نجوم مصرية
منتديات نجوم مصرية المنتدى العام منتدى الحوار العام مجلة المنتدى



سر مقولة " عند أم ترتر "

 

نفوسه الشهيره ب "أم ترتر" كانت ساكنه فى حوارى كرموز ومعروف عنها أنها لامؤاخذه ست لسانها طويل ومفتريه وفى فرش الملاية مالهاش مثيل وماشيه على مبدأ فى الحارة: "الشرشوحه ست جيرانها" ..





أم ترتر مخلفتش ترتر عندها اسماعيل وابراهيم ونبويه ترتر اسم شهره لأنها كانت عايقه بتلبس جلاليب ومنديل بترتر عشان كدا سموها أم ترتر وجوزها المعلم علوان أبو اسماعيل "عربجى حنطور "..
أم ترتر كانت ست بيت شاطرة ساكنه فى بيت دور واحد منه بيت وعربخانه لحصان وعربيه المعلم علوان والبيوت اللى حواليها دورين وثلاته وعامله فوق السطح مزرعة فراخ وبط وكلهم "برابر " مافيش ولا ديك ولا دكر بط .. و سايباهم سارحين ع السطح يلاغو فى ديوك ودكورة بط الجيران وزى ما قالوا "ومن الحب ما قتل حتى فى الفراخ والبط" ديوك الجيران كانت تنط على سطح أم ترتر عشان تكسر الفراخ الديك اللى ينط أو دكر البط على سطح أم ترتر مفقود ياولدى وعلى طول يبقى اجدع عشوة للمعلم علوان!! وكانت خبرة فى اخفاء اثر الديك من ريش وخلافه واللى كان يضيع لها ديك وتسأل الجيران يردوا عليها بصوت واطى "عند أم ترتر ربنا يعوض عليكى" عشان أم ترتر لو سمعت تخلى فرده الشبشب اعلى منهم مش بقولكوا كانت مفتريه كانت ريا وسكينه الفراخ ..
■وطلع المثل الشعبى "عند أم ترتر" يدل على أستحاله أنك تلاقى اللى بتدور عليه رغم أنك عارف ومتأكد مين اللى خده ...!!!!
يا تري أنت تعرف كام "أم ترتر" ؟!!! 😂








المقال "سر مقولة " عند أم ترتر "" نشر بواسطة: Google Plus   بتاريخ:



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
ثتعرف على سر مقولة النساء اولا " ladies first " ومتى قيلة لاول مره فى التاريخ
اليكم بالصور حكاية سيد حجاب صاحب مقولة"بقولك ايام سوده" والتى انتشرت بشده على الفيس بوك ـ مع كوميكس مقولة سيد حجاب
صورة مظهر ابوالنجا " صاحب مقولة يا حلاوة " مع حفيدته " البكبوظة "
سيد معوض:لم أعتدى على حناشي-وينطبق علية مقولة "إذا أكرمت اللئيم تمردا"
قناة دريم تحيل "مصطفى عبده" للتحقيق لتجاوزه فى حق الجزائريين بالقول عليهم بربر


Powered by vBulletin Version 3.8.8
Copyright ©2000 - 2018, Jelsoft Enterprises Ltd
جميع الحقوق محفوظة © nmisr.com نجوم مصرية