نجوم مصرية
منتديات نجوم مصرية منتدى التسلية والترفيه نكت مصرية



نكت مصريه 2017 مضحكه جدا جدا جدا

 

مرحبا اعضاء نجوم مصر انا النهارده جيبلكم شويه نكت علي الفرازه نكت مصريه جميله اوي و كلها مختاره بدقه عشان تضحكم و تفرحو يلا بقي نخش علي النكت بس استنو اما اخبط يمكن تكون في نكته كاشفه رسها ولا حاجه اصل الامر ميسلمش احنا بردو اصحاب اصول يعني خلي بالك انت و هو و انت داخل "شيلو الميتين الي هنا" اكيد كلكم فكرين الجمله ده من مسرحيه رايه و سكينه الله يمسيهم كلهم بخير نخرج من المسرحيات نخش علي مسرحيه نجوم مصر انا بهرج معاكم احنا هنخش دلوقتي علي نكت مصريه
مرة واحد غبى ماشى فى الشارع لقى قرد مشي بيه قابل عسكرى مرور سألوا اودى القرد ده فين العسكرى قال له ودىه جنينة الحيوان تانى يوم معدى بالقرد العسكرى قال له مش قلتلك وديه جنينة الحيوان قال له ما أنا وديته امبارح ، النهاردة بقى هاوديه السينما
مرة واحد مسطول قاعد يفكر مع نفسه ويقول "جمبرى فى الطبق؟ لا لا ارنب فى الجردل؟ برضه لا مش دى استكوزا فى البانيو؟ يوووة برضه مش دى، انا هتصل اعرف من الدكتور احسن." راح اتصل بيه وساله "يا دكتور انا عندى ايه؟" قال له "انا قولت لك ميت مرة انت عندك سرطان فى الحوض( بعد الشر علي كل المستمعين)
واحد غبي جاله عقد عمل فى الكويت، يوم السفر قاعد فى المطار فالمذيع الداخلى بيقول : "على ركاب الرحله 770 المتوجهه الى الكويت التواجد بصاله الدخول"، "النداء الاخير لركاب الرحله 770 المتوجهه الى الكويت التواجد بصاله الدخول." فموظف المطار بيقوله "رحله الكويت هتطلع يا أستاذ" ، فيرد عليه ويقوله : "يا عم دول طالعين رحله .. انا طالع شغل."
مرة واحد قابل واحد اخنف فسالة قالة "انت بتشتغل اية؟" فرد علية الاخنف وقالة "فننان" قالة "يعنى بتغنى" فرد الاخنف "فننان" قالة الراجل "يعنى اية بتمثل؟" يعنى فرد الاخنف قالة "لا فننان يعنى بحت العيش فى الفن
واحد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه.... فبص لهم وقال: ياجزم كنت هتخنق
مدرس بيقول للتلاميذ اكتبوا ورايا ذهب محمد الي مصيف بلطيم يوم الاربعاء فطالب سأله لو سمحت يا استاذ هي الهمزة علي السطر ولا علي ألف، سكت المدرس شوية وبعدين قاله خلاص خليها الخميس

نكت مصريه


نكت مصريه مضحكه جدا 2017 اخر حاجه مضحكه خش افرح و اضحك معانا باخر نكت مصريه 2017 يلا نخش نضحك مع بعض محدش واخد منها حاجه كله يدخل يلا عشان تفرح كلنا هنضحك بأذن الله علي احلي نكات موجوده في مصر و الدول المجاوره

مرة أغبية سافرو امريكا واحد منهم رجع والتانى مرجعش... فواحد سألة فين صاحبك؟؟؟ قال له ده اول ما راح هناك اتجنن من ناحكات السحاب وطلع عمارة 500 دور ... ورمى نفسة من الدور ال 500 ونزل فى 3 ايام ..... قال له ومات ؟؟؟؟ قال له انت عايزه ينزل فى 3 ايام من غير اكل و مايموتش
مره واحد غبي ماسك ثلجه ساعتين فاصاحبه بيقوله انتا ماسك الثلجه بقالك كتير قال له نفسى اعرف هى بتخر منين
واحد غبي فتح محل غاز..وعلشان يعمل دعاية للمحل راح مفجر انبوبه
واحد غبي ساكن فى الدور التاسع وتحتيه بقال كل شويه الراجل صاحب البقاله ينده عليه ويقول له تليفون ليك وكل شويه الراجل يفضل يطلع وينزل يرد على التليفونات واحد صاحبه شافه فقال له ما تشتريلك موبايل احسن اام الراجل اشترى الموبيل واده للبقال وقال له اى حد يتصل بيه اندهلى
واحد غبي عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... أخونا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...كبس عليه النوم … قـام جري غـسـل وشه ورجــع للـسـريـر يـكـمـل الـعـد
مرة بنت قالت لامها : هو السمك بياكل السردين؟ قالت ا يوة قالت لها : ازاي بيفتح العلبة؟؟
مره واحد سايق عربيه شاف يافطه مكتوب عليها ( خفف 60 ك) راح مخفف 60 ك لقى يافطه تانيه مكتوب عليها (خفف 40 ك) راح مخفف40ك لقى يافطه مكتوب عليها "اهلا بكم في مدينه خفف
مرة تلميذ بيسأل الأستاذ بيقول له:هو ممكن يعاقب الإنسان على حاجة معملهاش؟
قال له:لا طبعا . ففرح التلميذ اوى و قال له خلاص انا معملتش الواجب
واحد راح لطبيب نفسانى وقاله "مشكلتى يادكتور انى باحس ان الناس كلها مش طايقانى ومخنوقين منى" الدكتور للممرضة "بسرعة المريض اللى بعده
إتنين أغبية إشتروا حصانين وعاوزين يفرقوهم عن بعض راح الأولاني قطع ديل حصانه وقال لزميله أنت حصانك ديله مش مقطوع قاله لا مش باينه، راح شوية ورجع راح قاطع رجل حصان زميله وقال له حصانك رجله مقطوعة قال له لا مش باينه، راح قاطع راس حصانه ورجع قاله حصانك راسه مش مقطوعة قاله بيتهيألي أوضح حاجه إن حصانك بني وحصاني أبيض

نكت 2017


نكت 2017 مضحكه جدا و كلها جديده عشان نضحك لحد الموت عشان انتم تستهلو تعبنا و جمعنا النكت كلها المضحكه في موضوع واحد و سمناها نكت مصريه 2017 مضحكه جدا جدا جدا يلا نخش و نتفرج و نستمتع مع بعض اوي
واحد ندل قعد يتحايل على حبيبته علشان تخرج معاه لمده سنه ولما وافقت راح قال لابوها
مرة حلاق بيعلم ابنه الحلاقة فدخل زبون المحل يحلق دقنه فقال لابنه "لو جرحت الراجل هاضربك" بدأ الابن فى الحلاقة فجرح الراجل فجاء الاب ليعطيه بالكف فابعد الابن نفسه فضرب الزبون، ثم اكمل الابن فجرح الرجل مرة اخرى وتكرر نفس الموقف، ثم جاءت المرة الثالثة وجرح الرجل فقال للولد "اسرع وخبا الجرح قبل ان يراه ابوك
"
مره واحد راح السرك وقرر انه يعمل حاجه مختلفه راح جاب نمله وقعد يدربها10 سنين علشان تقف على رجل واحده فراح رايح لولد صغير فى الشارع وقاله بص يا حبيبى النمله دى بتقف على رجل واحده فراح الولد مسك النمله وفعصها وقاله ايه ده يا عمو دى نمله فقرر انه يعيد التجربه وقال عيال صغيره ايه انا هاروح لولد كبير جاب نمله تانى ودربها 10 سنين وراح لواحد كبير فى الشارع وقاله بص النمله دى بتقف على رجل واحده فمسك النمله وفعصها وقاله ايه ده يا عمو انا مش قولتيلك من 10 سنين ان دى نمله





واحد رخم دخل أحد المطاعم وطلب صحن فول، وبعدما أنتهي من آكله سأل الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج ال13 قرش ورماها على الارض.. وتكرر المشهد 3 أيام متتالية. وفي اليوم الرابع دخل المطعم وما معاه صرافة فاعطى الجرسون ربع جنيه(25) قرش وقال له واحد فول، طبعا الجرسون حب ينتقم منه فاحضر الباقي(12)قرش ورماهم على الارض وقال له خذ الباقي، فاخرج الرخم قرش من جيبه ورماه فوق ال( 12) قرش وقال للجرسون كمان واحد فول
في سنة كنا بنروح البحر كتير يمكن كل اسبوع تقريبا بس مكناش في مصر و البلد اللى كنت فيها الدبابير زى الذباب في مصر و كنت قاعدة سرحانة في البحر و مش في الدنيا فجأة لقيت دبور جه منين الله اعلم و انا بترعب من حاجة اسمها حشرات فضلت اجرى و انا سامعة زن الدبور ورايا اجرى اجرى قعدت اجري ربع ساعة بحالها و هو مش عايز يسيبني كأنه حالف انه ييجي و رايا و في الاخر بعد ما كل الموجودين اعدوا يضحكوا علية اكتشفت ان الدبور مشي من زمان و ان صوت الزن ده صوت اجراس صغيرة في التوكة بتاعتى








المقال "نكت مصريه 2017 مضحكه جدا جدا جدا" نشر بواسطة: بتاريخ:
نكت-حشيشا
نكت جديده كمان عشان عيون النجوم مصريه
مرة 3 تلاميذ اتأخروا عن الحصة الاولى ، و لما وصلوا المدرسة قالتلهم انتوا كنتو فين؟ الأول قال أنا ضاع منى الخاتم بتاعى، الثانى قال وأنا كنت بدور معاه، فسألت الثالث وأنت كنت فين؟ قلها كنت دايس عليه!!
واحد واقف امام محل عصير ومعهوش غير 25قرش قال اشرب عصير ولا اركب الاوتوبيس لو ركبت الاوتوبيس يا هقف يا هقعد، لو وقفت مش مشكله لو قعدت هقعد جنب راجل او ست، لو ,راجل مش مشكله لوست يا هتبقي حلوه او وحشه، لو وحشه مش مشكله لوحلوه هطلبها للجواز، لو رفضت مش مشكله لو وافقت هدفع لها مهر وشبكه وهتخلف عيال ياخدو فلوسي ويطلعو عيني، وعلي ايه مشرب عصير احسن.
واحد حرامى والتانى ندل فالندل بيقول للحرامى علمنى السرقة فسرق محفظة واحد وقالوا اهوة علمنى انت باة الندالة، راح جه مسكوا وقال حرامى
واحد في الإمتحان مش عارف يحل والإمتحان كله صح و غلط ، راح مطلع بريزه ولعب ملك وكتابة على اإمتحان خلص الإمتحان في نص ساعة ،طلع البريزة تاني ليييييييييييييييييييييه؟؟؟؟؟؟؟؟؟ علشان يراجع هاهاهاهاها
واحد غبي معاه 150 جنيه. قاعد يقسمهم ويقول 50 جنيه للسكن، 50 جنيه للأكل، و50 جنيه للبانجو. الباب خبط. مين. افتح بوليس. راح مقطع الخمسين جنيه بتاعة البانجو
مره 2 فشارين بيفشروا على بعض الاول قالله انا كنت فى الغابه وجالى اسد شافنى اتخض ام ميت قالله يا خرابى وانا كنت فى الصحراء جالى تعبان جريت منه ورا الباب الاول ام قايله مفيش باب فى الصحراء وبعدين قالله استخبيت فوق الشجره قاله مفيش شجر فى الصحره التانى قالله عاجبك كده اهو كلنى



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
نكت مصريه مضحكه جدا جدا تموت من الضحك جديده 2013 نكت مصريه
نكت مصريه 2013 - نكت مصريه مضحكه جدا نكت
نكت مصريه - نكت جديده مصريه تموت من الضحك مضحكه جدا
نكت مصريه - كل نكته مصريه هنا مضحكه جدا
نكت مصريه - نكت مصريه مضحكه جدا خش اضحك


Powered by vBulletin Version 3.8.8
Copyright ©2000 - 2018, Jelsoft Enterprises Ltd
جميع الحقوق محفوظة © nmisr.com نجوم مصرية