فاكرين ايام زمان؟
ايام البوكيمون وكابتن ماجد وسلاحف النينجا ^_^
ايام ما كان التليفزيون بيعرض مسلسل واحد بس الساعه تمانيه ونص ولما كانوا يرخموا ويقطعوا المسلسل علشان يجيبوا نشرة التاسعه >_<
فاكرين ايام الابتدائي والعمايل الغريبه اللى كنا بنعملها؟
فاكرين ايام الاعدادى وطابور الساعه سبعه ونص وتحية العلم؟
فاكرين ايام الثانوي والشقاوه والجري ورا البنات؟
طب فاكرين لما كنا بنلبس بوت وننزل فى المطره وندوس في الميه براحتنا؟ :d

ولا لما مصر كلها قعدت تشتري كاكولا كتير اوى علشان نلاقي الجادون ونجمع العجله ونكسبها
افتكروا معايا ايام الشقاوه لما كنا بنحط طوبه على شريط القطر ونشوف القطر هيتكعبل ولا لا؟ ههههههههههه
حاجات كتير اوى كنا بنعملها واحنا صغيرين ودلوقتي بنضحك عليها
مفيش احلى منها ايام الصبي
ولا يوم هترجع الايام دي بس بجد كفايه اوى اننا نفتكر منها موقف يموتنا من الضحك

كانت ايام جميله
مره وانا صغير وكنت محترم اوى يعني والمدرسين كلهم بيعملولى اعتبار
بس احنا كنا فى اخر السنه ومفيش غير تلاته في الفصل وحابين نقعد لوحدنا
ولأول مره فى حياتي طلعت فوق الديسك عشان اهيص بقي ولسا بزعق وبقول هيييييييييييه لقيت الباب فتح على اخره والمدرسه واقفه :d

شاركو ياجماعه بمواقفكم وانتوا صغيرين ^_^