نجوم مصرية
منتديات نجوم مصرية منتدى المواهب منتدى موهوبين الادب والشعر



راجل شهم

 

راجل شهم
كان فى بلدنا راجل شحط
قوى البنية على كتفه
أردب غلة يتحط
يرفعه شحط محط
ولا عنده سكر و لا ضغط
وعيبه الوحيد
كان فى اليوم بيشرب أربع سجاير فرط
كان مثال للمفهومية
بالرغم يدوب كان بيفك الخط
فكان مثال للظبط و الربط
يروح غيطه
عند شروق الشمس بالضبط
رهوان فى الشغل لحد الغروب
لايتعب ولا على الأرض يتبط
عمره ما راح فى نوم و لا غط
ولما يشوف الظلام حط
يروح على بيته
وينزل فى المشلتت والعسل لهط
ويحب بالذات أكل البط
لاعنده وقت للمضغ واللت
يزلط الأكل زلط
بعرق جبينه يكسب قوته
ماعمره شرفه إتلط
مره فى الرياح القبلى نط
عرضه أكبر من المناش
وعبر من الشط للشط
ولكن عمره ما نزل ملط
كان بيبلس سروال
له أستك لما يشده يتمط
لما نوى يتأهل راح خطب
وأخد فى مشواره من أقاربه رهط
أهلها قالولوه
أهلاً بالرجل الشهم الشحط
بنتنا ليك بدون قيد و لا شرط
إحنا بنشترى راجل
كلامه بلسم على الجرح يتحط





قالهم دا : عين العقل
إنتو كدة
حطيتوا المقام تحت البسط
وبعده مش هأنطق بكلمة قط
*****
السيد عبد الكريم أحمد
28 / 5 / 2016








المقال "راجل شهم" نشر بواسطة: بتاريخ:



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
الداعيه محمود شعبان صاحب مقوله " انا عايز راجل .. هاتولى راجل " يفتى بجواز اغتـيالـ البرادعى وصباحى وشاهد رد البرادعى
أنزل يا مصري.. وياللى يا مصري وخليك راجل.. الطنطاوي راحل راحل
بالفيديو :: عمرو أديب و حكاية أنته من رجالة مين + ن أنته يبقى لك راجل + أنا عايز أبقى راجل عند راجل


Powered by vBulletin Version 3.8.8
Copyright ©2000 - 2018, Jelsoft Enterprises Ltd
جميع الحقوق محفوظة © nmisr.com نجوم مصرية