نجوم مصرية
منتديات نجوم مصرية المنتدى الطبي والعيادة منتدى الطب البشري



ببساطة تعرف على عملية المياه البيضاء في العين

 

المياة البيضاء...
*يعني إيه مياة بيضاء...🤔
جوه كل عين فيه عدسة بتجمع الضوء داخل العين
العدسة دي زي كريستالة النجف
شفافة النور بيدخل فيها ويعدي متركز في نقطة واحده على الشبكية
**طيب لو مر الزمن والكريستالة بهتت وبقت مش شفافة أو بالبلدي كده جيرت
بنعمل إيه؟؟!!😁
بنغيرها ونجيب واحده مكانها..
**دا بالظبط اللي بيحصل لعين البني آدم مننا 🙄
عدسة العين بتجير وعليه كل ما بيدخل النور العين بيقابل الحتة المجيرة دي
ممكن تكون كبيرة فتقفل الدنيا أدامنا وميعديش النور ومش نشوف كويس
ووممكن تكون حته صغير عاملة خيالة ثابته فنمشي الدنيا بنضارة ...
***بتحصل ليه🤔🤔
أسباب كتيره ممكن تكون من يوم ولادتك فيك وممكن تتخبط في عينك فتحصل وممكن يكون عندك السكر أو بتلبس نضارة قعر كوباية
****طب حلها إيه 😀
بص ياسيدي قولنا في الاول إنها ممكن تكون حاجة صغيرة فنمشي الدنيا بنضارة تزود قوه اللي داخله العين ...
طب لو النضارة مش نافعة... يبقى عليك والعملية
*****طب والقطرة والعلاج🤣🤣
حبيبي قولنا في الأول دي زي الكريستالة جيرت
ينفع الكريستاله تحط عليها زيت مثلا فترجع تبرق تاني ...طبعا لا
أهي العدسة كده ..
عدسة المفروض انها شفافة بقت معتمة ومجيرة ..هل فيه قطرة هتدخل العين فتنضف مثلا أو تصنفرها
**طب العملية اسمها إيه😊
نيجي كده للمفيد
المياة البيضا بتتعمل بنوعين عمليات معروف يا إما بنفتح فتحة في العين نطلع منها العدسة ونزرع مكانها عدسة صناعية





يا إما ندخل من فتحه صغيرة نفتت العدسة وهيا جوة العين ونشفط الفتافيت دي ونزرع مكانها عدسة رخوه مضغوطه اول ما تدخل العين تفرد وتفرش مكان القديمة ودي الأشهر وبتتسمى بالفاكو.








المقال "ببساطة تعرف على عملية المياه البيضاء في العين" نشر بواسطة: Google Plus   بتاريخ:



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
عاجل-شركة المياه تعلن الان عن قطع المياة عن اربع مناطق لمدة 10 ساعات...تعرف عليها مواعيد فصل المياه واعرف التفاصيل؟؟
علاج المياه البيضاء في العين في سورة يوسف
هام جدا اعلنت شركه المياه انها ستقوم بقطع المياه لمده 12 ساعه.تعرف علي المناطق التى سينقطع فيها المياه واوقات انقطاعها؟
إعجاز علمي واختراع لمعالجة المياه البيضاء من سورة يوسف
عملية المياه البيضاء - الكاتراكت


Powered by vBulletin Version 3.8.8
Copyright ©2000 - 2018, Jelsoft Enterprises Ltd
جميع الحقوق محفوظة © nmisr.com نجوم مصرية