جبتلك شويه وصفات هاتعمليها عشان تحافظي على رجلك من التشقق:
_هاتحطي رجلك في ميه دافيه مع ملح وملعقة زيت زيتون ونص ليمونه وتسيبيها لمده ربع ساعه وبعدين تجيبي الحجر وتبدأي في ازاله الجلد الميت وبعد ماتخلصي تنشفيها كويس خالص وترطبيها بجلسرين مع كريم مرطب خاص بالرجلين وتلبسي شراب وياريت تعمليها مرتين في الاسبوع عشان تحافظي على رجلك من التشقق والجلد الميت.
_كمان ممكن تستعملي الليمون مع الفازلين:
هاتحطي رجلك في ميه دافيه لمده ربع ساعه وتنشفيها كويس خالص وبعدين تخلطي الفازلين مع عصير الليمون وتدلكي بيهم رجليكي وتلبسي شراب عشان تحافظي عليها.
وكمان اكيد هاتكون دي طريقه سهله ليكي ومش متعبه.
_وممكن تستعملي العسل,
العسل ده بيرطب بطريقه حلوة خالص كل اللي هاتعمليه هاتضيفي ملعقة عسل كبيره في الميه اللي هاتحطي فيها رجلك وتسبيها لمده ربع ساعه وبعدين تنشفيها وترطبيها.