نجوم مصرية
منتديات نجوم مصرية منتدى التسلية والترفيه السياحة والسفر والرحلات



تابع نجوم مصرية على أخبار جوجل




السياحة في القاهرة

 

أما الفنادق المفضلة للشباب ففي أول القائمة .. يأتي فندق ماريوت وهو أكبر فندق لسلسلة ماريوت العالمية في العالم ويحتوي على 1250 غرفة وجناح ، فندق هيلتون رمسيس ، فندق سميراميس انتركونتننتال .

وبالنسبة لأماكن السهرات العائلية فهناك البواخر وهي مذكورة من قبل مثل البواخر الفرعونية وباخرة مكسيم والبواخر في القاهرة مناسبة جداً للعائلات حيت تبحر على مدى ساعتين في النيل أربع مرات يومياً . وخان الخليلي بعد الساعه الواحدة صباحاً اذ يتجمع فيه الكثير من العائلات ليتمتعوا بمنظر الحي الجميل والقديم وليتذوقوا أحلى المأكولات والشيشة والعصائر الطازجة .


أما بالنسبة للسهرات الشبابية فهناك حديقة فندق الماريوت وهو مكان مفضل للكثير من زوار القاهرة لتمتع بالشيشة وسندويتشات الفول والكشري في فندق ماريوت القاهرة إلى ما بعد منتصف الليل

ولا تنسوا زيارة هاردروك كافيه في فندق ميريديان تاور لمشاهدة الموسيقى الحيه والتمتع بتناول الاستيك الأمريكي .


وهناك أيضاً جوليانا في فندق الجزيرة شيراتون ، وكاسل في فندق هلنان شبرد ، وهوت اند بلو في فندق كونراد وهي من أفضل أماكن السهر الشبابية في القاهرة . ويأتي بعدها ريجينا في الزمالك .

وهناك أفخم سينما في مصر وهي سينما رينيسانس في مركز التجارة العالمي وفرعها في مدينة 6 أكتوبر .




هذي بعض الارشادات للي بيافرون إالى القاهرة أول مرة ..

من أول ما تطأ قدمك المطار .. لا ترد على أحد ما عدا البنك عشان تصرف . وشركات الليموزين عشان تاخذ ليموزين من شركة معروفة ومكيف .. وترا ما يفرق كثير عن التاكسي العادي .
- أول ما تنزل الفندق حاسب التاكسي ولو قالك أي شي .. نادي شرطة السياحه من الفندق وما عليك بالباقي .
- طبعاً وانت ماشي في شوارع مصر بتلقى قروود تمسك بثوبك ما عليك منها لا ترد ولا تتكلم ولا يطلع منك صوت .. ولو شافك كذا .. راح يتركك ويمشي .. ( طبعاً المقصود الطرراريين ) :yab:
- أي تاكسي تركب معه لا بد من معرفة تكلفة المشوار .. ولا يغرك كلامه : خليها علينا .. من غير فلووس . انتم ضيوفنا .. خرطي حبيبي ... وترا ابعد مشوار اللي هو المطار .. ياخذون تقريباً .. 30 جنيه .. يعني خلك حريص .. مو يوديك 10 كيلو يقولك أربعين جنيه . ترا كلهم يستعملوون غاز طبيعي يعني المفروووض أرخص ..

- اذا رحت مكان وقالك شي اسمه مينيمام تشارج ..تأكد بكم المينيمام تشارج أو الحد الأدنى للطلبات اللي مدري من ولد التعيسه اللي اخترعه .. تأكد بكم على الشخص .. وانتبه للحساب .. واذا بقى فلوس .. خذ فيه أي شي .. من حقك .. تذكر يا ولد الرياض يوم اخذنا ذبيحه بالباقي .؟

- اذا بتروح تسهر مثلاً .. وقلت للتاكسي وديني المكان الفلاني .. وطبعاً بيقولك ليه .. طب ده في أحسن منه .. انتبببببببه ‍ .. تراه ياخذ عمولة منهم .. لا تخليه يوديك للمكان اللي قالك عليه .,. وحتى لو اقتنعت بكلامه .. انزل في المكان اللي انت تبيه .. واركب تاكسي ثاني وقوله يوديك للمكان اللي قالك عليه التاكسي الأول .. أهم شي .. محد يمشيك على كيفه من سواقيت التاكسيات .
تابع نجوم مصرية على أخبار جوجل



- لا تشيل ي جيبك الا للمتوقع انك تصرفه .. وممكن توزع شوية دولارات ي جيوبك الثانية لزووم التنقيط .

- في واحد راعي تاكسي ستيشن اسمه صلاح .. لا تركب معه عشان انا وولد الرياض متهاوشين معه ..


- انتبه من النصابين اللي يقلدون اللهجة السعودية ويقولك انا انسرقت ومدري ايش انتبه منهم .. ولا تسوي فيها علوم قبايل .. علوم القبايل اتركها في السعودية وسافر احسن لك .



وهذه تكملة للنصائح .. :

- إذا حبيت تروح مسرحية اشتري التذاكر قبلها بيومين على الأقل عشان تضمن أماكن حلوة ... واذا رحت قبل المسرحية بشوي .. موظف التذاكر بيسوي فيها زحمة عشان تعطيه بخشيش .

- وبالنسبة للمسرحيات .. اذا بتروح مسرحية في هيلتون رمسيس في مسرح قصر النيل أو في معظم المسرحيات في القاهرة ، أول ما تخش المسرح طبعاً بياخذك واحد يوديك على كرسيك اللي انت حاجز فيه قوله الآتي :
( لو سمحت ابي مكان حلو هذا مو عاجبني ممكن توديني على مكان أحلى ؟ ) وجهز قبلها البخشيش المناسب بس بخشيش دسم .. يعني 40 أو 50 جنيه طبعاً اذا كنتم مجموعة .. وراح يقعدك في مكان حلو .. ممكن تكون فيه سعر التذكرة ب 150 جنيه .. وانت قاص تذكرة ب 60 أو 80 جنيه ... وفي أغلب الأحيان هو اللي راح عليك انه يقعدك في مكان حلو عشان ياخذ بخشيش .

- انتبه من أي احد يجي يقولك ( حضرتك اخذت هديتك معانا ؟ ) .. ( أو ممكن يقول انه من شركة وبيسوون احصائية عن عدد السياح ) أو ( انه عنده تخفيضات في فنادق وأماكن سياحية ) أو ( انه بيعطيك يومين مجاناً أو أسبوع مجاناً في فندق معين ) صرفه .. تراهم شركات تايم شير .. وبياخذ منك مقدم فلوس وزحمة وبيقولك تعال للشركة عندنا عرض ومش عارف ايش .. خلك من هالكلام تراك رايح تتمشى مو تتفرج على عروض التايم شير .



الحفلات الغنائية

--------------------------------------------------------------------------------

بالنسبة للحفلات الغنائية فهي تقام عادة في فنادق 5 نجوم ومن أهم الفنادق اللي تقام فيهم الحفلات فندق سميراميس انتركونتننتال وفندق ماريوت القاهرة .. ولو انه ماريوت ابتعد عن الحفلات من فترة ..

تذاكر الحفلات اسعارها تتراوح ما بين 400 ألى 900 جنيه هذا للفنانين العاديين أمثال رابح صقر ، عبد المجيد ، نوال الكويتية ، وكثير من الفنانين .

أما حفلات فنان العرب محمد عبده فتنتهي سعر التذكرة ب 1500 جنيه وممنوع المأكولات والخمور منعاً باتاً . ( يا عيني على احترام الجمهور والفن يا أبو نوررره ) .

لكن هناك طرق للدخول لهذه الحفلات ب 100 جنيه .. بس طبعاً راح تظل واقف طول الحفلة .. الا اذا عندك شباب موجودين من قبلك في الحفلة وتعرفهم .

في أي حفلة من الحفلات وعند دخولك إلى القاعه ياخذون منك التذكرة ، واذا تبي تطلع من القاعة للاستراحه أو لعمل أي شيء راح يعطونك كرت صغير ( بيزنس كارد ) مكتوب عليه اسم الحفلة عشان اذا رجعت ياخذونه منك . يعني كرت دخول وخروج مؤقت .

طبعاً المسؤوول عن هذي الكروت يقوم ببيعها لبعض الخليجيين المعروفين واللي عادة بيكونوا ساكنين في الفندق أو على احتكاك بهذا الرجل ، فيقوم الرجل ببيعها لأخونا ب 100 جنيه مثلاً .. وأخونا راح يعطيك اياها اذا هو يعرفك أو اذا انت طلبت منه والحمد لله ترا الشباب ما يقصرون في هالأمور .

هي طريقة غريبة وتلاعب من قبل موظفين القاعه ولكن اذا حسبتها ممكن تكون ممتعة للبعض انه يدخل حفلة لمحمد عبده مثلاً ب 100 أو 150 جنيه مصري .


أما حفلات مهرجان الأغنية في القاهرة والذي يقام كل سنة في الصيف ، فتكون معظم الحفلات في قاعة مركز المؤتمرات في القاهرة ، وأسعار التذاكر راح تكون أقل من أسعار تذاكر الفنادق يعني أغلى تذكرة راح تكون ب 500 جنيه لمحمد عبده هذي أنا بنفسي حاضرها من قبل .

أما اذا كانت إدارة المهرجان اتفقت مع فندق سميراميس كراعي رسمي للحفلات فستكون الحفلات في قاعة الفندق ولكن بأسعار أقل من أسعار الحفلات اللي ينظمها الفندق يعني راح تكون متقاربة من أسعار الدولة .






المقال "السياحة في القاهرة" نشر بواسطة: بتاريخ:



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
السياحة في دبي 2014 كل ماتريد معرفتة عن السياحة في دبي ملف كامل الاماكن السياحية و الصور و الاسعار
غرفة السياحة : فتوى تحطيم الاهرامات وابو الهول دمرت السياحة بمصر
بالتفاصيل الزيادة الصافية في اجور المعلمين بعد الزيادة الجديدة
وزير السياحة يحذر شركات السياحة من التلاعب بالحجاج

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية