الام لغز كبير حير كل الانسانيه عن قدرتها وعطاءها وصبرها وتحملها
على الرغم من ان الرجال عشقهم الاول بيكون امهاتهم لكنهم
بيبخسو نسائهم حقهم عند تحدثهم عنهم كامهات
سبحان الله ربنا من رحمته الواسعه علينا قسم رحمة ل 100 جزاء جزاء واحد منها الى موجود فى الارض واحتفظ لنفسه ب 99 جزاء
واثر الام بالجزاء الاكبر من رحمته فاصبحت الام مثال للرحمه فى الارض
سواء انسان او دابه ربنا خلق الرحمه فى قلوبهم وعظمها
مش تسمعو ام بتقول يا حرام ابنى نايم تعبان ..ابنها نايم بيرتاح وهى تعبانه وخايفه لا يقوم من نومه مش مرتاح !!
هى الام كده تركيبه غريبه من سمات اغرب
يعنى ما تستغربش لما تسمع من حد انه وحشه كل حاجه فى امه الى توفت مثلا حتى ضربها ليه
احنا لما كنا صغيرين كنا بنتخيل ان ده تحكمات او ديكتاتوريه امهات
لكن لما كبرنا عرفنا ان زعقيهم لينا حب .. قسوتهم علينا حب
يمكن كمان ضربهم لينا كان منتهى الحب
عرفنا واحنا كبار معنى كلمة انك تحب حد اكتر من نفسك وخصوصا لما بقينا امهات واباء
عرفنا وقدرنا يعنى ايه حد يشقى ويتعب ويسهر اليالى عشان خاطر حد تانى
صوت انفاس اولادنا بقيت هى البور الى بيدفعنا وبيقوينا عشان نقوم ونكافح ونواصل رحله العطاء
الام هى شريان الحياه للعالم لولى امهاتنا ما كان لينا وجود ولا كيان
ولا كنا لاقينا للرحمه فى قلوبنا مكان
امى هى مصدر العطاء والاثار والانسانيه فى اعلى صورها ..ولما كبرت وفهمت عرفت مدى العظمه الى بتتحتويها كلمة الام
كل سنه وكل امهات العالم بخير ...تستحقو الجنه تحت ارجالكم
وماهما اتكلمنا وكتبنا وعشنا تحت رجولكم
ما هنوفى جزاء ولو بسيط من حقكم علينا ..كل سنه وكل ام بخير
كيف لا تكونى بخير وقد استخلصتى معانى الحياه فى كلمه واحده
كلمه امى
رؤى كمال