النكتة الأولى : كان في مره واحد عنده عربية قديمة وهلكانه, وكاتب عليها العربية للبيع بمليون جنيه, فعدى عليه واحد وسأله, انت مجنون؟؟ عايز تبيع عربية قديمه زي دي ب مليون جنيه, فرد صاحب العربية وقالو : العربية دي ميزتها انك لما تيجي تدعك فوانيسها بيطلعلك عفريت بيعملك كل اللي انت عايزه, وقام صاحب العربية داعك الفوانيس فطلعله العفريت وقاله شبيك لبيك تطلب ايه؟, رد عليه الراجل وقالو عايزك تنزلي كوبيتين شاي ليا وللراجل اللي معايا ده, وفعلا في لحظه واحده العفريت نزلهم كوبايتين شاي, فالراجل اللي كان مستغرب من تمن العربية, قال لصاحب العربية انا مستعد اشتري العربية بمليون جنيه, وفعلا اشترى العربية وروح بيها لمراتو وسألتوا ايه العربية القديمة اللي انت جايبها دي, فقالها استني بس وراح ماسح فوانيس العربية وطلعلوا العفريت وسألوا تطلب ايه, فرد الراجل وقالوا عايز خمسين عربية جديدة, فرد العفريت وقالوا اسف انا بعمل شاي بس:d
تاني نكته : كان في مره واحد مربي كتكوت شرس, يجي يحطوا وسط الكتاكيت ياكل الكتاكيت, يحطه وسط الديوك ياكل الديوك والفراخ, يرميه ف الشارع يعض في الناس, فالراجل قرر انه يتخلص منه ويرميه في الصحرا , وبالفعل الراجل رمى الكتكوت في الصحرا, وبعد اسبوع الراجل حب يروح للمكان اللي رمى فيه الكتكوت في الصحرا يشوف حصلوا ايه, ولما وصل للمكان لقى الكتكوت مرمي ع الارض وحوليه حديات كتيره بتحاول تاكلهو فالراجل صعب عليه الكتكوت وراح جاري مطير الحديات عنو وهو بيصرخ ويقول كتكوتي حبيبي , فرد الكتكوت وقالوا الله يخرب بيتك بوظت الكمين.