نجوم مصرية
منتديات نجوم مصرية منتدى التسلية والترفيه منتدى السيارات - صور سيارات



حل مشكلة مكيف الاسبرانزا a113

 


اسبرانزا a113 واحده من افضل سيارات صينى قمت بشرائها, طبعا السيارة ليها مميزات بس للأسف عيوبها اكتر من ميزاتها بس الحمد لله مع خبرتى بالعربية دى قدرت احل كل مشاكلها وعيوبها وكمان قمت بتعديلات رائعة حقولكم عليها علشان تستفادو وتعملو زيها.

اولا مشكلة مكنة التكيف:
المشكلة ان المصنع الصينى عاوز يحط فى العربية كل الامكانيات علشان المستهلك يجرى عليها ويشتريها فعلشان كده يستخدم فى الصناعة مواد رديئة لتقليل التكاليف زى مكلنا طبعا عارفين, حل المشكلة من جدورها هو انسب حل, تغير مكنة الكومبريسور بالكامل بره التوكيل, وطبعا بعد اللف والسؤال عمرك ما هتلاقى المكنة دى بتتباع عند اى حد حتى لو نزلت التوفيقية, مكنة الاسبرانزا الاصلى بتتباع فى التوكيل كاملة بتغير المراوح والمواسير والذى منة ب 4500 جنية + مصنعيه التركيب وطبعا نفس النوع الردىء الاصلى بتاع العربية.
طبعا انا مكلفتش خبر ونزلت الحرفين ادور على مكنة مشابهة لنفس المكنة الى فى العربية, ولكن للاسف ملقيتهاش لحد لما ربنا كرمنى بواحد ميكانيكى ممتاز اسمة ايمن فاتح فى شارع اسوان فى مصر الجديدة قالى انة ممكن يوفقلى مكنة كاملة بمواسيرها بتاعة تويتا ستارليت 92 , طبعا انا مصدقتش غير لما جربنا وجبنا مكنة التويوتا الستارتلت وجربنا نشوف المقاسات و سير التكيف والمفاجأه انة ركب بالفعل بعد تعديل طنبوره السير, أخدنا الطنبوره القديمو من الكومبريسور القديم الصينى, وحطينا الطنبوره مكان الطنبوره الى فى مكنة الكومريسور الجديد, ووصلنا السير ورحنا عن واحد بتاع تاكيفات فى شارع اسوان وعملنا تست على كل المواسير بالفوم وبفضل الله كل المواسير كانت مظبوطه معدا الجزء القديم الى كان راكب, فقمنا فصلة وعملت واحده جديده عمولة بنفس المقاس وجبنا جوانات اصلى من الشرقاوى وركبناها وشحنت التكيف ورحت اجربة, طبعا التكيف بقى تلاجة لان مكنة الكومبريسور الجديده بتاعت سيارات تويوتا اصلى يابانى مش زى الصينى الى كان قارفنى على طول, طبعا بعد العكلية دى حتحس بفرق كبييير جدا فى اداء التكيف وكمان مش مضطر تعمل صيانة كل شوية, بس العيب الوحيد فى الكومبريسور ده انة بيعمل صوت عالى بسبب تغير الطنبوره بتاعتة بس مش مشكلة الصوت نهائى طالما التكيف بيقوم بوظيفتة,





نسيت اقولكم سعر مكنة الكومبريسور بتاع التويتا سارتلت كان 600 جنية مستعمل من الميكانيكى بتاعى ولما سالتة بتجيبة منين قالى من بورسعيد.








المقال "حل مشكلة مكيف الاسبرانزا a113" نشر بواسطة: بتاريخ:
رد زائر 562
انا عندي نفس المشكله وعايز اعمل زيك بس ياريت رقم تليفون الميكانيكي وعنوانه بالظبط لاني نزلت شارع اسوان ولفيته كله وسالت على الاسم ده وملقتهوش خالص



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
اسعار اسبرنزا a113 فى مصر 2014 بالصور والفيديو
أسعار ومواصفات اسبرانزا a113 لشهر سبتمبر
تعرف على سعر السيارة اسبرانزا a113 هاتشباك فى مصر موديل 2012
أمريكا: منتجع مكيف للقطط و الكلاب


Powered by vBulletin Version 3.8.8
Copyright ©2000 - 2018, Jelsoft Enterprises Ltd
جميع الحقوق محفوظة © nmisr.com نجوم مصرية