نجوم مصرية
منتديات نجوم مصرية المنتدى العام آخر الأخبار



تابع نجوم مصرية على أخبار جوجل




طرق الزواج المصريه عبر العصور

 

طرق الزواج المصريه


على مر التاريخ

مصر الفرعونية
بابا انا عايز اتجوز اختى حت حور
خلاص يا ابنى خليها تنقل حاجتها فى قوضتك.. وابقى هاتلها حجرين صوان هدية..
مبروك يا تاح


مصر فى عصر الرومان
تتجوزينى يا افروديت
اتجوزك يا بانسيلوس
يللا بينا نبنى كوخ ع البحر ونعيش هناك يللا


مصر بعد الفتح الاسلامى

ولدى خالد يا شيخ احمد بيريد يتجوز ابنتك البكر الكريمة.. وبيبنى خيمة.. ويقدم مهر بعير
والله خالد ولدك زين الرجال .. وايش اتمنى غير رجل صالح يكون زوج لبنتى .. وكما قال رسول الله صلى الله عليه وسلم ' ان جاءكم من ترضون دينه وخلقه فزوجوه ' .... قيموا الافراح


مصر 1919
انت ح تتجوز بنت الحاج عبد الجليل .. انا كلمته خلاص ووافق .. وضب قوضتك وهات خلخال .. فرحك يوم الخميس اللى جاى
طب مش اشوفها الاول يابا
انت اتجننت يا ولد تشوفها ده ايه .. انت ح تتجوز والا تخبص
حاضر يابا


مصر 1960
بقى يا ستى بنتك آمال جالها عريس
ياألف نهار ابيض يا ألف نهار مبروك
جدع طيب وابن حلال موظف فى الحقانية .. وماهيته مش بطالة .. اهو يبنوا حياتهم سوا بعد الجواز.. والا ايه رأيك يا أم العروسة؟
الرأى رأيك يا أبو العروسة .. والله العيال ح يعجزونا يا ابو محمد
فشر .. تدبل الوردة وريحتها فيها يا نرجوستى


مصر فى عصر الانفتاح

اخرسى يا بنت... انا اللى يتجوز بنتى لازم يكون عنده شقة تمليك وعربية وسوبر ماركو
بس يا ماما
ما فيش بس.. انا وابوكى قبل ما يموت فى الحرب كانت بتعدى علينا ايام ما بنلاقيش ناكل.. انا يا بنتى مش عايزاكى تتعذبى زى ما احنا اتعذبنا.. انتى ح تتجوزى فتحى ابن خالتك
بس انا مش بحبه يا ماما
الحب ما بيأكلش تونة فى الزمن ده يا فالحة
امرك يا ماما
مصر 1990
البنت: بابا ريكو حييجى يقابلك بكره وهو راجع من المول مع ديدى متتكلمش معاه فى اى ماديات من فضلك انا بشترى راجل واحنا معانا كتير وبعدين الكلام فى المهر والعفش والقايمه والفرح ده موضه قديمه وحاجات بلدى ياى
انا اتفقت معاه على كل حاجه والفرح فى كافيه ماريانو فى المعادى على الضيق كده وانا جيت اعزمك انت ومامى
الاب: مبروك يا حبيبتى
تابع نجوم مصرية على أخبار جوجل



مصر 2008
بابى دودى على اللى اتعرفت عليه من الشات مشغل الويب كام و عايز يكلمك علشان يقراء معاك الفتحه اصله ملتزم اوى و مصمم يدخل البيت من ماسنجره اقصدى من بابه
الاب: على خيرة الله يا بنتى ده شكله فعلا ملتزم روحى شغلى الكاميرا و الميك واناهلبس انا و مامتك ونجى نقراء الفتحه مش انتوا اتفقت على كل شى يا روحى يلا ربنا يتمملكم بخير


الموضوع منقول
__________________






المقال "طرق الزواج المصريه عبر العصور" نشر بواسطة: بتاريخ:
أسيرة الليل
مصر 2008
بابى دودى على اللى اتعرفت عليه من الشات مشغل الويب كام و عايز يكلمك علشان يقراء معاك الفتحه اصله ملتزم اوى و مصمم يدخل البيت من ماسنجره اقصدى من بابه
الاب: على خيرة الله يا بنتى ده شكله فعلا ملتزم روحى شغلى الكاميرا و الميك واناهلبس انا و مامتك ونجى نقراء الفتحه مش انتوا اتفقت على كل شى يا روحى يلا ربنا يتمملكم بخير


دى أحلى طريقه ههههههههههه
بس ياريتها بالسهوله دى دلوقت فى الزمن ده مبقتش شقه وسوبر ماركت وبس
لاده دلوقت لازم شقه وعربيه وشبكه ألماظ والفرح فى فندق خمس نجوم ومهر يليق بالعروسه طبعا ويعبر بيه عن مدى حبه ليها هو ده بقى الجواز فى الزمن ده تجاره مش جواز
sonaa
ههههههههههههه

جميله اوى طريقة 2008

ميرسى كتير على المجهود المتميز
lost_angle
شكرا يا قمر ع المرور



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
ما يدور عن الرجال المصريه قبل الزواج
خبر هام : السفاره المصريه ترفض اعطاء التأشيره المصريه للاسرائيليين !!
المتهم بتفجيرات الحسين: لكى لا تكوت للسلطات المصريه سلطان على ساتنازل عن الجنسيه المصريه

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية