طريقه عمل بيتزا الباذنجان
المكونات :-
- الباذنجان ونقطعه شرايح حجم وسط علشان نقدر نحط عليه المكونات بتعتنا - صلصه البيتزا الي متعودين نعملها - جبنه موزاريلا او جبنه رومي ممكن بدلها لو مفيش موزاريلا - التوابل ملح + فلفل اسود + زعتر وبضيفي حسب الطعم الي انتي بتحبيه - بقسمات او لو عندك عيش بتحمصي منو رغيف او اتنين بالكتييير وبتضربيه في الخلاط وكده بتكوني عملتي بقسمات ينفع تستخدمي عادي جدا لو مش عندك بقسمات الي بنشتريه من بره
الطريقة -
بنقطع الباذنجان شرايح ونحطه في ميه وملح علشان يبقه الباذنجان نفسه ليه طعم ونسيبه شويه عبال لما نحضر باقي المكونات - نجيب طاسه ونحط زيت للتحمير ونسيبه يسخن - احنا ومستنين الزيت يسخن نبداء نطلع واحده واحده الباذنجان من الميه ونشفه ونبتدي نحطه في البقسمات الي احنا عملناه وكمان الملح والزعتر والتوابل الي احنا بنحبها - نبتدي نحط الباذنجان علي النار ونسيبه لحد ما يبقه لونه دهبي حلو بعد كده نطلعه - نيجي بقه نبتدي نحط عليه باقي المكونات بتعتنا
الصلصه الاول وفوقها الموزاريلا او جبنه رومي - نحطهم في صنيه بعد ما نكون عملنا كل الباذنجان ونحطه في الفرن لغيط لما الجبنه تبقه سيحه وبتبقه المده ربع ساعه - أي اضافات تانيه حبه تضيفيه ممكن حسب الرغبه زي الزتون مثلا او تشكيله جبن او أي طعم انتي بتحبيه
يارب تعجبكو وتجربوها علشان هي بسيطه وكمان طعمها حلو قوووي وبالف هنا مقدما