بسم الله الرحمن الرحيم
السلام عليكم ورحمه الله وبركاته
الى كل اخواتى وحبايبى الحلوين اعضاء وزوار منتدى نجوم مصريه والى كل الذين يعانون من رائحه العرق فعشان كده النهارده اختكم داليا جيبالكم خلطه لمنع العرق من تحت الابطين نهائيا مش هاتحسي بعرق ولا ريحه ابدا كل ماتحطيها ومفعولها بيدوم اسبوع كامل وهذه الخلطه طبيعيه وامنه ميه ف الميه
بدل المزيلات العرق ال كلها مواد كيميائيه مش بتكملي اليوم وتلاقي الريحه والعرق بقى لايطاق
وكمان ايه مع وصفتي الريحه تحفه والنعومه ولا اجمل وكمااااان بتفتح الابطين بجد
المقادير:-
كيس بودره تلك بتاعت الاطفال او علبه بودره تلك المعطره بالريحه ال تحبيها من بتاعت ماي واي
+
بجنيه شبه
+
علبه تراب مسك ابيض (اسألو عليها عند العطار بس تحفه)
الشبه ندقها فى الهون او نطحنها فى الخلاط عشان تبقى بودره
هانجيب كيس بقى ونحط الشبه المطحونه على البودره على التراب المسك ونخلطهم جيدا وبس
والخلطه دي ممكن تكفينا سنه
طريقه الاستخدام
تستحمي وتنشفي كويس بعدين تاخدي حبه صغيرين جدا تمسحي بيهم تحت باطك وخلاص
كل اسبوع اعمليها مره واحده بس والله هاتقعدي اسبوع كامل من غير عرق ولا ريحه ووحشه سواء بتستحمي خمسين مره خلال الاسبوع او ما استحمتيش خالص برضو مفعولها مش بيروح