بسم الله الرحمن الرحيم
السلام عليكم ورحمه الله وبركاته
الى كل اخواتى واعزائى اعضاء وزوار منتدى نجوم مصريه والى كل عشاق الحلويات النهارده جيبالكم اجمل واطعم عمل بسبوسه وتعتبر البسبوسه من الحلويات المحبوبه والمفضله لدى الكبار والاطفال واليكم هذه الطرقه بخطوات سهله وبسيطه يارب تنال اعجابكم
** الشربات :
نعمله اول ماندخل الصينية الفرن عشان يكون سخن لما تطلع الصينية من الفرن 1كوب سكر + 1 كوب ماء على النار حتى الغليان وبعدين نعصر نص ليمونة ونوطى النار ونسيبه لحد مايعقد ,, ونعرف انه عقد باننا ناخد بالمعلقة نقطة منه ونزلها على الرخامة نلاقيها كورة متماسكة مش بتفرش اول ماتنزل على الرخامة ,, قبل مانطفى النار نضيف معلقة سمنة بلدى ومعلقة عسل ونقط ماء زهر ,, ونقلب ونطفى على طول ..
-- طلعت الصينية من الفرن على طول نصب عليها الشربات السخن نوزعه على الوش كله ولما يشربه وطبعا هيشربه فى ثوانى لو البسبوسة ناجحة ,, نوزع اللى باقى من الشربات ونغطى عليها شوية ,,
المكونات:-
1و1/2 كوب سميد
1 كوب زيت نباتي
1 كوب سكر خشن
2 بيض
1 كوب حليب سائل
ملعقة صغيرة فانليا
ملعقة كبيرة بيكنج باودر
ذرة ملح
شيرة ( الشربات)
للتزيين
جوز الهند
الطريقة
يخلط في الخلاط الكهربائي كل من : ( بيض + زيت + سكر + الفانليا)، تخلط جيداً حتى تتجانس. .و
في وعاء آخر يخلط السميد + البيكج باورد + الملح. و يضاف إلى خليط البيض خليط السميد مع الحليب تدريجياً مع الخلط المستمر بالخلاط الكهربائي. .و توضع في صينية مدهونة وتدخل بالفرن لمدة 30 دقيقة تقريباً. .و بعد استخراجها من الفرن مباشرة توضع فوقها الشيرة ثم ترش بجوز الهند. .
تترك لتبرد قليلاً ثم تقطع.