السلام عليكم ورحمه الله وبركاته
الى كل اخواتى اعضاء وزوار المنتدى الكرام والى كل الذين يعانون من الكرش او البطن سواء رجال او سيدات فالنهارده جايب لكم افضل واقوى اعشاب بتساعد على حرق دهون البطن واليكم خلطه طبيعيه جميله جدا لتخسيس الكرش والقضاء على البطن بدون رياضه
الاعشاب
1- مشروب الكمون والليمون
2- مشروب البابونج
3- الشاى الاخضر
4- النعناع
5- الجنزبيل
6- القرفة
وممكن تقروا عن فوائد كل حاجه منهم بالتفصيل على الانترنت
انا بس هقول لكم بأعمل المشروب دا ازاى
اول حاجه بجيب كوباية واحط فيها
"ملعقة كبيرة من نبات البابونج"
ودا شكله لما تشتريه من عند العطار
تانى حاجه تحطى الشاى الاخضر ملعقة برده اشترى الشاى الاخضر اى نوع مش لازم نوع معين
ملعقة قرفة صغيرة وملعقة جنزبيل صغيرة والاتنين مطحونين
ونحط نعناع اخضر لو موجود ولو مش موجود نحط النعناع الناشف المطحون
ملعقة صغيرة كمون ونعصر ليمونة
بعد ما نحط كل دا فى الكوباية نصب عليها الماء المغلى ونغطى على الكوباية كويس عشان نستفيد بالاعشاب اللى فيها ونسيبها متغطية 10 دقايق على الاقل
[FONT=Lateef]وطبعا منحطش سكر
فى الاول هيبقى الطعم غريب اوى ومش متعودين عليه من غير سكر لكن بعد كام يوم هيبقى الطعم عادى و عشان نحس بنتيجة مفروض يتشرب المشروب دا 3 مرات فى اليوم