نجوم مصرية
منتديات نجوم مصرية منتدى التسلية والترفيه نكت مصرية



تابع نجوم مصرية على أخبار جوجل




نكت مصريه عن المصريين ... أكثر من رائعه

 

بسم الله الرحمن الرحيم




# يقال إن87%من الشعب المصرى ساخطون على الحكومة المصرية ... ما تعليقك ؟
ــ ال 13% الباقيين فى بورتومارينا .

# تقرير :45% من الشعب المصرى مصابون بمرض السكر ما تعليقك ؟
ــ آدى اللى خدناه من" الحلوانى " اللى بنى مصر .

# ما أهم مظاهر الفهلوة عند المصريين ؟
ــ انهم يشكون فى الشحات ولا يشكون فى النصاب .

# بعد اضطهاد النادى الأهلى الواضح لنادى الزمالك والمتمثل فى التنكيل به ذهابا وايابا .... ماذا تتوقع لجماهير الأخير ؟
ــ أتوقع أن نقرأ قريبا أخبارا عن زملكاوية المهجر .

# ليه الحزب الوطنى بيعمل اعلانات لنفسه مع ان البلد كلها بتاعته ؟
ــ زى ما شبكة الأوربت بتعمل اعلانات لنفسها على شاشة الأوربت .

# ما الفرق الأهم بين مصر وأمريكا ؟
ــ الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى .

# ما أهم قاعدة موجودة فى مصر ؟
ــ ان مفيش قاعدة لأى حاجة

# ما وجه الشبه بين السد العالى وقانون الطوارىء ؟
ــ الأثنان مصدر " للكهرباء!!!" .



# لماذا يطلق المصريون على زوجاتهم لقب " الحكومة "؟
ــ لصعوبة تغييرها مهما تسببت فى كوارث .

# أين يمكنك أن تلاحظ سوء نية المصريين ؟
ــ عندما يغنون للطفل البرىءبمنتهى الخبث قائلين .... يارب يا ربنا " تكبر وتبقى زينا .
تابع نجوم مصرية على أخبار جوجل



# ليه أكتر ناس بياخدوا مواقف معارضة جريئة هم الناس بتوع الغزل والنسيج ؟
ــ علشان بيشتغلوا فى القطن , و " القطنة ما بتكدبش " زى ماقلت مدام نظيفة.

# امتى بتحس ان البلد حلوة ؟
ــ ما باحسش ان بلدنا حلوة غير لما داليدا تقول : " حلوة يا بلدى "( .... بغض النظر انها قالتها وانتحرت …)

# امتى هناكل جوافة من انتاج مزارع توشكى ؟
ــ لما نلاقى المشمش!!!!!

# ما العلاقة بين عصام الحضرى وسمن روابى ؟
ــ الطعم فلاحى وتحدى .

# هل لك أقارب استشهدوا فى الحرب ؟
ــ لأ عندى أقارب استشهدوا فى السلام ..... " السلام 98" ..

# ما تعليقك على أن المصريين لا يتحدون الا لما يكون المنتخب بيلعب ؟
ــ الاستاد هو الحل !

# ما الدليل على أن مصر بلد الامان ؟
ــ الدليل ان الواحد بيتردد كتير قبل ما يدخل أى قسم شرطة .

# ايه الكلمة اللى ما بتحبش تسمعها وانت فى أوضة العمليات ؟
ــ يا خسارة .

# ما الفرق بين الزوجة المصرية والزوجة اللبنانية ؟
ــ 0 4 كيلو جرام على الأقل .

# بماذا ستجيب كمصرى عند سؤالك عن عمرك فيما أفنيته بعد عمر طويل ؟
ــ أفنيته فى اشارة قصر النيل مستنيها تفتح ، وفى صلاح سالم مستنيه يتحرك ، وعلى كوبرى أكتوبر مستنى لما رئيس الوزراء يروح .


# من المستفيد من الزحام الذى يسيطر على شوارع القاهرة ؟
ــ شركات المحمول ، كله واقف فى الاشارة ماسك الموبايل ، بيخلص شغل أو بيعتذر عن التأخير أو بيسلى نفسه على الأقل ، وبالتالى تعتبر الادارة العامة للمرور هى المستفيد الثانى " مخالفات استخدام المحمول أثناء القيادة ".
المستفيد الثالث هى الشركة الشرقية للدخان حيث يتزايد معدل الحرق على سبيل " التنفيث " .

المستفيد الرابع هو الهيئة العامة للبترول حيث يتزايد حرق البنزين على الفاضى اثناء الوقوف وهو الأمر الذى يبرر اختفاء البنزين من المحطات وبالتالى يصبح المستفيد الخامس هم أطباء الأمراض الصدرية .

المستفيد السادس المعلنون على اذاعة نجوم fm وبالتالى يصبح المستفيد السابع الشركة المصنعة للأدوية المهدئة بالتساوى مع صيدليات على على .

## ليه بيقدموا الساعة ساعة عندنا فى الصيف ؟
ــ علشان البلد تتقدم بينا .

## ايه اكتر حاجة بتجمعنا كمصريين ؟
ــ حبنا للكابتن ابوتريكة .
ــ حبنا لأبو تريكة بيخلينا ندعى له من قلوبنا يارب يخف يارب يلحق ماتش المنتخب يارب أبوتريكة ينزل دلوقتى ، ما أظنش ان فيه حد فينا دعى لمصر بأى حاجة من زمان .
ــ حبنا لأبو تريكة خلانا نصفق له ونقف وراه لما رفع فانلة عليها " تعاطفا مع غزة " ، لكن لما الغزاوية دخلوا عندنا شوف بأه .
ــ حبنا لأبو تريكة خلا معظمنا يمشى فى الشارع لابس تى شيرتات عليها رقم 22 ، حد فيكم فكر يعلق علم مصر فى البلكونة عنده ؟ .

### لماذا يقال عن الشعب المصرى انه شعب فوضوى ؟
ــ علشان بيكره " النظام . "

# اذكر اسم شخصية عامة معروفة ما بتكبرش أبدا ؟
ــ بـــــــــــــــــــــــــــــــــكـــــــــــــــ ــــا ر








المقال "نكت مصريه عن المصريين ... أكثر من رائعه" نشر بواسطة: بتاريخ:
سيكوسيكو
هههههههههههههههههههههههههههههههههه جميله جدا تقبلي مروري
Shaymaa Sayed
شكرا لمرورك أخى الكريم


بارك الله فيك
hanan star
# لماذا يطلق المصريون على زوجاتهم لقب " الحكومة "؟
ــ لصعوبة تغييرها مهما تسببت فى كوارث .

هههههههههههههههههههههه
جامدة جدا
تسلمي
Shaymaa Sayed
تسلم أخى الكريم

جزاك الله كل خير
amalali

جميله ياشيماء بس ربنا يستر من الحكوممممممم ، اااااقصد المدام
أحمد الزنارى
هههههههههههههههههههههههه
جامدين
Shaymaa Sayed
شكرا لمشاركتكم

بارك الله فيكم
forex-blog
ههههههههههههههههههههههههههههه


نكت حلوه تسلمى شيماء
Shaymaa Sayed
تسلم أخى الكريم

جزاك الله كل خير



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
نكت مصريه-اكتر من 100 نكات مصريه 2013 نكت مصريه كتير
اروع مطوية لشهر رجب، بجد أكثر من رائعه
ثوره المصريين على الفيس بوك هكر المصريين على صفحات مصريه امريكيه اوروبيه
حمله مصريه لتوعيه السياح لعدم أرتداء ملابس عاريه حفاظا عليهم و على مشاعر المصريين

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية