السلام عليكم ورحمه الله وبركاته
الى كل واعزائى اعضاء وزوار منتدى نجوم مصريه والى كل عشاق اكلات القرنبيط وخاصه فى فصل الشتاء ويعتبر القرنبيط من الاكلات المحبوبه والمفضله والمغذيه جدا لدى الكبار والصغار فعشان كده النهارده جيبالكم طريقه روعه وسهله جدا لطريقه عمل القرنبيط مقلى بالخلطه واليكم اجمل واطعم واحلى طريقه لعمل القرنبيط المقلى بالخلطه وبخطوات سلسه يارب تنال اعجابكم
المقادير:
زهرة قرنبيط
4 بيضات
كوب دقيق
كوب لبن
1/ 2 كوب شبت مفروم
1/ 2 كوب كزبرة مفرومة
2 فصوص ثوم مفروم
ملح وفلفل
ملعقة صغيرة كمون
ملعقة صغيرة شطة
الطريقة:
1-قطّعي القرنبيط قطع متوسّطة واسلقيها في ميه، وحطي فيها ملح وكمون، وبعدين صفّيها.
2- بعد كده اعملي الخلطة؛ وده بإنك تخلطي كل المكونات: "البيض، اللبن، الملح والفلفل، الثوم، الدقيق، الشبت، الكزبرة، الشطة، الكمون"، وقلّبيهم مع بعض كويس لحد ما يعمل سائل سميك.
3- بعد كده حطي قطع القرنبيط في الخليط، وبعدين اقليه في زيت ساخن جدا وغزير، وقدّميها سخنة.