وأغنية حيطة أمل من كلمات الشاعر محمد إبراهيم، وغناء المطربة زهرة، وتلحين وتوزيع إسلام علي.
الأغنية بالفعل أكثر من رائعة حيث جمعت بين جمال ونقاء الصوت ورقى الكلمات التى تعبر بالفعل عن واقع مرير يعيشه الكثير.
كما تعد أغنية حيطة أمل أول تجارب زهرة الغنائية، والذى جعلت من زهرة أحد أفضل الأصوات الصاعدة جذبًا لاهتمام المستمعين لصوتها العذب الرائع.
كلمات أغنية حيطة أمل
معلق روحه عـ الشماعه جنب الباب ..
وسايب باب ماضيه المُر متوارب
كعبه اللى دار فـ الدنيا لف وداب ..
ساب للحياه الحبل عـ الغارب !
ساند على حيطة أمل مايله
ماسك فـ إيدى من زمان كلمة " ياريت "
معجون بمية صبّها العفاريت
مجنون انا عايش بلا ليلى
عقرب فـ ساعة حيطه لدغ الوقت
لا عرفت انا إمتى وفين ..
وإزاى انا إتعلقت
بس المهم الحبل كان دايب
بلعب فـ دور الكل فيه عواجيز
الدنيا كازينو كبير ملوهش عزيز
كوتشينه كل ورقها كان " شايب "
عقرب فـ ساعة حيطه لدغ الوقت
وقعت سنين العمر مقتوله
مهما أنتهى بلاقينى تانى بدأت ..
غاوى ألف فـ دايره مقفوله
كسرت عنيك الشمس وقت نهار
فنزلت يومها الشارع الفاضى
ولقيت مافيك كان بيت قديم انهار
أطلال بواقى حجات من الماضى
وقعدت عـ القهوه اللى مش زحمه
رغم ان فيها كتير بشر قاعدين
وفضلت ماسك قلبك البردان
بإدين كمان زيه كده باردين
القهوه قلبت وشها فـ سكت ..
وسألت مال الحظ فـ الفنجان !
ولقيتنى غاوى انى أعشق بنت ..
غاويه تحب البُعد والنسيان !
