السلام عليك ورحمة الله وبركاته
اهلا وسهلا بكل الاعضاء وزوار منتدى نجوم مصريه الكرام واهلا بكل عشاق اكلات البيتزا النهارده جيبالكم اسهل طريقه لعمل البيتزا البيتى وتعتبر البيتزا بكل انواعها من الاكلات الجميله والمغذيه والمفضله والمحبوبه لدى الكبار وخاصه لدى الاطفال واليكم اجمل واطعم واحلى طريقه لعمل البيتزا البيتى جربوها وان شاء الله اتمنى ان تنال اعجابكم ورضاكم
اولا : العجينه
المقادير دى لكيلو الدقيق وممكن طبعا نعمل نص الكميه او ربعها على حسب عدد الاشخاص
المكونات
1- كيلو دقيق
2- 600 جرام ماء دافئ
3- معلقه صغيره خميره
4- فنجان زيت
5- توابل
الطريقه
نضع الخميره على 2 معلقه صغيره ماء ونقلبهم ونتركهم 4 دقايق
نخلط الدقيق مع الملح والتوابل وبعدين نضع الخميره والزيت والماء ونعجن
وبعدين نتركها تخمر لمده ساعه او لغايه ماحجمها يزيد وبعدين نفردها على دقيق وننقلها فى صينيه مدهونه زيت وبالشوكه ونعمل فيها فتحات عشان الهوا يخرج منها ومش تتنفخ فى الفرن
ثانيا : الصلصه
المكونات:-
بصله مفروم
ثوم مفروم
طماطم مبشوره
صلصه طماطم جاهزه
زعتر او ريحان
الطريقه :-
فى طاسه فيها حبه زيت صغيره و نضع البصل والتوم والطماطم ونقلبهم شويه وبعدين نضيف الصلصه والزعتر او الريحان ووفلفل وبلاش ملح
وبعدين نفرد الصلصه على العجينه فى الصينيه
ثالثا الحشو
المكونات:-
فلفل اخضر
زيتون
لحمه معصجه
جبنه
الطريقه:-
نوزع المكونات فوق الصلصه وندخلها الفرن على درجه حراره متوسطه ممكن 180 درجه كويسه اوى