نجوم مصرية
منتديات نجوم مصرية منتدى الجاليات العربية خارج الوطن منتدى المصريين المقيمين خارج مصر



تابع نجوم مصرية على أخبار جوجل




وحشتيني يامصر

 

[وحشتيني يا مصــــــر



تعرفو ياجماعة والله العظيم اجمل مكان في الدنيا مصر انا بحب البلد دي جدا بموت عليها ونفسي ارجعلها بتمني سنين الغربة تخلص وارجعلها مصر كلها ذكريات
تابع نجوم مصرية على أخبار جوجل




مفيش اجمل من شعب مصر ولا اطيب منهم ولا اجدع منهم،،،،،،


يعني مثلا عندكم الشباب مع كل اللي بيعملوه من عادات سيئة لكن جدعان اوي وليهم مواقف جميلة اوي


ومش هننسي طبعا البنات ملكات جمال الدنيا المصريات والله مفيش اجمل منكم انا شوفت بنات من كل الجنسيات في الغربة لكن والله اشهد لبنات مصر مش عارف ليهم طعم خاص طعم جميل دمهم شربات
يعني مثلا كنت لما اكون مضايق ايام الجامعة كانت اللي تخليني اضحك وحده صحبتي
يهونو اي شئ بقلبهم الطيب وكلامهم اللي زي العسل،،،،،،،،،، بس بلاش غرور

مفتقد الترماي ابو درورين في اسكندرية اللي اركبه مخصوص عشان اقعد فوق


مفتقد مترو الانفاق و انا طالع اجري و بفتح الباب الكهرباء بايديا و حاشر دماغي لازم اخش, و 2 شباب سنيدة من جوا المترو بيفتحوا معايا


مفتقد باص النقل العام الاحمر اللي ابقى متشعلق فيه و ماسك في بنطلون اللي قدامي و الكومسري لسة موصر ان العربية قدام فاضية


وحشني التاكسي الابيض في اسود اللي اول ما اركبه الضهر يقع بيا و يستأذني السواق اني افضل ماسك الباب في ايدي لغاية ما اوصل المشوار


مفتقد اجمل القصص اللي اسمعها مع سواق التاكسي و البيجو على الصحراوي و الحلاق بتاع حتتنا


مفتقد و اانا بسال على عنوان مش عارفه في منطقة و الاقي 5 وقفوا كل واحد مديني عنوان شكل, و في الاخر بيجي الشهم اللي يقولك طب تعالى ورايا و يوصلك مشي


مفتقد ماكدونالدز التحرير اللي كل ما كنت اكون عايز ادخل الحمام ادخل و امسك المنيو شوية و كأني هشتري حاجة و طيرااااااااااااان بعد كدة على الدور اللي فوق


مفتقد كوز الدرة المشوي و الحلابسة و السوبيا المززة


مفتقد منظر الساعة 6 الصبح و ناس راجعة البيت و ناس نازلة الشغل و الزحمة و المحلات اللي فاتحة 24 ساعة


مفتقد وسط البلد و قعدة في جروبي و الايس كريم اللي في الطبق الاستانليس كأني في سنة 1890]






المقال "وحشتيني يامصر" نشر بواسطة: بتاريخ:
abdobasha
هههههه
الواحد لما يسمع الكلام دا بيفكر تاني فموضوع الهجرة دا
محدش عاجبه حالة فمصر
وكل الشباب عاوز يطفش

موضوع جميل والله ومؤثر ...
nonosh
هههههههههههه انت كده هتخلي الشباب متفكرش تسيب مصر خالص ربنا يرجعك بالسلامه لمصر
عصفور المطر
ادعو كل من ينتقد مصر من المصريين........تعالوا اقرأوا هذا الكلام وكفايه بأه كده ...حبوا مصر .....مصرتحبكم...
mona mood
يااااااااااااااااه بلاش بقى نقلب في المواجع انا هموت وانزل مصر حالا
اجتماعى اخر حاجه
حقا ان الخروج من مصر كالسمك من الماء
%u0632%u0627%u0626%u0631
والله انا لو مش في الشغل ومضغوط جدا مش بضيع وقت وافتكر مصر و جمال مصر والله يا ريت العالم كله زي مصر بالمناسبه انا عايش في مكه يعني عمره وحج بس ربنا يسامحني الصلاه في جامع شارعنا بالدنيا وما فيها وقفه الشباك والسلام على الرايح والجاي الحب اللي في مصر الله غليكي يا بلدي يارب يحميكي
SERMONTA
والله يا شباب مافي زي مصر فعلا كل اللي فيها حلو زي الكشري لو كلت صلصه بس مش حلوه رز بس مش حلو .... المهم كله على بعضه الله انا عايش في مكه يعني حج وعمره بس جامع شارعنا شيخ جامعنا اههههههههههههههههههه و 1000000000000000000000000000000 اهههههههههههه والله مصر وحشاني بعد امي وقبل اصحابي واخواتي يا رب سلم مصر وانصرها و ولع بجاز وسخ ولاد الكلب اللي خربنها و وحد المصريين على حب وخدمه الوطن والام والدار مصر



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
وحشتيني يا عيوني
وحشتينى _محمد نور
وحشتيني
وحشتينى -- كلماتى

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية