ان الشاورما اساسها اللحوم الحمراء ولكن ممكن ان نستغنى عنها باللحوم البيضاء وده علشان نسبه الكريسترول تكون اقل وايضا الشاوما وجبة سريعة وشهية ويقبل عليها الاطفال فى كل وقت وهى وجبة عشاء تحفة ولا ننسى معها طبق سلطة كبير مكون من كل الالوان خس جزر خيار بقدونس جرجير كرنب وكابتشو اى حاجة خضرة مش حتقول لا كمان فلفل رومى غنى بالحديد ولا ننسى الليمون اهم حاجة فى كل ده غسيل الخضروات جيا والشطفة النهائية مياه بالخل تمام كده نرجع تانى للطريقة والمقادير
اولا نبداء بخبز التورتيلا او الصاج اى اسم المهم المقادير والطريقة سهلة
حيث ان خبز التوتيلا هذا سهل طهيه ولفه والى جوار انه يعطى مذاق خاص ومميز للشاورما بالاضافة انه لاياخذ وقت او مجهود فى تجهيزه كل ما نحتاج اليه بعض الدقيق والمقادير القادمة تباعا
والشرح حيكون فيديو
المقادير
2 كوب دقيق
معلقه كبيره خميره فوريه
معلقه صغيره ملح
معلقه صغيره سكر
2 معلقه كبيره حليب بودره
2 معلقه كبيره زيت
مايه دافيه للعجن
الطريقه
نعجن المقادير كلها مع بعض لحد ما تتكون عجينه ناعمه ومتماسكه زي كده
نسيبها تخمر وتتضاعف معايا بالشكل ده
نكورها كور متوسطه الحجم عشان تكون سهله معايا في الفرد
نبتدي نفرد واحده واحده كده
يرص مع بعض الاول وبعدين يوضع على الطاسة بعد الفرد علشان مش ينشف من الاحرف وعلي نار هاديه نسويه في طاسه تيفال ونقلب فيه لحد مايحمر من الجانبين بعد ما نخلص خالص نعمل الحركة دى
نلفه في فوطه نضيفه عشان يفضل طازج معانا وسهل اللف
وصلنا للاساس طريقة عمل الشاورما خاصتنا
نقطع اللحمه( ياريت تكون طازجة يعنى من عند الجزار عدل ) شرايح رفيعه ( عشان تسهلي التقطيع معاكي تكون السكينه حامية شوية وياريت اورمة خشي وبسهوله هتتقطع )
نجهز التتبيله وبتكون حسب التذوق بتحبى الشطة زودى واضيفى شطة ولكن الاساسيات لا نستغنى عنها
( خل ــ عصير ليمون ــ بهارات شاورما ــ معلقه كبيره زبادي ــ فلفل اسود ــ كمون ــ حبهان- زرورد)
نقطع الفلفل شرايح عشان تنتشر رائحتهفى الشاورما
نتركها مدة طويلة في التلاجه يوم على الاكثر علشان تسهل عملية النضج وتشرب التوابل
نقف هنا لمرحلة التسويه
في طاسه تيفال علي النار
نضع قليلا من زيت الزيتون اوزيت الذرة ايهما تفضلينفى الطاسة ويسخن جيداااااااا نضع المقادير التى بالبراد على الزيت الساخن
علي نار عاليه نقلب باستمرار
و وعندما تقترب من النضج
بدأت تنشف وبالتقليب علي طول وبرضه علي نار عاليه
استمري في التقليب وشوحيها عشان تاخد لون
اهي بقيت جاهزه واستويت
وعلي ما تستوي معايا نقطع طماطم شرايح ــــ بقدونس ـــ بصل شرايح ( بحب انقعه في الخل شويه الاول عشان مش يعمل ريحه
نقلبه كله مع بعض
وننزل بيه علي الشاورما مرة واحدة
الطحينه طرورى فى الوجبة دى
( طحينه سايله ــ معلقه زبادي ــ خل ــ ليمون ــ كمون ــ فص توم ناعم ــ فلفل اسود
ــ ملح )
ونحط مايه بارده عليها عشان لونها يفتح المايه الدافيه بتخليها غامقه )
وخلي سمكها تقيل اهي جاهزه
خلاص كله جاهز معايا نبتدي نعمل الساندوتشات
ندهن الخبز بتاعنا بالطحينه
نحط الشاورما
وعليها الطحينه
نلفه كويس