره اووووووووووي اووووووي مش هقدر اوصفها ....... واتصلت بيا وكنت فرحان اوي ولما كلمتها قولت لها علي الحاجه الصغيره اللي كانت عوزاني فيها واتكلمنا كتير اوي وقولت لها كلام كتير يحسسها اني معجب بيها واقولها دي احلي حاجه اني عرفتك وكلام من ده يعني علي اساس انها تحس بيا وانا عارف ان هي حبتني او معجبه بيا فكان عندي مشكله بالنسيه لي كانت اكبر مشكله في حياتي ... وكان هم كبير اني اصارحها بحبي واقولها بحبك ........................................... لا بس للاسف بقي اني كنت حكيت لواحد صاحبي عن الموضوع ده بس انا حكيت له عشان حاجه واحده بس انو مايفكرش فيها والحمد لله طلع مش بيفكر فيها بقيت فرحان اكتر واكتر ..... لكن المشكله اللي نكدت عليا حياتي . وخلتني مخنوق اوي وكاره الدنيا ان صاحبي ده راح قال لواحد صاحبي تاني بس للاسف طلع بيحبها هو كمان بس انا متأكد انو عمره مايحبها ادي .. هو ولد بيمشي مع بنات كتير بغرض التسليه واللعب وكده ولو قابل غيرها هيسبها زي غيرها غير كده انها معجبه بيا انا اكتر منه ... بدليل انها طلبت رقمي وايميلي ........ بجد انا غبي اني قولتلهم واللي حصل
بعد كده ان الواد اللي بيقول انو معجب بيها بعتلي رساله مع واحد صاحبي وقالي حاول تناسها وماتنساش اني انا اللي معرفك عليها وانا حبتها من قبلك . .. بس والله ياجماعه الواد ده عمره ماحب ده غرضه التسليه بس اعمل ايه بقي ... بس انا رفضت وقولت الكلام اللي انت بتقوله ده مستحيل وطلعت غبي لتاني مره ........................... .........بس في الاخر اكتشفت ان الموضوع ده الشله كلها وخداه بجد اوي وكلهم معاه عليا بس طبعا حبيبتي ماتعرفش وكل هدفهم اني ماقفش معاهم تاني عشان مااكلماش او اعرف اكلمها .............. وللاسف بقي بتصل بيها ومش بترد عليا عشان هي بتبقي في البيت وكده ومش بتفتح الايميل ......... وانا بقي لا عارف انام ولا افكر ولا حتي اذاكر طول الوقت قاعد بفكر فيها وبفكر اعمل ايه طول الوقت حاطط ايميلها قدامي ومستنيها تفتح عشان اصارحها لكن مش بتفتح وانا خلاص هتجنن بعد لما قابلت الانسانه اللي انا اتمنتها وقلبي ارتاحلها وكان كل منايا ان اصارحها بجبي فجأه الاقي منايا ده اتقلب لوهم وكابوس نكد عليا في حياتي فعلا حراااااااااااااااام ارجوكم حسوا بيا وقولولي اعمل ايه عشان انا كده خلاص
تابع نجوم مصرية على أخبار جوجل


واسف للاطاله بس كان نفسي ماوصلش للحاله دي






المقال "الموضوع ده هيجنني حسوا بيا وساعدوني ارجوكم" نشر بواسطة: بتاريخ:
sadone
بجد انا محتاج حد يساعدني ويقولي اعمل ايه انا حالتي صعبه اوي
sherifer921
انت محسسنى ان الواد ده خلاص بقى هوه المسيطر على بنات الكلية ويقول مين تروح لمين ومين لأ كأن البنت بضاعه
فكك منه يا عم وكلمها وقولها بحبك وخلص نفسك
على الاقل لما تقولها كده حتعرف اذا كانت بتحبك ولا ولأ وفى الحالتين على الاقل حتعرف مصير العلاقة
لو طلعت بتحبك يبقى خلاص الشلة تخبط دماغها فى الحيطه ولو طلعت لأ يبقى بعجر اولى بيها منك
ونصيحه فكك من وجع الدماغ ده كله ومتزعلش منى لو قولتلك ان كل ده حوارات عيال بصراحه ويمكن انا بقول كده لانى عملى شويه وكل وقتى فى شغل ومش فاضى للكلام ده اساسا ومش متخيل ان فيه ناس لسه قاعده على الانترنت للتسلية بس لقيت موضوعك وانا بقلب من بره فقولت ادخل اقولك اللى فيه النصيب
sadone
انت محسسنى ان الواد ده خلاص بقى هوه المسيطر على بنات الكلية ويقول مين تروح لمين ومين لأ كأن البنت بضاعه
فكك منه يا عم وكلمها وقولها بحبك وخلص نفسك
على الاقل لما تقولها كده حتعرف اذا كانت بتحبك ولا ولأ وفى الحالتين على الاقل حتعرف مصير العلاقة
لو طلعت بتحبك يبقى خلاص الشلة تخبط دماغها فى الحيطه ولو طلعت لأ يبقى بعجر اولى بيها منك
ونصيحه فكك من وجع الدماغ ده كله ومتزعلش منى لو قولتلك ان كل ده حوارات عيال بصراحه ويمكن انا بقول كده لانى عملى شويه وكل وقتى فى شغل ومش فاضى للكلام ده اساسا ومش متخيل ان فيه ناس لسه قاعده على الانترنت للتسلية بس لقيت موضوعك وانا بقلب من بره فقولت ادخل اقولك اللى فيه النصيب

بجد متشكر علي اهتمامك ومساعدتك ليا بس المشكله ان بعجر وشلته ماشين معاها علطول ومش بيسيبوا بعض وغير كده ان كلهم عليا يعني لو وقفت معاهم هيبقي شكلي وحش وهيهنوني او يتريأو عليا او يحاولوا يجرحوني وانا مستني اي وقت ماشيه في لوحدها مش لاقي ومستنيها ليل ونهار قدام الايميل ومافيش فايده بجد انا حاسس ان الموضوع خرج من ايدي بس مش قادر انسي ولا عارف اتصرف اذاي وانا مستني بس تفتح الايميل او اشوفها لوحديها هقولها كل حاجه بكل جرأه عشان استريح واريح نفسي
sherifer921
بالظبط استنى اى فرصة وقولها وخلاص وزى ما تيجى تيجى وابقى ركز فى مذاكرتك يا زعيم الامتحانات قربت والبنات مش حتنفعك صدقنى ده كلام طالع من واحد مجرب سقوط سنه ومعرفش قيمة السنه دى غير لما وصل لرابعة
sadone
بالظبط استنى اى فرصة وقولها وخلاص وزى ما تيجى تيجى وابقى ركز فى مذاكرتك يا زعيم الامتحانات قربت والبنات مش حتنفعك صدقنى ده كلام طالع من واحد مجرب سقوط سنه ومعرفش قيمة السنه دى غير لما وصل لرابعة
صحيح ياباشا انا هكلمها واللي يحصل يحصل وبجد انا بحبها اووووووووووووووي
no one like me
انا شايفه ان لو دهـ صاحبك بجد يبقى تفككـ من البنت دي وتكسب صاحبك
ولو هي وافقت على صاحبك يبقى ماكنتش بتحبك ولا حاجه
والمذاكرهـ دلوقتي اهم من اي حاجه
ربنا يوفقكـ ,, تحياتي ..
sadone
اولا ده مش صاحبي بجد والواد ده انا مش بطيقه وبجد انا مستعد اخسر صحابي كلهم عشانها عشان دول مش اصحاب بجد بس انا خلاص كلمتها واخيرا فتحت الميل وكلمتها في كل حاجه بس تلميحات كده علي خفيف وكنت لسه هقولها لقيتها قفلت عشان امها دخلت عليها ومستنيها بقي تاني النهارده ادعولي
monsh
[size="5"]بص انت تروح وتقولها انك بتحبه وتقولها على كل الحكايه[عشان نتعرف منك احسن متعرف من غيرك ولو بتحبك يبقى سيبك من الشله/size]
medomatrix
اخي الفاضل مشاعر الحب هي شئ جميل و رائع ...

و لكنها تحتاج في العديد من الآوقات الي شئ من العقل

و الحزم

دون إطالة أخي أري أن تقوم فورآ بمصارحة البنت بمشاعرك بأي وسيلة

حتي و إن كان ذلك عن طريق احدي صديقاتها

و لاتضع في تفكيرك اي شخص آخر

أنت الآن تحتاج لمعرفة مشاعرها ناحيتك

و ان كنت أري ان الحب في المقام الأول

إهتمام


فلو أحبتك


سوف تهتم

و تحاول الإقتراب منك

و ليس العكس كما أري


و حكاية الإيميل و التليفون ليست دليلآ علي الإطلاق

علي الحب

أو الإهتمام


ربما كانت في حاجه اليك في وقت ما


قم بانهاء الموضوع و حسم امرك في اقرب فرصة


فمستقبلك أهم بكثير

و دائمآ ابحث عمن يحبك و يبادلك نفس الشعور

و ليس العكس


فالحب من طرف واحد

انتحار بطئ


وفقك الله لما فيه الخير لك


تحياتي
sadone
تمام اوي يا جماعه انا قولتلها بحبك ... وهي ردت عليا وقالت لي انا ماعنديش مانع خالص لما اخلص اتجوز علطول بس انت لسه قدامك المشوار طويل قولتلها مانا كمان هخلص علطول وممكن يحصل نصيب بيني وبينك بس نقرب من بعض اكتر وهي قالت لي خلص دراستك وشقتك قولتلها بسيطه قالت لي باي وبعديها بيوم اتصلت بيا وبرده بتسألني علي نفس الحاجه الصغيره اللي كانت بتسألني عليها من الاول وانا قولتلها عليها وكل يوم بتصل بيها وهي بتتصل بيا وبنتكلم في كل حاجه لكن لما اجيبلها سيره الموضوع ده تقولي معرفش .. ودايما بتتكلم معايا بكسوف كده وهي خايفه ده يبقي معناه ايه.؟؟
أميرة الورد
مش شايف انك صغير قوي على الحب الي انت بتوصفو ؟

انت 17 سنة ممكن يكون اول حب ليك اصلا وحب مراهقة وفاكر انو حقيقي

لان الحب في وقتو بنشوفو حقيقي بس لمكا بنصح بعدين بنلاقيه غير كدة

اتوكل على الله وقولها علشان تنتبه لمذاكرتك ولو رفضتك متقعد ترثي الاطلال وتقول خانت ومش خانت

احرق ورقتها وبص لمذاكرتك لانك لما هتفوق هتلاقي نفسك فات الاوان ودة كان كلو كلام

ربنا يوفقك يارب
ابراهيم الحجايا
مش شايف انك صغير قوي على الحب الي انت بتوصفو ؟

انت 17 سنة ممكن يكون اول حب ليك اصلا وحب مراهقة وفاكر انو حقيقي

لان الحب في وقتو بنشوفو حقيقي بس لمكا بنصح بعدين بنلاقيه غير كدة

اتوكل على الله وقولها علشان تنتبه لمذاكرتك ولو رفضتك متقعد ترثي الاطلال وتقول خانت ومش خانت

احرق ورقتها وبص لمذاكرتك لانك لما هتفوق هتلاقي نفسك فات الاوان ودة كان كلو كلام

ربنا يوفقك يارب


كلام جميل كلام منطق ان نجعل العقل هو المسيطر في هذا العمر لشاب مراهق

شوف ظروفك وظروف اهلك وكيف يصرفوا عليك بالجامعه من اجل الشهاده ولا

بعثوك الجامعه تحب وخلاص

كلام مس كروانه هو العقل بجد الله يكملها بعقلها
sadone




كلام جميل كلام منطق ان نجعل العقل هو المسيطر في هذا العمر لشاب مراهق

شوف ظروفك وظروف اهلك وكيف يصرفوا عليك بالجامعه من اجل الشهاده ولا

بعثوك الجامعه تحب وخلاص

كلام مس كروانه هو العقل بجد الله يكملها بعقلها
مش شايف انك صغير قوي على الحب الي انت بتوصفو ؟

انت 17 سنة ممكن يكون اول حب ليك اصلا وحب مراهقة وفاكر انو حقيقي

لان الحب في وقتو بنشوفو حقيقي بس لمكا بنصح بعدين بنلاقيه غير كدة

اتوكل على الله وقولها علشان تنتبه لمذاكرتك ولو رفضتك متقعد ترثي الاطلال وتقول خانت ومش خانت

احرق ورقتها وبص لمذاكرتك لانك لما هتفوق هتلاقي نفسك فات الاوان ودة كان كلو كلام

ربنا يوفقك يارب
شكرا علي وجهه نظركم بس احب اطمنكم انا اتأكدت ان هي بتحبني برساله بعتتهالي وبعديها قولت لها بحبك وهي قالت لي وانا كمان . وخلاص انا انتبهت لمذاكرتي وكل حاجه بقت تمام لدعولي ان ربنا يوفقنا في الحب والمذاكره وبجد شكرا لكل اللي شارك في الموضوع ده واداني نصيحه عشان بجد انتو ساعدتوني وبعدين اللي بيحب بيعرف معني الحب مش بالسن miss.karawana
وبعدين دي مش اول حب في حياتي بس ده احلي حب في حياتي
reemhmam
مش شايف انك صغير قوي على الحب الي انت بتوصفو ؟

انت 17 سنة ممكن يكون اول حب ليك اصلا وحب مراهقة وفاكر انو حقيقي

لان الحب في وقتو بنشوفو حقيقي بس لمكا بنصح بعدين بنلاقيه غير كدة

اتوكل على الله وقولها علشان تنتبه لمذاكرتك ولو رفضتك متقعد ترثي الاطلال وتقول خانت ومش خانت

احرق ورقتها وبص لمذاكرتك لانك لما هتفوق هتلاقي نفسك فات الاوان ودة كان كلو كلام

ربنا يوفقك يارب
وانا اوؤيد نصيحة الاخت كروانه شوف مستقبلك انت على وش امتحانات
اخى الصغير فى مثل سنك وبابا وماما قلقلين عليه وليل ونهار كلنا ندعوا له بالنجاح والتوفيق
ولو عرفنا فى يوم انه بيحب حنقطعه ونقطع البنت اللى بيحبها
فوق شوية من الوهم ده بكرة لما تكبر تقعد تقراء اللى انت كاتبه ده وتضحك عليه كمان
وتشكر لنا النصيحة
انا عارفة ردك عليه مسبقا حتقول علينا اننا معندش قلب واحنا مش حاسين ولا عارفين ولامقدرين مشاعرك لكن ابدا احنا عارفين ومقدرين مشاعرك بس خايفين عليك اكتر من نفسك ذاكر
وانجح وتفوق وانهى دراستك والبنت دى لو من نصيبك مافيش حد حيقدر ياخدها منك
ولكن لو غير ذاللك تبقى فى خير فى واحدة تانية تقسم للك ويكون لك منها البنين والحفدة
وربنا يهديدك على الخير
سامح يسرى مطاوع
اخى انا عارف ان كلماتى هاتكون قاسيه عليك
لكن اعتبرها من اخ كبير او صديق اكبر منك
مرحله الجامعه هاتعدى وهاتفوت وكل يوم هاتشوف بنت جديده
عاوز اسالك سؤال ازاى تخلى البنات هما اللى يفكروا فيك ويتمنوا انهم بس يكلموك
بدل مانت اللى تعمل كده
الجواب انك تجتهد فى دراستك وتكون مميز جدا وتحاول تشغل وقت فراغك باى وسيله مربحه لكى تؤمن مستقبلك
وساعتها صدقنى والله والله اى حد هايتمنى يكلمك حتى انا :d
الموضوع عاوز شويه جهد منك
اعمل الصح والتزم وصلى واعرف ربك شويه وانت الناس كلها هاتكون تحت طوعك
وساعات ماتنوى محدش من اهلها هايتعوج عليك ويقولك انت ليسه بدرى عليك والكلام اللى يزعل ده
انا كنت معدى قلت ارمى البوقين الحمضانين دول
عارف انهم ولا هايودوا ولا يجيبو لانى عاصرت مرحلتك
بس ايامى مكنش فيه النت متوفر زى الان
دومت كما تحب
بحر الدموووع
جميييييييييييييييييييييل اوى
حلو انكم اعترفتم لبعض وارتحت
على فكره انا قريت الموضوع كله من اوله لاخره يعنى ملحقتش اساعدك هههههههههه
ربنا يوفقك انشاء الله
وادعيلى انا بقا انى القى حل لمشكلتى هههههه بجد عقبالى انا كمان ههههههه
ربنا معاك بااااى
مرهفة الحس
بص انا مش هقولك انك في مرحلة مراهقه وانه حب مش حقيقي
وانها فتره وهتعدي لأنه الحب مش بالسن زي مابتقول بس
خلي بالك قرار ارتباط من دلوقتي ده هيأثر عليك الفتره اللي جايه من حياتك
سواء في مذاكره ولا بعد التخرج لو عندك جيش ولا هتشتغل يعني ماتنساش
انك 17 سنه ولسه وراك المشوار طووويل خلي بالك من كده يعني
بس هقولك على حاجه انت لو فعلاً عايز ربنا يكرمك معاها خد بالك من اي كلام
واي تصرفات تحصل بينكم لأنك ماتنساش انها اجنبيه عندك وحرام اي كلام حب
يتقال بينكم راعي ربنا فيها وحط ربنا قدام عنيك
خلي العلاقه محدوده اوي بينكم يعني يكفي انك تكون مطمن انها بخير وبس
طبعاً هتقولي ازاي ده انا بحبها وهي بتحبني ازاي مانتكلمش على النت او الموبايل
ونقول كلام حب امال مرتبطين ازاي
بس انا مش عارفه ليه اختلف مفهوم الارتباط عند الناس يعني اللي انا اعرفه خطوبه
وبعدين جواز قبل كده بصراحه المفروض مايعترفش بيه
قرب من ربنا وركز في الدراسه وان شاء الله ربنا هيقدملك اللي فيه الخير
مرهفة الحس
مشاركه مكرره
منى الشافعى
انا شكلى جايه متأخرة والا ايـــه؟ ع العموم انا هقولك رايى وخلالالالالاص
شوف يا عم بعد اربع سنين وقبل اربع سنين كمان هفتكر اللى بقولهولك دااااااا
البنت دى هتسيبك عارف ليه اى بنت تقولك بعد اربع سنين لسه جيش ويدور ع شغل وحاجات حتى لو دا كله اتحل هتقولك اى سبب تانى او تلاقى حد احسن منك او اغنا منك وهتقولك مع السلامه
بلاش تمشى ورا عواطفك قوى كده ولازم تتأكد انها ممكن تبيع الدنيا علشانك وهتستناك انشاله العمر كله ودا مش بالكلام لام تختبرها حاجات كتيرة
ودى نصيحة من اخت لانى ولا اعرفك ولا اعرفها عشان كده بفكر بعقلى ولما تتأكد انها بتحبك بجد ومش كلام وممكن تستحمل اى حاجة فالدنيا علشانك حبها لانها بكده تستاهل حبك وركز مزاكرتك لانها اهم حاجة فالدنيا كل حاجة بتخلص وما بيفضلش غير الندم لو خسرت كليتك بسبب اى حاجة ....
spring rose
انا شايفه انى جيت متاخر
بجد كل اللى فى النتدى هنا كلامهم صح وياريت تحط الكلام ده قدام عينك
ده بالاضافه انه فى حاجه كمان انت وهى فى سن بعض ومش ينفع يكون فى علاقه بينك وبين واحده فى سنك لاسباب كتير منها ان انت لسه قدامك مشوااااار طويل جدا على ما تخلص كليه وجيش وتبدا بقى تكون نفسك وشقتك والخ الخ صعب ان اهل البنت يستنوا ده كله مع انها ساعات بتحصل بس قليل غير كده بجد صدقنى نسبه كبيره جدا من علاقات السن ده بتفشل
غير كده علماء النفس قالوا ان مع الوقت عقل المراه بيكون اكبر من عقل الرجل وبيحس انها اكبر منه وهو بيكون فى نظرها زى الطفل الصغير
من الاخر انت لسه صغير مش تشغل بالك بالحاجات دى من دلوقتى على الاقل اثبت نفسك فى كليتك الاول وبعدين ابقى فكر فى الارتباط
اسفه لو اسلوبى هيزعلك
تقبل مرورى
hamedahmed
هو الواد ده واخد توكيل البنات الى عندك فى الكلية ولاايه
ياعم وحد الله كده انت لسه صغير على الوش ده
امال لما تكبر شوية هتعمل ايه
كلنا وحياتك كنا بنحس بالمشاعر دى مع اى بنت كنا بنقابلها
ولكن لما اتخرجنا الفكر اتغير والوضع اتطوار
ركز فى دراستك يابوب وربنا معاك
فى الاخر البنت دى مش هتتجوز الا الجاهز
يعنى لو فعلا بتفكر فيها ذاكر وحاول تتفوق فى حياتك
Mr-kudo
انا قريت الموضوع كله ...~
وشوفت ردودك كلها وردود الناس كلها ..~

بس اللى انا استغربت منه .. ان هى قالتلك انا اول ما اخلص هتجوز علطول ...~
وبرضه لما قالت خلص دراستك وشقتك ..؟
انت مفهمتش معنى الكلام ده ....؟


احب اقولك انها مش بتفكر فى الحب الافلاطونى اللى انت ماشى بيه ده ولا العواطف اللى انت بتفكر بيها
هى بتفكر بعقلها وان هى مش هتستناك
كلامها معناه ان هى هتقضى سنين الجامعه معاك وشكرا ..~ كل واحد وفى حاله
اذا متخطبتش كمان ...~

انا مش هقولك غير ربنا يوفقك
sadone
بصراحه انا مش عارفه اقولكم ايه بجد انتو بتقولوا اراء كويسه بس احب اقولكم ان انا واحده متجوزه وعندي اولاد والفت الموضوع ده للتسليه مش اكتر بجد شكرا ع الردود بس انا اتخيلت قصه حب لشاب وبنت وكتبت عنه وبشوف راي الناس فيه بس بجد انا اسفه انا عارفه ان المشاركه دي ممكن تضايق ناس كتير بس بجد انا اسفه جدا تقبلوا اسفي
Mr-kudo
بصراحه انا مش عارفه اقولكم ايه بجد انتو بتقولوا اراء كويسه بس احب اقولكم ان انا واحده متجوزه وعندي اولاد والفت الموضوع ده للتسليه مش اكتر بجد شكرا ع الردود بس انا اتخيلت قصه حب لشاب وبنت وكتبت عنه وبشوف راي الناس فيه بس بجد انا اسفه انا عارفه ان المشاركه دي ممكن تضايق ناس كتير بس بجد انا اسفه جدا تقبلوا اسفي
No comment ..~
د.شعنونه
ربنا يوفقك بس حافظ عليها ومتعملوش حاجه حرام
بنت مصرية جدا
حل الموضوع دة حلة في كلمتين انت تصراحة بالحقيقة انك بتحبها وتقولها علي اللعبة الي الولاد دول هيعملوها فيها هي صاحبة اصدار القرار وصدقني لو بتحبك مش هتعبر الولد دة بس انت و بتحبها بجد متسبهاش تقع في ايد الولد دة
بنت مصرية جدا
هههههههههههههههههههههههه
انا كتبت مش شوفت ر دك الاخير ههههههههههههههههه بس عادي مفيش مشكلة
بيسو الصعيدى
السلام عليكم: اخى العزيز لو انت بتحب البنت دى خليك معاها ديما واحميها من اى خطر لو حياتك قصاد حيااته الافصل انها تعيش هى لو هى فعلا بتحبك وخليك راجل كدا ومتبقاش فافى وتخاف من عبد زيك زايوا هو فى ايد انت ربنا اعطك ايد مثله ومن الاخر لو انا مكانك كان زمان اصحابك دول بنقول عليهم ربنا يرحمهم او عليهم رحمه ربنا الوسعه او زمانه بنقرا عليهم الفاتحه تحياتى لمن دمرت حياتى اخوك احمد من الاقصر



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
بعدما شوفنا الموضوع ده بالشقلوب تعالوا نشوف الموضوع الحقيقى
كوفى كودجا: الجزائريون المنفلتين سلوكيا هددونى بالقتل
جوجل أدسنس هيجننى

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية