كلمات اغنية مصر بلدنا لمصطفى كامل كامله
علشان ابنك وابنى يلا نعلى ونبنى
مصر بلدنا الغالية فى محنة مش هيداوى الامها غير احنا
ايدى فى ايديك يابنى يا اخويا ياصاحبى ياجارى
انا مش عايزك منى تتوه عمر الكره مايبنى وطن
اللى بينى اى وطن ناس بيحبوه
احنا زمان على الجبهه نزفنا ويا ما فى عز الجرح عزفنا
ويا ما احتد مابينا خلافنا بس فى مصر اتربينا واتعلمنا
ان الاخ لايمكن ابدا" يقتل اخوه
يلا يا مسلم قوم اتوضى وصلّى وسبّح..
وادعى لمصر تعيش وتعيش...
وأقرا الفاتحة لكل الشهدا من ثوارنا من أولادنا شرطة وجيش
ادعى لأم الله يصبّرها.. وادعى لزوجته تبرد نارها
ولأولاده قلولهم بابا مات راجل..
مات علشان يحميني وهو ميعرفنيش
وانت ياكل مسيحى فى ديرك
هات انجيلك وحياة العدرا ام النور
تفضل انت مسيحى ومسلم ايد واحده
للى فى قلبه للمصرى شرور
نفضل جامع جمب الدير
وبنتمنى لبعض الخير
لازم يعرف كل الخونه وقت الحرب مبنقبلش تكون رجعتنا غير بعبور
بتقول إوعى تسبني
30 يونيو ما كنش مجرد يوم جمعنا وعيشنا ساعاته.. 30 يونيه دي ثورة شعب صرخة شعب.. بكل طوايفه وكل فئاته
كل الشعب نزلها وشارك والله ما كان اهدافها معارك
انا كان هدفى ارجع حقى وحق ولادى
وحق الناس اللى من الفقر اطحنو وماتوا
احنا كبرنا خلاص ياولادنا وانتوا الامل الحلو الباقى
احنا الماضى وانتوا الحاضر والمستقبل
واللى بيروى الارض سواقى
كمل املك كمل حلمك اللى هيرفع قيمتك علمك
ابقى محامى ابقى مهندس ابقى طبيب ابقى الظابط اللى هيحمى مراتى وبنتى من اعدائى
وانتوا يا احلى شباب علمنا نحب ونعشق ماتش الكورة
اشتقانالكم والله خلاص من غيركم والله ماحلوة الصور
صوتكم كان بيحلى النصر للى فى شارع واللى فى قهوة واللى فى قصر
والله وحشنى غنايا معاكم تانى لبلدى على صوت شاديه لما تقول ياحبيبتى يامصر
علشان ابنك وابنى يلا نعلى ونبنى
مصر بلدنا الغالية فى محنة مش هيداوى الامها غير احنا
بتقول إوعى تسبني
كلمة أخيرة لشعب مناضل شعب جسور هو الشعب نزل في يناير ليه وفي يونية وكان بيثور علشان عيب يبقى في وسطينا من أهلينا ناس عايشين في عشش وجحور علشان الغلبان في بلدنا حقه علينا يعيش مستور علشان كل شبابنا أملهم مستقبلهم يطرح نور علشان الفلاح الطيب يقدر يروي الأرض البور علشان أب في وسط عياله كل أماله يعيش مستور علشان كدة لازم ننزل ونقول نعم ألف نعم ونعم للدستور.
تحيا مصر
علشان ابنك وابنى يلا نعلى ونبنى
مصر بلدنا الغالية فى محنة مش هيداوى الامها غير احنا
بتقول إوعى تسبني