الطريقة : -
السمك السنجاري عمايل إيديا وحيات عنيا
أختكو طبعا مقبلة ع الزواج والأيام دي بتعلم الطبخ ولسه في كى جي وان طبخ بدل ماأتطرد تاني يوم إحم إحم
شوفي الطريقه
تغسلي السمك كويس جدا وممكن يكون بوري او تونه اللي تحبيه وتفتحيه من عند البطن بالشكل اللي في الصينيه ده وتنقعيه شويه في ملح وخل وليمون
بعدين تطلعيه تدهني الصنيه زيت وترصيه وتفتحيه بالشكل ده وترشي عليه شوية كمون بالملح
وتكوني مجهزه في طبق حتت بصل وفلفل أخضر وممكن ألوان وممكن تعمليه حلقات وتحطي عليهم فلفل وكمون وشطه وكسبره ناشفه وليمونتين معصورين ولو تحبي تحطي معلقة مسطرده عليهم
وتفرديه ع السمك بالشكل ده وبعدين تسيبيه ساعتين ولو مستعجله ممكن نص ساعه وبعدين تحطي عليه حلقات طماطم وشوية زيت
وتدخليه الفرن