نجوم مصرية
منتديات نجوم مصرية المنتدى العام آخر الأخبار أخبار التقنية والتكنولوجيا



طريقة الحفاظ على حقوقى الملكية لتليفونى المحمول والربح منها

 

#معلومة عالماشى


لما تصور فيديو بنفسك من تليفونك أو من الكاميرا الخاصة بيك فأنت بتمتلك كل الحقوق الخاصة بنشر الفيديو ده من بيع أو إستئجار بغرض العرض لفترة محدودة أو أى شئ تانى متفق عليه . 📝📝

فمثلا لو صورت أى حدث عن طريق الصدفة أو القصد المتعمد ونزلته مثلا على فيسبوك أو يوتيوب .📹📹

بتبدأ مواقع الأخبار تبحث عن أى أمارة للحدث ده من صورة لمقالات لفيديو علشان يسبقوا وينزلوه فى مواقعهم وكمان يكتبوا عليه خاص بموقع فلان مثلا زى اليوم السابع أو غيرهم من المواقع اللى عايشه على قفا الناس اللى ماتعرفش معلومة زى دى



#بجاحه

🎭🎭

فتخيل إن الفيديو بتاعك اللى بيحقق عندهم فى مرة واحدة عرض على الأقل مليون مشاهدة فده ثمنه على الأقل بيساوى ١٠٠٠$ أرباح من إعلانات ماتتعبش نفسك بيساوى بالمصرى بتاريخ اليوم ٨٦٠٠ جنيه مصرى وده فى يوم واحد عرض ولو مش مصدق أدخل بنفسك على صفحاتهم وشوف الفيديوهات هتلاقى أغلبها تصوير تليفونات وهل تتوقع إن جريدة محترمة على مستوى الشرق الأوسط بتنزل الشارع تصور بتليفون 🔭🔭 بيتهيألى واسعه شوية .🎬🎬

فتعمل إيه بقا سيادتك .؟



مبدئيا كده فى تطبيقات كتير جدا على جوجل بلاى مثلا بتعمللك العلامة المائية على الفيديو الخاص بيك اللى المفروض إن هو ده اللى هتعرضه على أى موقع أنت عايزة وبتحتفظ بالفيديو الأصلى حفاظا على حقوقك فيما بعد






ولما بتحاول أحد المواقع سرقة الفيديو بتاعك لغرض تجارى أو أى غرض تانى غير متفق عليه مسبقا من حقك ترفع عليهم قضيه وتطالبهم بتعويض يعورهم فى وشهم تعويرة التنين وتاخد اللى أنت عايزة وياسلام بقا لو معاك حد فاهم فى حساب المشاهدات ودول بتلاقيهم على قنوات اليوتيوب اللى عدد مشتركينها معدى ال١٠٠،٠٠٠ هيفيدك أكتر من المحامى $$$ وساعتها تقدر تقدم الفيديو الأصلى على سبيل إثبات حقك واللى الموقع مش هيقدر يثبت عكس كده .

طيب لو حصل إن الفيديو بتاعى فعلا إتسرق وإتعرض على مواقعهم من غير ما أعمل الخطوات اللى فاتت دى ؟؟


حبيب قلبى فى الحالة دى بتاخد تليفونك أو الكاميرا اللى صورت بيها الفيديو وبترفعها على أحد مواقع الفيديوهات اللى بتحتفظ بحقوق الطبع والنشر مثلا زى اليوتيوب وبتعرضها بتاريخ التصوير السابق للفيديو كمان فى تفاصيل تقدر تطلعها من خلال جهاز الديسك توب أو اللابتوب بتاعك فى البيت اللى هى إيه التفاصيل؟
@فى أى مكان إتصور المنظر ده وده بيكون موجود فى التليفونات أو الكاميرات اللى فيها gps فقط
@ فى أى يوم وساعة وثانية وجزء من الثانية
@من أى نوع الجهاز المستخدم فى التصوير
@كم ميجا بيكسل جودة والعدسة اللى صورت
@كم أبعاد أو عدد الzoom فى الجهاز المستخدم فى التصوير
@ماهو عنوان الmac ad الخاص بالجاهز المستخدم فى التصوير
@إسم الجهاز المستخدم فى التصوير اللى هو إسمك وده بتعمله أول مابتشترى جهازك لو تليفون مثلا علشان تحمل تطبيقات من المتجر وخلافه
@عنوان id للجهاز المستخدم فى التصوير وده مش ممكن يتغير
وغيرها من التفاصيل اللى ممكن تثبت حققك ثالث مثلث زى مابيقولوا

ماتخليش حد ياخد #حقك وما تفرطش فيه

#شير المقال أو إعمل #لايك لو إستفدت منه أو عجبك

يمكن ترجع حقك أوحقوق ناس تانيه كتير


(بقلم ،تامر سعيد) للحقوق المهضومة








المقال "طريقة الحفاظ على حقوقى الملكية لتليفونى المحمول والربح منها" نشر بواسطة: Google Plus   بتاريخ:



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
طريقة كتابة ™ ® © : علامات حقوق الملكية الفكرية والعلامة المسجلة وعلامة تجارية tm
سبب تكون الحصوات داخل الكلي ، وتعرف علي الحفاظ والتخلص منها بسهوله
شرح كامل لربط حساب أدسنس بقناتك باليوتيوب والربح منها
وظائف وزارة الدفاع القوات البرية الملكية السعودية الاربعاء 28-11-2012
افضل طريقه لشهره مواضيعك على الاطلاق والربح منها


Powered by vBulletin Version 3.8.8
Copyright ©2000 - 2018, Jelsoft Enterprises Ltd
جميع الحقوق محفوظة © nmisr.com نجوم مصرية