اولا تنظيف الغساله العادية
هاتجيبي نص كوباية بيكربونات الصودا مع كوبين من الخل وتملي الغسالة ميه وبعدين تشغليها على درجة حرارة عالية وتظبطيها على نظام نص ساعه لان البيكربونات والخل بينظف الاوساخ والدهون المتراكمة في الغسالة.
ثانيا تنظيف الغساله الاتوماتيك
هاتحطي في الدرج بتاع المسحوق ملعقتين كبيرة من بيكربونات الصودا ومن جوه عند الحلة تحطي نص كوباية خل وتشغلي الغسالة وتظبطيها على درجه حرارة عالية,,,
وعشان تتجنبي العفن وتراكم الاوساخ سيبي باب الغسالة مفتوح مابين كل غسلة وغسلة وكمان لازم كل فترة تطلعي درج المسحوق وتغسليه بالميه والصابون وتنشفيه,
واخيرااا لازم تغسلي غسالتك من 2الي 3 شهور عشان تتجنبي العفونة والاوساخ داخل غسالتك وكمان لو كنتي بتغسلي ملابس متسخه كتير ممكن تنظفيها بعد كل غسلتين على الاقل,,,
وبكده تكوني حافظتي على غسالتك من تراكم الاوساخ والعفونة وكمان غسيلك هايطلع نظيف وريحته حلوة.