من قبل الاعلام بشكل عام و بشكل خاص جداا الاعلام المصري
نبدأ من الاول الفنانين والفنانات والاعلاميين طلعوا على التلفزيون وشكروا السودانيين والامن السوداني ولا واحد منهم اشتكى ولو بطريقة غير مباشرة وبعد المباراة يطلعوا ويقولو تعرضنا للاساءة
والاعتداء والامن هرب وخلانا والجزائريين* ضربونا _ *هم اصلا كده همج _ ولا مش كده وبس ويقولو
مما دخلنا السودان مافي احد سائل فينا لا امن ولا حاجة بالرغم من انو كان قبل المباراة كلام غير كده
يعني بقصدوا شنو بالضبط بكلامهم ده وما هم وبس اللي قالوا كده حتى الجماهير المصريةاللي قبل المباراة قالوا احنا في بلدنا التاني واحنا شعب واحد و كأننا في مصر ما في فرق
وبعد المباراة والكلام اتغير والوضع اختلف تماما؟
من الجماهير من قال : خلال المباراة الجماهير الجزائرية رمت علينا الكراسي والامن ما عمل حاجة
هم صح بيعملوها بس كيف يرمو عليهم المقاعد بتاعت الاستاد ؟ الكلام ده مستحيل يحصل لانو دي
كراسي مثبته مع بعضها بالحديد والجزائريين ما عمرهم ما حيقدروا يفكوها نفترض كلامهم صح
فكوا الكراسي ورموها عليهم ما حتوصلهم , الكراسي ما عندها جناحين يطروا بيها لانو الجمهور السوداني قاعد في النص بين الفراعنة ومحاربي الصحراء يعني كده ولا كده ما ممكن.
ويريت كده وبس قبل موقعة ام درمان المصريين قالوا احنا اللي اخترنا السودان واحنا واولاد النيل واخوان وبعد المباراة يقولوا الفيفا ليه اختارت السودان دي بلد ما فيها امان بلد سايبه كنا نمشي اي بلد
تاني غانا .... واللي يقول لو كنا عملناها في السعودية كان احسن
طبعا السعودية وبلا شك الامان متوفر فيها لكن نتكلم كده بصراحه المشجعات والممثلات والاعلاميات
المصريات هل السعودية كانت حتسمح ليكم بأن يحضروا المباراة ؟ طبعا لا والفيفا ماكانت حترضى دي اسيا ودي افريقيا ايه اللي دخل ديل في بعض؟
والبرامج اللي طلعت على التلفزيون ما قصرت بدل ما تتأكد ولعتها من البداية برنامج عمرو اديب
وبرنامج نقطة ضوء ونهارك سعيد و برنامج الحياة اليوم شعللوها
واللي يقول منهم الممثلين مستخبيين في مطعم جاد بالسودان وفي مطعم مؤمن ديل اشهر مطاعم
مصرية في السودان لمن توجه ليهم بعد الاعلاميين السودانيين وسالوهم عن الكلام ده قالوا هم جو عندهم وطلبوا وجبة عشاء وبعدها توجهوا للفندق او الى المطار بالاغلب وعلى فكرة اللي بيشتغلوا في المطاعم ده مصريين فيه سودانيين بس المصريين هم الاساس واصحاب المطاعم ده مصريين حيستفيدوا شنو اذا كذبوا؟ ولا شىء دي حاجة والحاجه التانية ممثل مصري معروف وليه قيمتوا بدون ذكر اسماء يشتم سواق الباص السوداني اللي كان فيه ليه يعني علشان حاجة تافه واذا هو ممثل احنا بنحترموا يقوم يشتمنا وياريت يحس ويعتذر ولا على باله.........
وغيرهم كتييييير اللي اساء لينا ولمن واحد من الجماهير المصرية المشى السودان قال لمن سألوا المذيع ايه اللي حصل ليكم ؟ رد عليه احنا سمعنا انو في ضرب وكده بس ما شوفنا حاجه قال ليه المذيع وبكل عصبية : انت معاهم ولا معانا ؟
واحد تاني من الممثلين برضو المعروفين يقول بعصبية ازاي السفير يقول انا طلعت شوارع الخرطوم لما الاعلام بيتصلوا لي ويقولوا في مذبحة ولقيت الشوارع هادئة؟
والمذيع المشهور احمد شوبير لما قال الحق واللي حصل بعض الناس اللي اتصلوا عليه هاجموه ليه ؟
والفنان محمد فؤاد اللي قالوا قبل ما يصل القاهرة اتجرح وانو محاصر اتكلم في برنامج البيت بيتك
وشكر السودانيين وقال الكلام اللي قلتوا قبل كده اذا كان فيه اساءه للاخوة السودانيين ما كان قصدي اقولوا والممثل احمد رياض قال : كنت بتمشى لوحدى في شوارع الخرطوم هجم عليا جزائريين اللي حماني الامن السوداني وانا بشكروا
وبشكر انا برضوا وباسم كل السودانيين المذيع المشهور مصطفى الاغا مقدم برنامج صدى الملاعب
اللي قال الصراحة وبوضوح
وطبعا الشكر موصول للرئيس حسني مبارك اللي دعا السفير السوداني في مصر ( وليس استدعى)
وشكروا على الجهود اللي بذلتها الحكومة السودانية ياريت الاعلام المصري يتبيعوا
وطبعا قناة الحياة ومذيع برنامج نقطة ضوء اعتذروا للسودانيين وقالوا ماكانوا قاصدين اللي قالوا في اليومين اللي فاتوا وشكروهم ويالريت كل من اساء للسودان يعتذر بس ما مطلوب منو اكتر من كده
يعني بدل ما تتكلموا عن الجهود التي بذلتها السودان خلال يومين وفترة قصيرة شتمتونا _ الله يسامحكم
على فكره المباراة دي في دول تانيه ماكانت قبلت بيها لانها جايه مشحونه من الاول بين الطرفين
عمروا واحد مصري عايش في السودان جاء اشتكى وقال السودان مافيها امان وبلد سايبه ؟ طبعا لا
خلاصت الموضوع بصراحة الاعلام المصري اساء للسودان حكومة وشعبا واتهم السلطات السودانية
بالتراخي الامني والتعاون مع الجزائريين وده كلوا انا شوفتوا وسمعتوا وقرأتوا بنفسي ما وصلني واذا اللي حصل ليكم اللي هو باصين اترموا بالحجر ما بالسواطير والسكاكين _ ده يعتبر مجزرة طيب اللي بيحصل في فلسطين يعتبر شنو ؟ واذا بتعتبروا ده اهانه ليكم فاحنا بنعتبر كلامكم ده اكب اهانه لكل السودانيين واذا اللي بينكم وبين الجزائر حرب ما تدخلونا في النص علشان ما تخسرونا
وفي النهاية احنا اولاد النيل واولاد بلد وحده وعمروا مافي حاجه زي دي تفرقنا عن بعضنا والله يسامحكم
وبقول لمصر والجزائر عيب اللي بيحصل بينكم فرجتوا وضحكتوا علينا العالم وخصوصا اسرلئيل ويهودها اللي فرحانين بلي بيحصل بينكم وعيـــــــــــب يالجزائر على اللي بتعملوا زودتوها وعلى فكره اتوا اللي فزتوا ما مصر عيب وياريت تعتذروا لمصر حكومة وشعبا وانا بستنى ده منكم احنا العرب اخوااان..
