أولاً لازم تفهم يعنى اية سعادة ؟
السعادة هى حالة ان بتحس بيها بالراحة و الطمأنينة و السلام النفسى جواك و كل واحد ممنا بيربط السعادة بتاعتة بحاجة معينة
مثلاُ اللى بيربطها بالفلوس و واحد تانى يربطها بالأطفال و واحد تانى يربطها ب ... و هكذا
طيب تمام كدة
راحو العلماء عملو ابحاث كتير على موضوع السعادة دة و ان ازاى الواحد ممكن يبقى أكتر سعادة فى حياتة ..راحو اكتشفوا :
ان الانسان ممكن ان يحقق السعادة لنفسة أينما كان وضعة و اسلوب معيشتة و لكن بشرط انة هو اللى يسعى علشان يبقى سعيد (مش يقعد يلوم الظروف و الدنيا
)طيب أية الخطة بقى علشان تبقى سعيد فى خلا 5 دقايق ؟
اول حاجة لازم يبقى عندك يقين بحاجتين علشان تقدر تحقق السعادة
أولاً ان يكون عندك أكبر درجة من الثقة بالله تعالى
ثانياً : ان الله ادالك قدرات و مواهب و امكانيات تقدر من خلالها تحصل على السعادة و دة من وضعك الحالى (يعنى مش تقول لما يحصلى كذا هبقى سعيد)
طيب اية بقى أهم مصادر السعادة ؟
العلماء وجدو أن المصدر الأول للسعادة عند ناس كتييييير هو العلاقات الكويسة مع الأهل و الاصدقاء أو الاقارب..
من هنا نقول بقى .. إبنى علاقات كويسة مع أقرب الناس ليك و ازرع الحب و الصدق فى علاقاتك معاهم.
خلى بالك ان الانسان اللى بيتمتع بعلاقات كويسة مع الناس الى حوالية هو من أقل الاشخاص تعرضاُ للأمراض
---> تمرين بسيط جداً ممكن يجلب ليك السعادة على قلبك فى دقيقتين بس.
غمض عينيك و استرخى على كرسى او على سرير و بعدين فكر فى موقف فى الماضى حصلك و خلاك مبسوط و سعيد و بعدين تخيل انك لسة جوة الموقف دة دلوقتى..
هتلاقى نفسك جتلك مواقف تانية كانت مخلياك مبسوط.
عارف انت عملت اية دلوقتى ؟
أنت اديت أمر للمخ انة يزود الافكار الايجابية و و الاسترخاء. ف المخ بسرعة ادى إشارة لكل اعضاء الجسم علشان يحسسها بالاسترخاء و السكينة و بعدين قام المخ بإرسال كتييير من المواقف و الافكار الايجابية اللى تخليك مبسوط
تخيل بقى لو انت قبل ما تنام بتفكر بالعكس و بتفتكر مواقف سلبية (كارثة مش كدة ؟)
اللى انت عملتة دة أسمة قوة التفكير علشان تجيب لنفسك السعادة و تلقائياً طرد الحزن و الاكتئاب.
و إفتكر كلام ربنا دايماُ :
انا عند ظن عبدى بى , فليظن بى ما شاء
يعنى انت هتعتقد وز تفكر ان ربنا بيحبك و بيجلبك ليك الخير هتلاقية حصل
هتعتفقد و تفكر فى العكس هيحصل بردة
تفكيرك بإيدك
اشوفك فى مواضيع تانية إن شاء الله